OneApp უზბეკეთში დაფუძნებული სტარტაპია, რომელიც ცოტა ხნის წინ 500 Georgia-ს აქსელერაციის პროგრამას შეუერთდა. მისი მიზანია, სამუშაოს მაძიებლებს მარტივი და ეფექტური პლატფორმის მეშვეობით სამსახურის სწრაფად მოძიებაში დაეხმაროს.
უფრო ვრცლად სტარტაპის საქმიანობის შესახებ მისივე დამფუძნებლებს გავესაუბრეთ:
– საიდან გაჩნდა OneApp-ის შექმნის იდეა?
ჩვენ გადავწყვიტეთ გვემუშავა ამ პრობლემაზე მას შემდეგ, რაც მივხვდით, თუ რამდენად შრომატევადი იყო სამუშაოს განაცხადი.
– ვინ არიან OneApp-ის დამფუძნებლები?
OneApp-ს ჰყავს 3 თანადამფუძნებელი:
სარდორ ხაშიმოვი (CTO): ის იყო Webbit-ის წამყვანი დეველოპერი და Lebazar-ის CTO.
ნურუდინ იმინოხუნოვი (CPO): უმუშავია პროექტის მენეჯერად Facebook Insights-სა და EPAM-ში.
შერზოდ ხოშიმოვი (CEO): ყოფილი CPO Lebazar-ში და პროექტის მენეჯერი Korzinka-ში.
– და მაინც.. რა არის OneApp?
OneApp არის სამუშაოს სწრაფად მოძიების პლატფორმა მსოფლიოში. ჩვენ მომხმარებლებს ვაძლევთ ნებას, გაგზავნონ განაცხადი ნებისმიერ ვაკანსიაზე ინტერნეტში, კარიერულ საიტებზე, სოციალური მედიის პლატფორმებზე ერთი აპლიკაციითა და ერთი დაწკაპუნებით.
– როგორ გახსენდებათ პერიოდი, როცა სტარტაპზე მუშაობა დაიწყეთ?
პირველ ეტაპზე ჩვენი პრობლემის გადაჭრაზე ვმუშაობდით ჩვენივე პროტოტიპის გამოყენებით და შემდეგ ეს გადაწყვეტა ჩვენს მეგობრებს გავუზიარეთ. როდესაც ჩვენმა მეგობრებმა დაიწყეს ჩვენი პროდუქტის სხვებთან რეკომენდაციის გაწევა, სწორედ მაშინ მივხვდით, რომ იდეაში რაღაც საინტერესო მართლაც იყო.
– რა იყო თქვენთვის ყველაზე დიდი სირთულე მუშაობის პროცესში?
ყველაზე დიდი გამოწვევა ჩვენთვის არასაკმარისი დრო იყო.
– და ახლა რა ეტაპზეა OneApp?
ამჟამად, ჩვენ პროდუქტის განვითარების ეტაპზე ვართ. უკვე გვაქვს MVP, ხოლო ახლა კი გაყიდვადი პროდუქტის შექმნაზე ვმუშაობთ.
– აქამდე თუ მიგიღიათ სხვა აქსელერაციის პროგრამაში მონაწილეობა და რატომ გადაწყვიტეთ 500 Georgia-ს პროგრამაზე დარეგისტრირება?
არა, აქამდე არც ერთ სხვა პროგრამაში მონაწილეობა არ მიგვიღია. რაც შეეხება 500-ს, პროგრამის წინა კურსდამთავრებულებმა გულწრფელად გვირჩიეს, განაცხადი შემოგვეტანა და ეს გახდა მიზეზი იმისა, რატომაც აღმოვჩნდით აქ.
– როგორ ფიქრობთ, რაში დაგეხმარებათ ეს პროგრამა?
ჩვენ მოუთმენლად ველით მენტორებისგან გამოცდილების გაზიარებას და უკუკავშირს, რომელიც გაზრდაში ნამდვილად დაგვეხმარება.
500 Georgia ძალიან კარგ სასწავლო გარემოს უზრუნველყოფს, რაც ძალიან მნიშვნელოვანია ამ რეგიონის სტარტაპებისთვის.
– როგორია სამომავლო გეგმები?
ჩვენი გეგმა კარგი პროდუქტის შექმნაა და სამომავლოდ – მისი სწრაფადვე ზრდა.