სახლი არის სივრცე, სადაც თავს მშვიდად, კომფორტულად და ბედნიერად უნდა გრძნობდე. თანაც თანამედროვე სახლების მოწყობისას აუცილებელია ესთეტიკური გემოვნება შევუთავსოთ პრაქტიკულობას. თუ ამ შედეგის მისაღწევად ავეჯის განახლება გინდა, მაგრამ შვებულების შემდეგ საკმარისი თანხა აღარ დაგრჩა, შეგიძლია გამოიყენო საქართველოს ბანკის ნაწილ-ნაწილ გადახდის მეთოდი: პარტნიორ მაღაზიებში სასურველი ნივთის ღირებულებას ანაწილებ მაქსიმუმ 4 თვეზე და რაც მთავარია, იხდი მხოლოდ ნივთის ღირებულებას და არცერთი თეთრით მეტს (ეფექტური 0%).
გადახდის ამ მეთოდის შერჩევის შემთხვევაში, ისარგებლებ საქართველოს ბანკის სპეციალური აქციითაც: 1-დან 4 სექტემბრის ჩათვლით ICR Home-ში ახალ კოლექციაზე 20%-იან, ხოლო უკვე ფასდაკლებულზე დამატებით 10%-იან ფასდაკლებას მიიღებ.
ქვემოთ იმ ნივთებს წარმოგიდენთ, რომლებიც სწორედ ICR Home-ში შეგიძლია შეიძინო:
1. დივანი
დივანი მისაღები ოთახის უმნიშვნელოვანესი ნაწილია, ოჯახის წევრი თუ სტუმარი ყველაზე დიდ დროს სწორედ აქ ატარებს. შერჩევისას უნდა გაითვალისწინო მისაღები ოთახის ზომა, ფერები და განსაზღვრო პრიორიტეტები. თუ სახლში მიმოფანტული ნივთები ვერსად მიგაქვს, შეგიძლია სათავსოებიანი დივანი შეარჩიო, თუ სტუმრისთვის განკუთვნილი საძინებელი არ გაქვს – გასაშლელი.
2. პუფი
თუ ოჯახის წევრებთან ან მეგობრებთან ერთად ფილმის ყურებას გადაწყვეტ და სახლში პუფი გაქვს, აუცილებლად გაიგონებ ფრაზას ,,პუფში მე ვჯდები, დაგასწარი“. პუფი ავეჯის განახლებისას, ალბათ, ბოლოს გვახსენდება, მაგრამ რეალურად სახლში ყველაზე საყვარელი ნივთია: შეგიძლია მარტივად გადააადგილო და ტელევიზორთან, აივანზე თუ სამზარეულოში მოიწყო კომფორტული სივრცე.
3. საწერი მაგიდა
სკოლებს, უნივერსიტეტებსა და სამსახურებს ვუბრუნდებით, სამუშაოდ სახლი ხშირ შემთხვევაში საუკეთესო ადგილია, განსაკუთრებით სკოლის მოსწავლეებს სჭირდებათ ორგანიზებული სამუშაო კუთხე. საკუთარი გემოვნებით მოწყობილი საწერი მაგიდა და კედლები მოსწავლეებს ეხმარებათ კონცენტრაციაში და დავალებების შესრულების პროცესიც ეხალისებათ.
4. მაგიდის სანათი
საწერ მაგიდას აუცილებლად სჭირდება მაგიდის სანათი, კითხვის ან წერის დროს კარგი განათება მნიშვნელოვანია როგორც მხედველობისთვის, ისე ნერვული სისტემისთვის. ეს ნივთი აუცილებლად უნდა გქონდეს თუ ღამე მუშაობა გიყვარს ან გიწევს, განსაკუთრებით თუ აბიტურიენტთან ერთად ცხოვრობ, რომელსაც წინ ყველაზე დატვირთული წელი ელის.
5. თარო
თაროები სახლში საკმარისი არასოდეს არის – სუვენირები, წიგნები, ფოტოსურათები, არსად ეტევა. თუ მოსწავლესთან ან სტუდენტთან ერთად ცხოვრობ წიგნებისა და რვეულების დაბინავება კიდევ უფრო რთულდება. ICR home-ის მაღაზიებში იპოვი განსხვავებული ფორმის, ზომისა და დიზაინის თაროებს. შეგიძლია შენი გემოვნებისა და სახლის ინტერიერის შესაბამისად შეარჩიო დასაკიდი ან დასადგამი თაროები, რომლებიც წიგნებსაც დაიტევს და მოგზაურობებიდან ჩამოტანილ სუვენირებსაც.
6. საწოლი სათავსოებით
პატარა ბინა სულაც არ ნიშნავს სივრცის ნაკლებობას, თუ სწორად არის მოწყობილი. მსოფლიოში ყველაზე პატარა ბინები ჰონკონგშია, თუმცა სათავსოების გადანაწილება და ტრანსფორმირებადი ავეჯი ჰონგკონგელებს თავისუფალი სივრცის შენარჩუნებაში ეხმარება. თუ შენი ბინაც პატარაა, ნივთი კი ბევრი გაქვს, სათავსოებიანი საწოლი აუცილებლად გჭირდება. აქ შეგიძლია შეინახო ის ნივთები, რომლებსაც იშვიათად, ან სეზონურად იყენებ, ისე, რომ დამატებითი სივრცე არ დაიკავო.
7. სარწეველა
ავეჯის შეძენისას სარწეველა არ დაგავიწყდეს, თუკი ეზოიანი ან აივნიანი სახლი გაქვს, თანაც აივანზე დროის გატარებისთვის საუკეთესო სეზონი დადგა. თბილისური სიცხეები ზაფხულთან ერთად მიილია და უიქენდებზე ქალაქიდან გაქცევა აუცილებელი სულაც არ არის. შეგიძლია შაბათ-კვირას აივანზე მოკალათდე სარწეველაში პლედით, ცხელი ჩაითა და საინტერესო წიგნით.
სექტემბერი ავეჯის გასაახლებლად ან ახალი სახლის, ოფისის მოსაწყობად საუკეთესო თვეა: შვებულებიდან დაბრუნებულებს წინ ახალი წელი გვაქვს სიახლეებითა და ცვლილებებით სავსე და გვინდა, რომ გარემოც ამ განწყობას პასუხობდეს. ზემოთ ჩამოთვლილი ნივთები მხოლოდ ძალიან ნაწილია იმისა, რაც შეიძლება თქვენს საცხოვრებელ თუ სამუშაო სივრცეს სჭირდებოდეს, ICR Home-ში გაცილებით უფრო დიდი არჩევანიდან შეგიძლიათ შეარჩიო შენთვის საჭირო რამ. გაითვალისწინე, რომ აქცია არ ვრცელდება ონლაინ შოპინგზე ნაწილ-ნაწილ გადახდისას საქართველოს ბანკის ბანკის ტერმინალი უნდა გამოიყენო.