საქართველოს ბანკის მობილბანკი გამორჩეული პროდუქტია, რომელიც ცხოვრებას გვიადვილებს და დიდ ბიუროკრატიას გვაშორებს თავიდან. იგი წლიდან წლამდე უმჯობესდება და კიდევ უფრო უკეთესი ხდება, ამჯერადაც საქართველოს ბანკი არ ჩერდება და სიახლეები ივნისის თვეშიც მოამზადა.
ცენტრალურ და აღმოსავლეთ ევროპაში 2023 წლის საუკეთესო ციფრული ბანკი 2 სიახლეს გთავაზობს:
3 ახალი ენა
მობილბანკის გამოყენება ამჯერად დამატებით 3 ენაზე: თურქულ, სომხურ და აზერბაიჯანულ ენაზეც შეგიძლია. თუ შენი ძირითადი ენა ამ სამიდან რომელიმეა ან უბრალოდ ამ ენებზე გეკომფორტულება მომსახურების მიღება, მობილბანკი უკვე შეგიძლია, შენს კომფორტს მოარგო.
გარდა ამისა, თუ შენი რომელიმე მეგობარი, ახლობელი ან ნათესავი ამ სამიდან რომელიმე ენაზე საუბრობს, აუცილებლად გაუზიარე ეს სიახლე, რათა საქართველოს ბანკის მობილბანკი მისთვისაც უფრო მარტივად სამართავი გახდეს. სამივე ენაზე ზუსტად იგივე ფუნქციებით ისარგებლებ და ისევ ისე გაიმარტივებ ცხოვრებას, როგორც აქამდე – ქართულ ენაზე. ენის შეცვლას მობილბანკის პარამეტრებიდან უმარტივესად შეძლებ.
საქართველოს ბანკის წარმომადგენელი, ბელა ბაქრაძე დეტალურად ხსნის ამ სიახლის საჭიროებას:
„საქართველოს ბანკი საქართველოს ყველა მოქალაქის ბანკია. ამიტომაც მთავარი მიზანი იყო, მაქსიმალურად ხელი შეგვეწყო იმ ეთნიკური უმცირესობებისთვის, რომლებიც ხშირად ენის ბარიერის გამო ვერ სარგებლობენ ციფრული სერვისებით/პროდუქტებით და ყოველ ჯერზე უწევთ ფილიალში ვიზიტი სხვადასხვა მომსახურების მისაღებად. თურქული, აზერბაიჯანული და სომხური ენა – სამი სიახლე ერთ განახლებაში, ყველა ის პროდუქტი თუ სერვისი იქნება ხელმისაწვდომი, რაც აქამდე მხოლოდ ინგლისურად და ქართულად იყო. თანაც ეს არ არის ენების საბოლოო სახე, გავაგრძელებთ მის გაუმჯობესებას, თარგმანების და ტექსტების მორგებას აპლიკაციაზე, ათა მაქსიმალურად გასაგები და კომფორტული გახდეს“.
გადარიცხვისა და ვალუტის რედიზაინი
გარდა იმისა, რომ მობილბანკს მუდმივად ემატება ახალ-ახალი ფუნქციები, რომლებიც მაქსიმალურად გაძლევს საშუალებას, რომ ყველაფერი შენი ტელეფონიდან მართო, დიზაინიც ხშირად ახლდება.
ამჯერად გაუმჯობესდა და უფრო დაიხვეწა საკუთარ ანგარიშზე გადარიცხვისა და ვალუტის კონვერტაციის დიზაინები. ამ ოპერაციებს ამიერად უფრო მარტივ, მოქნილ და ლამაზ ვიზუალში შეძლებ, ორივე ოპერაციის შესასრულებლად კი ისევ რამდენიმე წამი იქნება საჭირო.
ანი მამფორია, საქართველოს ბანკის Product Owner განმარტავს, როგორ მუშაობს საქართველოს ბანკი მსგავს სიახლეებზე:
„მომხმარებლების უკუკავშირები, რომლებიც ყოველდღიურად ზიარდება ჩვენი გუნდის შიგნით, გვაძლევს შესაძლებლობას, მუდმივად გვედოს მათ პულსზე ხელი და ამის შედეგად შევქმნათ და/ან განვაახლოთ ისეთი ფუნქციონალები, რომლებიც პირდაპირ ემსახურება მათი ყოველდღიურობის გამარტივებას. სწორედ ამ უკუკავშირებზე დაყრდნობით განახლდა საკუთარ ანგარიშებს შორის გადარიცხვისა და კონვერტაციის ფუნქციონალები, რომლებიც მომხმარებლებს მისცემს შესაძლებლობას, მიიღონ კიდევ უფრო სწრაფი და დახვეწილი გამოცდილება. ამასთანავე შეამცირონ შეცდომის დაშვების რისკებიც, რადგან პროცესში მომხმარებელს აქვს შესაძლებლობა, ყველაფერი ერთ გვერდზე ნახოს და შემდეგ ტრანზაქცია დაადასტუროს“.
რა თქმა უნდა, ეს სიახლეების მხოლოდ ერთი ნაწილია, ახალ-ახალი ამბები მომავალშიც უამრავი იქნება, რადგან საქართველოს ბანკის გუნდი მუდმივად მუშაობს, რომ რაც შეიძლება მარტივად და სწრაფად, სახლიდან გაუსვლელად გააკეთო ისეთი რაღაცები, რასაც აქამდე ბანკში მისვლა, რიგში დგომა და ლოდინი სჭირდებოდა.
თუ ჯერ არ სარგებლობ მობილბანკით, შენს მოწყობილობაში მის გადმოწერასა და გააქტიურებას რამდენიმე წამში შეძლებ, მისი გამოყენებით საყვარელი რაღაცების საკეთებლად მნიშვნელოვანი დრო გამოგითავისუფლდება. მუდმივი სიახლეების შესახებ ინფორმაციის მიღებისთვის კი თვალი ადევნე ჩვენს ბლოგებს.