ვაჭრობის სექტორში წარმოდგენილი ბიზნესებისათვის ერთ-ერთ გამოწვევას მიტანის სერვისი წარმოადგენს. როგორ უნდა უზრუნველყოს მცირე ან საშუალო ზომის ბიზნესმა მომხმარებლებისთვის პროდუქციის მიწოდება, თანაც მარტივად, სწრაფად და იაფად? ამ შეკითხვის პასუხი Wolt Drive-ის სერვისია, რომელიც ბიზნესებს სრულ მომსახურებას სთავაზობს.
მიტანის კიდევ უფრო გამარტივებული სერვისი
Wolt Drive-ის მუშაობის პრინციპი საკმაოდ მარტივია: თქვენს ონლაინ მაღაზიაში მომხმარებელი უკვეთს სასურველ პროდუქტს და ვებგვერდზე ჩაშენებული ღილაკის მეშვეობით ირჩევს ადგილზე მიტანის სერვისს. ამის შემდეგ, Wolt Drive-ის კურიერი თქვენს მიერ მითითებულ ადგილზე მოდის, იღებს ნივთს და მომხმარებლამდე მიტანას უზრუნველყოფს.
შეკვეთის შესრულების საშუალო დრო 30 წუთის ფარგლებშია, მთელი ამ დროის განმავლობაში კი კურიერის გადაადგილების მარშრუტს აკვირდებით
Wolt Drive-ის სერვისით სარგებლობის საფასურს არა უშუალოდ მომხმარებელი, არამედ ბიზნესი იხდის, რაც ფასის განსაზღვრის პროცესში მეტ მოქნილობას გაძლევთ. მომსახურების ღირებულება შესრულებული შეკვეთებიდან გამომდინარე ანგარიშდება და დავალიანების გადაფარვა ყოველთვიურად ხდება: იხდით ზუსტად იმდენს, რამდენჯერაც ისარგებლებთ მიტანის სერვისით.
საქართველოს ბანკის განსაკუთრებული შეთავაზება ბიზნესებს
საქართველოს ბანკისა და Wolt Drive-ის პარტნიორობის ფარგლებში, საქართველოს ბანკის ბიზნეს მომხმარებლებს გაქვთ შესაძლებლობა, ისარგებლოთ სპეციალური პირობებით: პირველი 30 შეკვეთის უფასოდ მიტანა და შემდეგი ერთი თვის განმავლობაში Wolt Drive-ის სერვისზე 15%-იან ფასდაკლება.
გარდა ამისა, საქართველოს ბანკი ბიზნეს მომხმარებლებს Wolt Drive-ის API-ს ინტეგრაციის თანადაფინანსებასაც სთავაზობს, რომელიც კვირის განმავლობაში შესრულებული შეკვეთების ოდენობის მიხედვით განსხვავდება. თანამშრომლობის მეორე კვარტლიდან კი საქართველოს ბანკის ბიზნეს მომხმარებლები მიტანის საფასურზე სპეციალური ფასდაკლებით ისარგებლებენ, რაც ასევე შეკვეთების რაოდენობაზე იქნება დამოკიდებული. იმისთვის, რომ ისარგებლოთ აღნიშნული პირობებით, საჭიროა დატოვოთ განაცხადი მითითებულ ბმულზე.
„მოხარული ვართ, რომ გვაქვს შესაძლებლობა, მხარი დავუჭიროთ ჩვენს ბიზნეს მომხმარებლებს, რომლებსაც მიტანის სერვისის საჭიროება აქვთ და მათ შევთავაზოთ Wolt Drive-ის განსაკუთრებული პირობები. საქართველოს ბანკი წლებია მხარს უჭერს ბიზნესის გაძლიერებას, სწორედ ამ მიზნით, ჩვენი ინიციატივით და პარტნიორობით, არაერთი პროექტი განხორციელდა. ეს ყოველივე ჩვენი პარტნიორი ბიზნესებისთვის ახალი შესაძლებლობების შექმნას და არსებული პოტენციალის ათვისების ხელშეწყობას ითვალისწინებს.
Wolt Drive-ის მეშვეობით ნებისმიერი სავაჭრო ობიექტი მომხმარებლისთვის შეკვეთის ადგილზე მიტანას 30 წუთში შეძლებს, მათ შორის ის მცირე მეწარმეებიც, რომლებსაც საკუთარი ონლაინ პლატფორმა არ აქვთ და გაყიდვებს Instagram-ის ან Facebook-ის საშუალებით ახორციელებენ“. – განაცხადა საქართველოს ბანკის ციფრული საბანკო ეკოსისტემის სამსახურის უფროსმა, გიორგი კინწურაშვილმა.
ბიზნესების მიერ საკუთარი მიტანის სერვისის უზრუნველყოფა საკმაოდ დიდ ხარჯებთან და ტექნიკურ გამოწვევებთანაა დაკავშირებული. ტრანსპორტის, აღჭურვილობის და კურიერის დაქირავება და ა.ს. მიუხედავად გაწეული ხარჯებისა, ბიზნესს მაინც შეიძლება დაუდგეს ის მომენტი, როდესაც დაქირავებული კურიერების რაოდენობა საკმარისი ვერ იქნება შეკვეთების დროულად შესასრულებლად. მოგეხსენებათ, თანამედროვე სამყაროში მომხმარებელი დროსა და ხარისხს უდიდეს მნიშვნელობას ანიჭებს, შეკვეთის დაგვიანება კი მომხმარებლის კმაყოფილებაზე უარყოფითად აისახება.
Wolt Drive-ის სერვისით სარგებლობის შემთხვევაში, კურიერების რაოდენობაზე, ციფრული პლატფორმის გამართულად ფუნქციონირებაზე და შეკვეთების შესრულების ხარისხზე პასუხს თავად კომპანია Wolt აგებს, რომელიც სერვისის მოწყობის ხარჯებსაც თავად უზრუნველყოფს.
„დღეს ელექტრონული კომერციის ბიზნესის წარმატება დიდწილადაა დამოკიდებული სწრაფ და მოქნილ მიტანის სერვისზე. თუმცა, საკუთარი მიწოდების სერვისის შექმნა არა მხოლოდ მაღალ დანახარჯებს, არამედ ტექნოლოგიურ განვითარებასაც საჭიროებს. სწორედ ამ პრობლემის გადასაჭრელად შეიქმნა Wolt Drive-ი, რომელსაც საქართველოში უკვე მრავალი კომპანია იყენებს. Wolt Drive-ის სერვისი ბიზნესს საშუალებას აძლევს, კონცენტრირდეს საკუთარი ბიზნესის განვითარებაზე, რადგან შეკვეთის მიტანასთან დაკავშირებულ ყველა ლოგისტიკური საკითხის მოგვარებას საკუთარ თავზე კომპანია Wolt-ი იღებს“. – განაცხადა Wolt-ის გენერალურმა მენეჯერმა, სერგი მარღანიამ.
Wolt Drive-ის სერვისი საქართველოს 9 ქალაქშია ხელმისაწვდომი, ესენია: თბილისი, რუსთავი, თელავი, გორი, ქუთაისი, ზუგდიდი, ქობულეთი, ბათუმი და ფოთი.
თუ არ ხართ საქართველოს ბანკის ბიზნეს მომხმარებელი, ანგარიში გახსენით Bonline.ge-ზე და ისარგებლეთ თქვენს საჭიროებებზე მორგებული შეთავაზებებით.