რა სიახლეები დაგხვდება მობილბანკში ამჯერად

ცოტა ხნის წინ მოგიყევით მობილბანკის იმ ფუნქციონალებზე, რომლებიც მოგზაურობას ამარტივებს. სექტემბერი სიახლეების – ახალი სასწავლო წლის, გარდერობის განახლების და ა.შ. პერიოდია და საქართველოს ბანკის მობილბანკიც სექტემბერში განსაკუთრებულ სიახლეებს სთავაზობს მომხმარებლებს.

ამჯერად კი, ტრადიციულად, წარმოგიდგენთ მობილბანკის ახალ და ყოველდღიურობაში გამოსადეგ ფუნქციებს.

ინვესტირების ლიმიტური დავალებები

რა ხანია, საქართველოს ბანკმა დაამსხვრია მითი, თითქოს, ინვესტირება მხოლოდ გარკვეული სეგმენტის ადამიანებს შეუძლიათ. მობილბანკში ხომ ერთი კლიკი გაშორებს საფონდო ბირჟებამდე და ალბათ თავადაც სარგებლობ საინვესტიციო მოდულით მობილბანკში. ინვესტირებაზე თუ აქამდე არ გიფიქრია, აუცილებლად უნდა დაინტერესდე მისით, რადგან ეს კაპიტალის დაგროვების ყველაზე ხელსაყრელი საშუალებაა, მით უფრო — გრძელვადიან პერსპექტივაში. ამასთან, მობილბანკი დამწყებ ინვესტორებს მარტივად, დაცულად და ეფექტურად ვაჭრობის საშუალებას აძლევს.

აი, სწორედაც რომ ეფექტური ვაჭრობის მიზნით დაემატა აპლიკაციას ლიმიტული დავალების ფუნქციონალი. აქამდე თუ გამუდმებით ამოწმებდი აქციების ფასებს იმის დასადგენად, როდის ღირს ყიდვა და როდის — გაყიდვა, ეს დამღლელი და რუტინული პროცესი შეგიძლია წარსულში დატოვო.

ამიერიდან შენ შეძლებ, მიუთითო, რა ნიშნულზე და რამდენი აქციის გაყიდვა ან შეძენა გსურს — თავად დააწესებ, მაქსიმუმ რა ფასად გსურს ყიდვა და მინიმუმ რა ფასად გინდა გაყიდვა. მაგალითად, გინდა, რომ „ეფლის“ აქცია მაშინ იყიდო, როცა მისი ფასი $200 გახდება, ხოლო გაყიდო მაშინ, როცა ის $300-ს მიაღწევს. ეს ყველაფერი უკვე ავტომატურად მოხდება შენთვის სასურველ პერიოდში. ასე კი დროს დაზოგავ.

„პირველ რიგში, იმედი გვაქვს, რომ ამ ინსტრუმენტით სარგებლობას დაიწყებენ ჩვენი მოდულით აქტიურად მოვაჭრე მომხმარებლები“ — ამბობენ საქართველოს ბანკში, — „თუმცა, ჩვენი მიზანია, რომ სწორედ არააქტიურ მოვაჭრეებს შევუწყოთ ხელი, რომ უფრო მარტივად გამოიყენონ მოდული. შესაბამისად, მოლოდინი გვაქვს, რომ აქტიური მოვაჭრეების რიცხვი კიდევ უფრო გაიზრდება და ჩვენი მომხმარებლების, სულ მცირე, ნახევარი ერთხელ მაინც გამოიყენებს ლიმიტური დავალების ინსტრუმენტს“.

ბანკში ამატებენ, რომ მუდმივად ითვალისწინებენ მომხმარებლის უკუკავშირს, საერთაშორისო ტენდენციებს და ცდილობენ, ინვესტირების გამოცდილება მაქსიმალურად მარტივი და კომფორტული იყო, განსაკუთრებით მათთვის, ვინც ახლა დგამს პირველ ნაბიჯებს.

გზავნილის გაგზავნა მობილბანკიდან

მობილბანკში ფულადი გზავნილის სწრაფად და საუკეთესო კურსით მიღება რომ შეგიძლია, ეს ალბათ ისედაც იცი. თუმცა, ახლა მობილბანკს უკვე გზავნილის გაგზავნის ფუნქციონალიც დაემატა. მისი დახმარებით, სახლიდან გაუსვლელად შეძლებ, სასურველ ვალუტაში გადარიცხო თანხა მსოფლიოს ნებისმიერ ქვეყანაში.

ქონების დაზღვევა

აქამდე მობილბანკში შესაძლებელი იყო, რომ უმარტივესად შეგეძინა სამოგზაურო და ავტოპასუხისმგებლობის დაზღვევა. ამიერიდან კი ამ ჩამონათვალს ქონების დაზღვევაც დაემატა. ახალი სადაზღვევო პროდუქტი შესაძლებლობას გაძლევს, დისტანციურად დააზღვიო ბინა ან კერძო სახლი. მეტიც: მესამე პირის (მეზობლის) პასუხისმგებლობის დაზღვევაც შეგიძლია.

აპლიკაციაში ინფორმაციის შეყვანის მარტივი პროცესის შემდეგ, თავად ირჩევ გადახდის ტიპს: ყოველთვიურად გირჩევნია გადახდა თუ ყოველწლიურად. ყოველთვიურად გადახდის არჩევის შემთხვევაში ავტომატური გადახდაც შეგიძლია დაამატო.

საქართველოს ბანკის წარმომადგენელი, სალომე მეგრელიშვილი გამოყოფს იმ 3 უპირატესობას, რომელსაც მობილბანკის ეს ახალი სერვისი გთავაზობთ:

  • მოქნილობა: მომხმარებლებს შესაძლებლობა აქვთ, აირჩიონ სხვადასხვა დაზღვევის პროვაიდერი და პაკეტი, რაც მათ საჭიროებებს ზუსტად ერგება.
  • სიმარტივე:  ქონების დაზღვევის პროცესი არის სწრაფი და მარტივი, სახლიდან/ოფისიდან გაუსვლელად დაზღვევის დაზღვევის შეძენის შესაძლებლობა სადაზღვევო პროვაიდერებთან შემოწმების გარეშე.
  • უსაფრთხოება: პროდუქტი მომხმარებლებს ეხმარება რისკების შემცირებაში და ქონების უსაფრთხოებაში, რაც მათ სიმშვიდისა და დაცულობის გარანტია“.

როგორც ხედავ, მობილბანკი განახლებას და დახვეწას არ წყვეტს. ასე რომ, თუ ჯერ კიდევ არ სარგებლობ აპლიკაციით, გადმოწერე ის Android ან iOS მოწყობილობისთვის და გაიმარტივე ყოველდღიურობა.

მობილბანკზე სიახლეებს შეგიძლია თვალი ადევნო ჩვენს ბლოგზეც.

არ გაჩერდე, გააგრძელე კითხვა