თუ ხშირად გიწევს იმაზე ფიქრი, როგორ გაახარო საყვარელი ადამიანები სხვადასხვა განსაკუთრებულ სიტუაციაში – იქნება ეს დაბადების დღე თუ სხვა ნებისმიერი დღესასწაული, მაგრამ საჩუქრების იდეები გამოგელია, კარგი ამბავი გვაქვს შენთვის.
საქართველოს ბანკის მობილბანკსა და ინტერნეტბანკში სასაჩუქრე ბარათების შეძენაც შეგიძლია. აპლიკაციაში სხვადასხვა კომპანიის შეთავაზებების ნახვა აქამდეც შეგეძლო: ფასდაკლებები, აქციები და სხვა. თუმცა, ახლა პირდაპირ აპლიკაციიდან შეგიძლია კონკრეტულ მაღაზიაში გამოსაყენებელი სასაჩუქრე ბარათის, ერთგვარი ვაუჩერის, აღება — როგორც შენთვის, ასევე საყვარელი ადამიანებისთვის.
რა არის სასაჩუქრე ბარათები და როგორ უნდა შეიძინო ისინი
სასაჩუქრე ბარათი, როგორც გითხარით, ერთგვარი ვაუჩერია. რომლითაც შეძლებ, ამა თუ იმ მაღაზიის პროდუქცია შეიძინო. მობილბანკის განახლებულ აპლიკაციაში ისინი „შეთავაზებების“ განყოფილებაში დაგხვდება. აქ ათობით კომპანიის ჩამონათვალია, რომლის გაფილტვრაც ადვილად შეგიძლია შენი ან ადრესატის ინტერესების მიხედვით: შოპინგი, ავტომობილები, თავის მოვლა, სახლი და ოჯახი, ტექნიკა და სხვა.
მას შემდეგ, რაც მაღაზიას აარჩევ, მოგიწევს, შეარჩიო სასაჩუქრე ბარათის დიზაინი და ჩაწერო ადრესატის მობილურის ნომერი, რომელზეც შესაბამისი ბმული გაიგზავნება (ან მიუთითო, რომ ბარათი შენთვის გსურს).
ამის მერე კი უნდა გადაწყვიტო, რა ღირებულების მქონე სასაჩუქრე ბარათის შეძენა გსურს — მაქსიმალური თანხა შეიძლება განსხვავდებოდეს კომპანიების მიხედვით. საბოლოოდ, უბრალოდ, მონიშნავ, რომელ დღეს გსურს, რომ ადრესატმა შენი საჩუქარი მიიღოს.
კიდევ რა უნდა იცოდე სასაჩუქრე ბარათებზე
მნიშვნელოვანი ამბავია ის, რომ სასაჩუქრე ბარათების შეძენა ნაწილ-ნაწილ გადახდითაც შეგიძლია. ალბათ იცი — ეს საქართველოს ბანკის გადახდის ახალი მეთოდია, რომლითაც შეგიძლია ღირებულება ოთხ ტოლ ნაწილად გაყო და მომდევნო თვეებზე გაანაწილო, ყოველგვარი პროცენტისა და ფასნამატის გარეშე.
რა თქმა უნდა, ბარათების შეძენა PLUS ქულებითაცაა შესაძლებელი, რომლებსაც საქართველოს ბანკის ბარათით ნებისმიერი გადახდისას აგროვებ, კიდევ უფრო მეტს კი – PLUS ბარათით.
ამას გარდა, ადრესატისთვის სასაჩუქრე ბარათის გაგზავნისას მას პატარა მინაწერიც შეგიძლია დაურთო, რაც კიდევ უფრო ძვირფასს გახდის მას.
ალბათ, დაგვეთანხმები, რომ საჩუქრის შერჩევა არასდროს ყოფილა ასეთი მარტივი! ბოლო წუთსაც კი შეგიძლია მიმართო ამ გამოსავალს და დაგვიანებულ საჩუქარზე აღარ ინერვიული. ასე რომ, სასაჩუქრე ბარათის შერჩევა აღარ გადადო, ეწვიე მობილბანკს და გაახარე შენი საყვარელი ადამიანი ან სულაც საკუთარი თავი.
ხოლო თუ შერჩევა გაგიჭირდება, არც ამაზე იდარდო — სულ მალე შემოგთავაზებთ საინტერესო და პრაქტიკული სასაჩუქრე ბარათების იდეებს.
შეიძინე სასაჩუქრე ბარათები