სიურპრიზები მობილბანკში — რა არის და როგორ უნდა გამოიყენო სასაჩუქრე ბარათები

ახლოვდება ახალი წელი — ყველა ჩვენგანისთვის საყვარელი დღესასწაული, რომელსაც ყოველთვის თან სდევს უხილავი ჯადოსნობაც. ამ ჯადოსნობას კი თავად ვქმნით — ერთმანეთისთვის გაზიარებული სითბოთი და გაცვლილი საჩუქრებით. ჰოდა, თუ უკვე შენც გამუდმებით იმაზე ფიქრობ, რითი გაახარო ახლობელი ადამიანები ამ ახალ წელს, მაგრამ საჩუქრების იდეები დაგელია, კარგი ამბავი გვაქვს.

საქართველოს ბანკის მობილბანკსა და ინტერნეტბანკში ამიერიდან სასაჩუქრე ბარათების შეძენასაც შეძლებ. აპლიკაციაში სხვადასხვა კომპანიის შეთავაზებების ნახვა აქამდეც შეგეძლო: ფასდაკლებები, აქციები და სხვა. თუმცა, ახლა პირდაპირ აპლიკაციიდან შეგიძლია კონკრეტულ მაღაზიაში გამოსაყენებელი სასაჩუქრე ბარათის, ერთგვარი ვაუჩერის, აღება — როგორც შენთვის, ასევე საყვარელი ადამიანებისთვის.

რა არის სასაჩუქრე ბარათები და როგორ უნდა შეიძინო ისინი

სასაჩუქრე ბარათი, როგორც გითხარით, ერთგვარი ვაუჩერია. რომლითაც შეძლებ, ამა თუ იმ მაღაზიის პროდუქცია შეიძინო. მობილბანკის განახლებულ აპლიკაციაში ისინი „შეთავაზებების“ განყოფილებაში დაგხვდება. აქ ათობით კომპანიის ჩამონათვალია, რომლის გაფილტვრაც ადვილად შეგიძლია შენი ან ადრესატის ინტერესების მიხედვით: შოპინგი, ავტომობილები, თავის მოვლა, სახლი და ოჯახი, ტექნიკა და სხვა.

მას შემდეგ, რაც მაღაზიას აარჩევ, მოგიწევს, შეარჩიო სასაჩუქრე ბარათის დიზაინი და ჩაწერო ადრესატის მობილურის ნომერი, რომელზეც შესაბამისი ბმული გაიგზავნება (ან მიუთითო, რომ ბარათი შენთვის გსურს).

ამის მერე კი უნდა გადაწყვიტო, რა ღირებულების მქონე სასაჩუქრე ბარათის შეძენა გსურს — მაქსიმალური თანხა შეიძლება განსხვავდებოდეს კომპანიების მიხედვით. საბოლოოდ, უბრალოდ, მონიშნავ, რომელ დღეს გსურს, რომ ადრესატმა შენი საჩუქარი მიიღოს.

კიდევ რა უნდა იცოდე სასაჩუქრე ბარათებზე

მნიშვნელოვანი ამბავია ის, რომ სასაჩუქრე ბარათების შეძენა ნაწილ-ნაწილ გადახდითაც შეგიძლია. ალბათ იცი — ეს საქართველოს ბანკის გადახდის ახალი მეთოდია, რომლითაც შეგიძლია ღირებულება ოთხ ტოლ ნაწილად გაყო და მომდევნო თვეებზე გაანაწილო, ყოველგვარი პროცენტისა და ფასნამატის გარეშე.

ამას გარდა, ადრესატისთვის სასაჩუქრე ბარათის გაგზავნისას მას პატარა მინაწერიც შეგიძლია დაურთო, რაც კიდევ უფრო ძვირფასს გახდის მას.

ახალ წლამდე კი, დაახლოებით, ორი კვირა რჩება, რაც არცთუ დიდი დროა. ასე რომ, სასაჩუქრე ბარათის შერჩევა აღარ გადადო, ეწვიე მობილბანკს და გაახარე შენი საყვარელი ადამიანი ან სულაც საკუთარი თავი.

ხოლო თუ შერჩევა გაგიჭირდება, არც ამაზე იდარდო — სულ მალე შემოგთავაზებთ საინტერესო და პრაქტიკული სასაჩუქრე ბარათების იდეებს.

შეიძინე სასაჩუქრე ბარათები

არ გაჩერდე, გააგრძელე კითხვა