საქართველოს ბანკი გამოირჩევა დახვეწილი და მოსახერხებელი ციფრული პლატფორმებით, რომლებიც მომხმარებელს საშუალებას აძლევს, საბანკო ოპერაციები სულ რამდენიმე წამში სახლიდან გაუსვლელად შეასრულონ.
საქართველოს ბანკი აქტიურად უჭერს მხარს ბიზნესებისა და სტარტაპების განვითარებას, ქმნის პროდუქტებს, რომლებიც ბიზნესის ფინანსურ მენეჯმენტს ამარტივებენ. ბიზნეს მობილბანკში შეგიძლია შენი ბიზნესის ფინანსები მხოლოდ ერთი აპლიკაციიდან მართო: შეამოწმო ნაშთი, ჩაურიცხო თანხა თანამშრომლებს, გადაიხადო კომუნალურები და ა.შ.
სწორედ დახვეწილი დიზაინი, ხელმისაწვდომობა, სიმარტივე და კომფორტი განაპირობებს ბიზნესმობილბანკის მომხმარებლის რიცხვის ზრდას. არტ სტუდია ,,კარპეტერიას“ ერთ-ერთ დამფუძნებელი, მარიამ მარგიანი, ბიზნეს მობილბანკის აქტიური მომხმარებელია. „კარპეტერია“ პანდემიის დროს ბავშვობის მეგობართან, ნათია ზირაქიშვილთან, ერთად შექმნა. მარიამისა და ნათიას ენთუზიაზმმა, შრომისმოყვარეობამ პატარა სტარტაპი მალე აქცია წარმატებულ ბიზნესად:
,,კარპეტერიას არტ-სტუდია ფერად და განსხვავებულ ხალიჩებსა და ინტერიერის აქსესუარებს ქმნის. ეს ტექნოლოგია სრულიად დამოუკიდებლად შევისწავლეთ, დავხვეწეთ და უკვე აქტიურად ვავრცელებთ. სფერო სრულ შემოქმედებით თავისუფლებას გვაძლევს და შეგვიძლია შევქმნათ ნებისმიერი დიზაინის, ზომისა თუ ფორმის ნაწარმი.
ჩვენთან დამზადებული ყველა პროდუქტი ხელნაკეთია, განსაკუთრებულ ემოციასა და ინდივიდუალიზმს ატარებს. გვიყვარს ექსპერიმენტები და მუდმივად ვცდილობთ, ახალი და საინტერესო პროდუქტი შევთავაზოთ მომხმარებლებს. უკვე ერთ წელზე მეტია, რაც ჩვენს გამოცდილებას აქტიურად ვაზიარებთ ვორკშოპებისა და მასტერკლასების სახით, სადაც ნებისმიერ მსურველს საშუალებას ვაძლევთ, საკუთარი ხელით გააცოცხლოს ჩანაფიქრები.“
როგორც მარიამი გვეუბნება, ბიზნეს მობილბანკის გამოყენება ონლაინ მაღაზიის გახსნის დღიდან დაიწყეს. მისთვის, როგორც არტისტისთვის, ძალიან მნიშვნელოვანია დროისა და ენერგიის მაქსიმალურად დიდი ნაწილი დაუთმოს ხელოვნებას და არა ტექნიკურ დეტალებს:
,,კარპეტერიას ონლაინ მაღაზიის საქმიანობა წარმოუდგენელი იქნებოდა ბიზნეს ბანკის გარეშე. ჩვენთვის, როგორც მცირე ბიზნესისთვის, დრო ყველაზე დიდი რესურსია. ბიზნეს ოპერაციების შესრულებისას განსაკუთრებულად მნიშვნელოვანია სიმარტივე და სისწრაფე.
ბიზნეს მობილბანკი საქმიანობის დაწყებიდან პირველივე ნაბიჯზე ჩვენი ყოველდღიურობის განუყოფელი ნაწილი გახდა. წამიერად შეგვიძლია ტრანზაქციების განხორციელება.
განსაკუთრებით გვეხმარება ბანკში რამდენიმე მომხმარებლის დამატების ფუნქცია, რომლებსაც დამოუკიდებლად შეუძლიათ სხვადასხვა ოპერაციის შესრულება, მათი უფლებები კი ჩვენი სურვილისამებრ არის გაწერილი. ეს ფუნქცია გვიზოგავს დროს, საქმის დელეგირებისა და გუნდში ეფექტიანად მუშაობის საშუალებას გვაძლევს.
გარდა ამისა, ციფრული ბარათის აღება ფილიალში მისვლის გარეშე არის შესაძლებელი, რაც ძალიან კომფორტულია, მარტივად შევუკვეთეთ და მაშინვე დავიწყეთ გამოყენება.“
მარიამი ბიზნეს მობილბანკს ყველაზე ხშირად ანგარიშსწორებისა და ტრანზაქციული ოპერაციებისთვის იყენებს. როგორც თავად ამბობს, პლატფორმის ინტერფეისი ძალიან მარტივია და დახვეწილია, რამაც ხელი შეუწყო მალევე აეთვისებინა ყველა საჭირო ფუნქცია. განსაკუთრებით კომფორტული მისთვის პირად და ბიზნეს ანგარიშებს შორის თანხის მარტივი მიმოცვლა აღმოჩნდა:
,,ბიზნეს ბანკი ყოველთვიურად გვეხმარება ჩვენი ხარჯებისა და შემოსავლების აღრიცხვასა და სტატისტიკის წარმოებაში.
ამასთანავე, სასიამოვნოა ისიც, რომ პირადი ანგარიშებიც საქართველოს ბანკში გვაქვს და წამებში შეგვიძლია თანხა ერთი ანგარიშიდან მეორეზე გადავრიცხოთ, ყოველგვარი ლოდინის გარეშე“.
მარიამი ყველას და განსაკუთრებით სტარტაპერებს ურჩევს საქმის წამოწყების პირველივე ეტაპიდან დაიწყონ ბიზნეს მობილბანკის გამოყენება, რათა საკუთარ თავს, თანამშრომლებსა და მომხმარებელს შეუქმნან მაქსიმალური კომფორტი, ფინანსურ მართვაში დაზოგილი დრო კი საკუთარი პროდუქტის განვითარებისთვის გამოიყენონ.
წელს გავლენიანმა ბრიტანულმა გამოცემა Global Finance-მა 24-ე ყოველწლიურ დაჯილდოებაზე საქართველოს ბანკის ბიზნეს მობილბანკი მსოფლიოში საუკეთესოდ დაასახელა. Global Finance მსოფლიოს ფინანსური ინდუსტრიისთვის ყველაზე სანდო წყაროდ ითვლება. თუ ჯერაც არ გაქვთ საქართველოს ბანკის ბიზნეს მობილბანკი, გადმოწერეთ და გამოიყენეთ მისი მუდმივად განახლებადი და მრავალფეროვანი ფუნქციონალები თქვენი ბიზნესის განვითარებისთვის.
საქართველოს ბანკის სხვა ბიზნესპრუდუქტებსა და სერვისებზე დამატებითი ინფორმაცია შეგიძლიათ გაიგოთ აქ, ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში სულ მარტივად ონლაინ.