თანამედროვე დასაქმების ბაზარზე ერთ-ერთი ყველაზე მოთხოვნადი პროფესიის – iOS და Android დეველოპმენტის ადგილობრივად განვითარებისა და ამ სფეროს პროფესიონალების ხელშეწყობის მიზნით, საქართველოს ბანკმა დასაქმების უნიკალური პროგრამა შეიმუშავა. პროგრამის ფარგლებში ნებისმიერ მსურველს შეუძლია, წარადგინოს iOS და Android დეველოპერობის კანდიდატი და მისი დასაქმების შემთხვევაში ფულადი ანაზღაურება მიიღოს.
რას ნიშნავს კანდიდატის წარდგენა
თუ იცნობ ახალი შესაძლებლობებით დაინტერესებულ ადამიანს, ვინც კარგად ერკვევა iOS და Android დეველოპმენტში, წარადგინე საქართველოს ბანკის პორტალზე, წარმატებული შერჩევის შემთხვევაში კი სხვადასხვა ოდენობის ფულად ანაზღაურებას მიიღებ.
როგორ წარვადგინო კანდიდატი
- დარწმუნდი, რომ შენ მიერ შერჩეული კანდიდატი შერჩევის პროცესში უკვე ჩართული არაა;
- დაელოდე შერჩევის პროცესს;
- კანდიდატის წარმატებით შერჩევის შემთხვევაში ფულადი ანაზღაურება დაგერიცხება.
კანდიდატის წარდგენის პირობები
კანდიდატი პროგრამაში მონაწილეობას ვერ მიიღებს, თუ:
- გასული 60 დღის განმავლობაში საქართველოს ბანკიდან დაუკავშირდნენ (ჩართული იყო შერჩევის პროცესში ან რეკრუტერი დაეკონტაქტა);
- უკვე წარდგენილია პროგრამაზე;
- საქართველოს ბანკის თანამშრომელია, ან მის რომელიმე პროექტზე მუშაობს;
- მის შესახებ ვერ წარადგენ სრულ ინფორმაციას, როგორიცაა საკონტაქტო ინფორმაცია, რეზიუმე და ა.შ.
- არასრულწლოვანია;
- არსებობს გარემოებები, რის გამოც, შრომის კოდექსის გათვალისწინებით, მისი დასაქმება შეუძლებელია;
- უცხო ქვეყნის მოქალაქეა;
- რეკრუტერ გუნდის წევრი ან ტოპ მენეჯერების ოჯახის წევრია.
ფულადი ანაზღაურება წარდგენილი კანდიდატის აყვანის შემთხვევაში:
- უფროსი სპეციალისტი – 3500 ლარი;
- წამყვანი სპეციალისტი – 5000 ლარი.
საქართველოს ბანკის დასაქმების პროგრამაში მონაწილეობა წარმატებული შეიძლება აღმოჩნდეს, ერთი მხრივ, iOS და Android დეველოპერებისთვის, რომლებიც პროფესიული ზრდისა და განვითარების ახალ შესაძლებლობას მიიღებენ, მეორე მხრივ კი, შენთვისაც. პროგრამაში ჩართვით, ფულადი ანაზღაურების მიღების გარდა, აღნიშნული სფეროს განვითარებასა და პროფესიონალი კადრების დასაქმებაშიც შეიტან წვლილს.
პროგრამაში მონაწილეობისთვის საჭიროა, რომ ამ ელექტრონულ მისამართზე referral@bog.ge (Subject-ში მიუთითე Referral) გამოგზავნო სასურველი კანდიდატის რეზიუმე და თან დაურთო აღნიშნული ტექსტი, რომლითაც დაადასტურებ მოწოდებული ინფორმაციის გაზიარებისა და დამუშავების უფლებას:
„ვადასტურებ, რომ ჩემ მიერ მოწოდებული ინფორმაცია, მათ შორის, ჩემი და ჩემ მიერ დაფიქსირებული პირის (კანდიდატის) პერსონალური მონაცემები ზუსტი და უტყუარია. ვაცხადებ თანხმობას, აღნიშნული მონაცემები დამუშავდეს, სს „საქართველოს ბანკში“ ჩემ მიერ მითითებული კანდიდატის დასაქმების თაობაზე გადაწყვეტილების მიღების მიზნებისთვის და ვადასტურებ, რომ მოპოვებული მაქვს ჩემ მიერ დაფიქსირებული პირის (კანდიდატის) თანხმობა, მისი მონაცემების (სახელი, გვარი, საკონტაქტო ინფორმაცია, ლოკაცია, ქვეყანა, მიმდინარე დასაქმების პოზიცია, დაწესებულება და რეზიუმე) სს „საქართველოს ბანკის“ მიერ დამუშავებასთან დაკავშირებით.”
დაზუსტება: რეკომენდაცია ვალიდურია გამოგზავნიდან 6 თვის განმავლობაში. ამ ვადის გასვლის შემდეგ რომელიმე კანდიდატთან თანამშრომლობის დაწყება აღარ იქნება დაკავშირებული მანამდე გაწეულ რეკომენდაციასთან.