რაც უფრო გვემატება ასაკი, მით უფრო გვენანება საკუთარი დასვენებისთვის დროისა და ფინანსების გამოყოფა, არადა შვებულება, ქაოსური ყოველდღიურობისგან ცოტა ხნით გაქცევა ჩვენი მენტალური და ფიზიკური ჯანმრთელობისთვის აუცილებელია. თანაც ზაფხულში, როცა რუტინას თბილისის აუტანელი სიცხეც ემატება.
ქვემოთ იმ 5 სასტუმროს შესახებ გაიგებ, რომლებშიც PLUS ქულებით გადახდისას 20%-იანი ფასდაკლებით ისარგებლებ. ასე კი აუცილებელი სულაც არაა, ნანატრ შვებულებას დაელოდო, შაბათ-კვირაც თავისუფლად შეგიძლია დაუთმო განტვირთვასა და სიმშვიდეს.
საუკეთესო არჩევანია, თუ თბილისთან ახლოს მშვიდ, დახვეწილ და მწვანე გარემოში დასვენება გსურს. Sevsamora მდებარეობს საგურამოში და 3 ჰექტარ მიწას იკავებს. აქ დაგხვდება ეგზოტიკური და ენდემური მცენარეების მრავალფეროვანი ჯიშები, სპა ცენტრი, ღია და დახურული აუზები, შთამბეჭდავი ხედები ტერასიდან, რესტორანი უგემრიელესი კერძებით, პერსონალი, რომელიც ზრუნავს თითოეული სტუმრის კომფორტზე. თანაც სასტუმრო კომპლექსი მთლიანად ადაპტირებულია შშმ სტუმრებისთვის.
პირველი ქართული ხუთვარსკვლავიანი სასტუმრო, რომელიც ბათუმიდან სულ რაღაც 25 კილომეტრში, საოცარ მწვანე გარემოში გიმასპინძლებს. ჯორჯია პალასი საუკეთესო ადგილია ოჯახური დასვენებისთვის და იქაური სერვისები მორგებულია სხვადასხვა ინტერესისა და გემოვნების მქონე ადამიანებისთვის. აქ შეგიძლია დაკავდე მრავალფეროვანი სპორტული აქტივობებით (მაგიდის ჩოგბურთი, მინიგოლფი, გიგანტური ჭადრაკი), გაერთო (აკვა აერობიკა, მინი დისკო X ბოქსი), ისიამოვნო სპაცენტრით, დააგემოვნო ადგილობრივი წარმოების პროდუქტებისაგან შექმნილი უგემრიელესი კერძები ან უბრალოდ დატკბე ბამბუკის, ფიჭვისა და ევკალიპტის ხეებით გამწვანებული სანაპიროებით.
ეს საღვინე სახლი და სასტუმრო კომპლექსი წარმოდგენილია თანამედროვე ნომრებით, ქვევრისა და ღვინის მუზეუმებით, საუნით, ღია აუზებითა და საბანკეტო სივრცეებით. საღვინე სახლს ღვინის წარმოების ორსაუკუნოვანი ისტორია აქვს და არაერთი ჯილდოს მფლობელია. აქ კომფორტსა და სასიამოვნო გარემოს ერწყმის ქართული ტრადიციების ესთეტიკა. გარდა დასვენებისა, შეგიძლია, დაკავდე საინტერესო აქტივობებით, მაგალითად: ისწავლო ხაჭაპურის გამოცხობა, ხინკლის მოხვევა, ქვევრის გახსნა, შეუერთდე მარნებისა და მუზეუმების ტურს, თუ მხოლოდ ღვინის დაგემოვნება გიყვარს, შენთვის ცალკე სადეგუსტაციო ტურსაც იპოვი.
თბილისიდან სულ რაღაც 2 საათში შეგიძლია მოხვდე ამ საოცარ გარემოში. სასტუმრო გვთავაზობს კომფორტულ ნომრებს დახვეწილი დიზაინითა და მთიანი მტკვრის ხეობის პანორამული ხედებით. ხისა და აგურის მასალების კომბინაცია გამორჩეულად მყუდრო ინტერიერს ქმნის. სასტუმროში დაგხვდება მრავალფეროვანი სერვისები: შიდა და გარე აუზი, სპა ცენტრი, ბავშვთა სივრცე, ღამის კლუბი, რესტორანი, რომლის ტერასაზეც შეგიძლია გაატარო საღამოები და დააგემოვნო უგემრიელესი კერძები. სასტუმრო მწერლები იდეალური ადგილია როგორც მშვიდი, ისე ხმაურიანი დასვენების მოყვარულებისთვის.
ფალიანი საუკეთესო ადგილია შვებულების გასატარებლად, თუ ზღვასა და ხმაურს მთის სიცივე და ბუნება გირჩევნია. შეგიძლია დალაშქრო ქორულდის ტბები, შდუგრას ჩანჩქერები და საღამო კომფორტულ საოჯახო სასტუმროში გაატარო ცხელი ჩაითა და კუბდარით. აქ დაგხვდება მყუდრო ოთახები სვანური კოშკებისა და მდინარის ხედებით, რესტორანი უგემრიელესი ავთენტური კერძებით. სასტუმროს საინტერესო ისტორია აქვს. დამფუძნებლის, ეკა გველესიანის, შთაგონების წყარო ბაბუის ანდერძი და ბებიის ცხოვრება გახდა, ბაბუის ნაანდერძალი მამული მან ოჯახურ სასტუმროდ აქცია, რომელიც ყველა სტუმარს თავს საკუთარ სახლში აგრძნობინებს.
———————————
PLUS ქულები საქართველოს ბანკის ლოიალურობის პროგრამაა. საქართველოს ბანკის ტერმინალზე გადახდისას აგროვებ ქულებს, რომლებსაც მარტივად პარტნიორი კომპანიების სერვისებში ან პროდუქტებში გადაცვლი, კომპანიების სია კი საკმაოდ გრძელი და მრავალფეროვანია. გარდა ამისა, PLUS ქულების მფლობელებს საქართველოს ბანკი მუდმივად სთავაზობს სხვადასხვა ფასდაკლების აქციას. ზემოთ ჩამოთვლილი სასტუმროების გარდა, PLUS ქულებით საზაფხულო არდადეგების მოწყობას თბილისის, ზღვის თუ მთის კურორტის არაერთ სასტუმროში შეძლებ. სასტუმროების სრული ჩამონათვ