ხშირად ხელფასი თუ სხვა შემოსავლები თვალის დახამხამებაში ისე ქრება, რომ საკუთარი თავისთვის ვერაფრის შეძენას ვერ ვახერხებთ. ეს ემიგრანტებმა ყველაზე კარგად იციან, რადგან ოჯახის ფინანსურად დახმარებას ხშირად სხვა ვალდებულებები და პირადი ხარჯებიც ემატება. თვიდან თვემდე კი ფული ისე იხარჯება, თითქოს, ფინანსურად წინ ვერასდროს მიდიხარ.
სამშობლოსა და ოჯახს მოშორებულ ემიგრანტს კარგად გეცოდინება, თუ რამდენი შრომაა საჭირო ფინანსური კეთილდღეობის მისაღწევად. როცა ოჯახის წევრებისთვის შენ ხარ იმედი, ეს ფინანსურად საკმაოდ დიდი პასუხისმგებლობაცაა. ალბათ, კარგი იქნებოდა, ფინანსურად შენც რომ უფრო იმედიანად იყო, რისი მიღწევის ერთ-ერთი საშუალება ანაბარია.
აბა, წარმოიდგინე, შენი ხელფასიდან ყოველთვიურად რომ 50 ევრო ან უფრო ნაკლები გადადო, დიდი დანაკლისი ხომ არ იქნება? ასეთ მცირე ხარჯებს ხშირად ვერც კი ვამჩნევთ, თუმცა თანხის დაგროვების მხრივ, დიდი დახმარების გაწევა შეუძლიათ. წლების შემდეგ, როცა საქართველოში დაბრუნებას გადაწყვეტ, საკუთარი თავისთვის მცირე დანაზოგი გექნება დაგროვილი იმ პატარ-პატარა თანხის მეშვეობით, რომელსაც ყოველთვიურად ყურადღებას სულ არ აქცევდი.
შეიძლება, ანაბრის გახსნაზე აქამდეც გიფიქრია, მაგრამ ეს რთული პროცესი გგონია, რომელიც დიდი რაოდენობით საწყის თანხას მოითხოვს ან არ გინდა, რომ კიდევ ახალი ვალდებულება დაიმატო. სინამდვილეში კი საქმე გაცილებით მარტივადაა: ანაბრის გახსნა შენთვის სასურველი და მცირე რაოდენობის თანხით შეგიძლია. ამის შემდეგ კი, როცა გინდა და რა რაოდენობის თანხასაც გინდა, ანაბარზე სწორედ იმდენს შეიტან. რაც მთავარია, ანაბარი ნებისმიერ დროს შეგიძლია შეამოწმო და ამ თანხის შესახებ მხოლოდ შენ გეცოდინება. თუ უსაფრთხოებაზე ღელავ, ისიც უნდა იცოდე, რომ თანხის დაგროვება არანაირ რისკს არ უკავშირდება და დანაზოგი საქართველოს ბანკის ანგარიშზე იქამდე შეგენახება, სანამ გამოტანას გადაწყვეტ.
შენზე მორგებული ანაბარი ნებისმიერ დროსა და ნებისმიერი ადგილიდან მობილბანკის დახმარებით შეგიძლია გახსნა. მობილბანკის აპლიკაციის მარჯვენა კუთხეში ჰაბი გამოჩნდება, რომელზეც უნდა გადახვიდე. საბანკო შეთავაზებებს შორის ანაბარს დაინახავ, შენზე მორგებული შეთავაზების ასარჩევად კი უნდა დააჭირო ღილაკს — მირჩიე ანაბარი. რამდენიმე მარტივ კითხვაზე პასუხის შემდეგ პროგრამა შენზე მორგებულ ანაბარს შემოგთავაზებს, თუმცა არ არის აუცილებელი, რომ სწორედ ეს ტიპი აირჩიო. შეგიძლია, სხვა შემოთავაზებებსაც გადახედო, ერთმანეთს შეადარო და სასურველი ტიპის ანაბარი შემდეგ გახსნა.
როცა სასურველი ტიპის ანაბარს აირჩევ, საქმე კიდევ უფრო მარტივდება: თავად შეგყავს ანაბრის საწყისი თანხა, უთითებ ვადას და იმასაც, თუ როდის გინდა სარგებელი დაგერიცხოს — ყოველთვიურად თუ ვადის ბოლოს. ამ პროცედურების გავლის შემდეგ კიდევ ერთხელ შეგიძლია ანაბრის პირობებს დეტალურად გადახედო, ბოლოს კი ირჩევ ანგარიშს, საიდანაც თანხა ჩამოგეჭრება და სულ ესაა: ანაბარი უკვე გახსნილია!
თუმცა, თუ მაინც გაგიჭირდება, რომ თავად მიჰყვე ამ ინსტრუქციას, შეგიძლია საკონტაქტო ინფორმაცია ამ ბმულზე დაგვიტოვო, ჩვენ კი ნებისმიერ ქვეყანაში დაგიკავშირდებით და ყველაფერში დაგეხმარებით.
თუ ჯერ კიდევ არ გაქვს საქართველოს ბანკის ანგარიში, მისი გახსნა უცხოეთიდანაც სულ რამდენიმე წუთში შეგიძლია. ამის შემდეგ კი, საქართველოს ბანკის მობილბანკი უნდა გადმოწერო ზუსტად ისე, როგორც მობილურ ტელეფონში სხვა ნებისმიერ აპლიკაციას იწერ. მობილბანკში ქართული პასპორტით ან პირადობის მოწმობით დარეგისტრირდები და საკუთარი ფინანსების კონტროლსაც მაშინვე დაიწყებ. გარდა ანაბრის გახსნისა, მობილბანკით შენი ოჯახის წევრებს თანხას უფრო სწრაფად და მარტივად გადაურიცხავ. რაც მთავარია, ყოველთვის გეცოდინება რაში, როდის და რამდენი თანხა გეხარჯება. თუ არ იცი, როგორ უნდა შეიტანო თანხა საკუთარ ანგარიშზე უცხოეთიდან, მეტ ინფორმაციას ამ ბმულზე ნახავ.