Dealpad გაყიდვების გუნდისთვის შექმნილი სტარტაპია, რომლის მეშვეობითაც კომპანიები თავიანთ მომხმარებლებს შესაძლებლობას აძლევენ, აქტიური კომუნიკაცია ჰქონდეთ პოტენციურ მყიდველებთან და დაინტერესებულ პირებთან.
ცოტა ხნის წინ Dealpad 500 Georgia-ს „ოჯახს“ შეუერთდა და ამიტომაც, გადავწყვიტეთ, ადამს მის შესახებ დეტალურად გავსაუბრებოდით:
– მოკლედ გვითხარით, საიდან გაჩნდა თქვენი სტარტაპის შექმნის იდეა და ვინ არიან დამფუძნებლები?
სტარტაპის დაფუძნებამდე პროგრამული უზრუნველყოფის გაყიდვების სფეროში 20+ წლიანი გამოცდილება დაგვიგროვდა.
სტარტაპის დამფუძნებლები ვართ:
ადამ ბეიქერი (CEO) – მქონდა გლობალური გაყიდვების ლიდერის როლები Salesforce-ში, Intuit-სა და სამ $70 მილიონზე მეტი ბრუნვის მქონე SaaS კომპანიებში.
კიმ დი ცენტა ლე ვან კიმი (CTO) – პროგრამული უზრუნველყოფის და პროდუქტის ინჟინერი Facebook (Meta)-ში, King-სა და Lastminute.com-ში
– გვითხარით დეტალურად, რას სთავაზობს თქვენი სტარტაპი მომხმარებელს და რა პრობლემას წყვეტს იგი?
კომპანიები ყიდულობენ Dealpad-ს მეტი გაყიდვებისა და შემოსავლის მისაღებად.
Dealpad წყვეტს 2 ძირითად პრობლემას:
1. ფუჭად დახარჯული დროის პრობლემას გარიგებებში, რომლებიც არ სრულდება ხელმისაწვდომობისა და შესყიდვების კომიტეტთან შეუთანხმებლობის გამო;
2. გაუქმებული გარიგებებისა და შემოსავლის დაკარგვის რისკს, როდესაც სიზუსტის პროგნოზირება შეუძლებელია.
– როგორი იყო თქვენი პირველი ნაბიჯები?
საპილოტედ Dealpad-ს იყენებდა 4 კომპანია და ისინი შემდეგ ჩვენი ფასიანი მომხმარებლები გახდნენ.
თავდაპირველ ეტაპზე ვცდილობდით, მაქსიმალურად ბევრი მომხმარებელი აღმოგვეჩინა და განგვესაზღვრა, რა ღირებულების მომტანი ვიყავით ჩვენი პროდუქტით მომხმარებლებისთვის.
– რა სირთულეებს წააწყდით სტარტაპზე მუშაობის პროცესში?
ჩვენ არ გვქონია რაიმე ტიპის ტექნიკური გამოწვევა, უფრო მეტად იმაზე ვიყავით ორიენტირებულები, აგვარებდა თუ არა ჩვენი პროდუქტი იმ პრობლემას, რომლის გადაჭრასაც ვცდილობდით.
– ადრე თუ მიგიღიათ მონაწილეობა სხვა ტიპის აქსელერატორში?
დიახ, ჩვენ მივიღეთ მონაწილეობა Techstars-ის პროგრამაში.
– როგორია თქვენი მოლოდინი 500 Georgia-ს პროგრამასთან დაკავშირებით?
პროგრამა დაგვეხმარება, გამოვასწოროთ ჩვენს სტარტაპში არსებული ხარვეზები და მოვიზიდოთ ინვესტიციები.
– როგორ ფიქრობთ, რა შესაძლებლობებს აძლევს 500 Georgia სტარტაპებს და რატომ არის მათთვის მნიშვნელოვანი ამ პროგრამაში მონაწილეობა?
მსგავსი პროგრამები სტარტაპერებს აძლევს იმ გამოცდილებას, რომლითაც ისინი შეძლებენ, ჰქონდეთ საინვესტიციო მზადყოფნა და გაითქვან სახელი ადგილობრივ ეკოსისტემებსა და ქსელებში.
– და ბოლოს, ზოგადად, როგორია თქვენი სამომავლო გეგმები?
გვსურს, გავიდეთ გლობალურ მასშტაბზე.