3 სამედიცინო სერვისი, რომელზეც საქართველოს ბანკის მომხმარებლებს ფასდაკლების მიღება შეუძლიათ

ჯანმრთელობაზე ზრუნვა ჯანსაღი ცხოვრების, ფიზიკური და მენტალური კეთილდღეობის ერთ-ერთი მთავარი კომპონენტია. სამედიცინო სერვისების ხელმისაწვდომობა და კომფორტულობა კი საკუთარ ჯანმრთელობაში ინვესტირებისთვის დამატებითი მოტივაციაა.

 გიფიქრიათ იმაზე, რომ ერთი შეხედვით ისეთი მარტივი და ყოველდღიური ქმედებები, როგორიცაა თუნდაც სუპერმარკეტში პროდუქტების ყიდვისას ბარათით გადახდა, ჯანმრთელობაზე ზრუნვას თქვენთვის კიდევ უფრო ხელმისაწვდომსა და მომგებიანს შეიძლება ხდიდეს? 

საქართველოს ბანკისა და ევექსის პარტნიორობის ფარგლებში ბანკის ერთგულ მომხმარებლებს სწორედ ამ უპირატესობით სარგებლობა შეუძლიათ: იღებთ საქართველოს ბანკის ბარათს, ავტომატურად ერთვებით Plus პროგრამაში და გენიჭებათ Express სტატუსი, ბარათით ყოველი გადახდისას ნაბიჯ-ნაბიჯ მოიპოვებთ Classic, Silver, Gold სტატუსებს და თქვენს მიერ მოპოვებული სტატუსის შესაბამისად ევექსში სხვადასხვა სამედიცინო მომსახურებაზე სარგებლობთ 50%-მდე ფასდაკლებით.

ევექსის და საქართველოს ბანკის პროექტი Healthy Club ბანკის ლოიალურობის პროგრამაში ჩართული მომხმარებლებისთვის განსაკუთრებულ პირობებსა და შეღავათებს გულისხმობს:

ამბულატორიული სერვისები

საქართველოს ბანკის მომხმარებლებს ფასდაკლებით სარგებლობა ევექსის ქსელის ფილიალებში სხვადასხვა ამბულატორიულ მომსახურების (მათ შორის სპეციალისტის კონსულტაცია, ლაბორატორიული კვლევები და ა.შ.) მიღებისას შეუძლიათ.  Classic და Silver სტატუსის შემთხვევაში ამ სერვისზე ისრაგებლებთ 20%-იანი ფასდაკლებით, ხოლო Gold სტატუსის მქონე მომხმარებლებისთვის მოქმედებს 25%-იანი შეღავათი.

სტომატოლოგია

სტომატოლოგიურ სერვისებზე მოქმედი ფასდაკლებით შეგიძლიათ შეუზღუდავად და ულიმიტოდ ისარგებლოთ ნიუ დენტში. თბილისში Classic სტატუსისთვის ფასდაკლების მოცულობა 35%-ს, Silver სტატუსისთვის – 40%-ს, ხოლო Gold სტატუსისთვის – 50%-ს შეადგენს, ხოლო საქართველოს სხვა რეგიონებში სტომატოლოგიურ მომსახურებაზე საქართველოს ბანკის Classic, Silver და Gold მომხმარებლებისთვის თანაბარი – 50%-იანი ფასდაკლება მოქმედებს.

კომპიუტერული ტომოგრაფია (CT) და ექოსკოპიური კვლევები

განსაკუთრებული შეღავათები ვრცელდება კომპიუტერულ ტომოგრაფიაზე. Healthy Club-ის პირობების მიხედვით, Classic სტატუსის მქონე მომხმარებელს მომსახურების მიღება – 30%-იანი, Silver სტატუსის შემთხვევაში – 35%-იანი, ხოლო Gold სტატუსისთვის – 45%-იანი ფასდაკლებითაა შესაძლებელი. რაც შეეხება ექოსკოპიურ გამოკვლევას, ამ მომსახურებაზე საქართველოს ბანკის Classic, Silver და Gold სტატუსის მქონე მომხმარებლები სტატუსის შესაბამისად 15%-დან 20%-მდე ფასდაკლებით ისარგებლებენ.

Healthy Club-ის უპირატესობებით სარგებლობისთვის მხოლოდ ორი რამ გჭირდებათ – იყოთ საქართველოს ბანკის მომხმარებელი და რაც შეიძლება ხშირად გადაიხადოთ ბარათით ან ისარგებლოთ სხვა საბანკო პროდუქტებით. Express სტატუსიდან შემდეგ Classic, Silver და Gold სტატუსებზე გადასასვლელად საჭირო ვარსკვლავებს საბანკო ბარათით ყოველი გადახდისას აგროვებთ და ამ მოგზაურობისას თქვენთვის სულ უფრო მეტი შესაძლებლობა და უპირატესობა ხდება ხელმისაწვდომი.

საქართველის ბანკის ლოიალურობის პროგრამის უპირატესობებსა და პირობებს დეტალურად შეგიძლიათ გაეცნოთ ბმულზე.

არ გაჩერდე, გააგრძელე კითხვა