2017 წელს შექმნილი ლიდერატორის პროგრამა უნივერსიტეტის სტუდენტებსა და კურსდამთავრებულებს შესაძლებლობას აძლევს, დასაქმდნენ საქართველოს ბანკში და მიიღონ მრავალფეროვანი სამუშაო გამოცდილება.
ლიდერატორი ბევრი კუთხით გამოირჩევა; მასში ჩართულ სტუდენტებს შესაძლებლობა ექნებათ, 14 პროგრამის სხვადასხვა მიმართულებაზე (ბანკის ცალკეულ სამსახურში ან დეპარტამენტში) როტაციული პრინციპით, მონაცვლეობით იმუშაონ, მიიღონ პირდაპირი უკუკავშირი მენტორისგან, შეიძინონ გამოსადეგი თეორიული ცოდნა და პრაქტიკული უნარ-ჩვევები. ეს ყველაფერი თავისუფლად შეგიძლია სწავლასაც შეუთავსო. ამასთან, პროგრამის წარმატებით დასრულების შემთხვევაში, საქართველოს ბანკში კარიერის გაგრძელების პერსპექტივა გექნება — ლიდერატორში ჩართული ასობით სტუდენტის უმეტესობამ სწორედ ეს გადაწყვეტილება მიიღო.
წლევანდელ ლიდერატორზე მიღება უკვე გამოცხადდა და რადგან მის შესახებ ზოგადი წარმოდგენა უკვე შეგექმნა, დროა, ზემოხსენებული 14 პროგრამა და მათი მიმართულებებიც გაგაცნოთ.
ადამიანური კაპიტალის მართვა
თუკი ადამიანებთან კომუნიკაცია კარგად გამოგდის, შეგიძლია მათი ძლიერი და სუსტი მხარეები გაიგო და განვითარებაში დაეხმარო, ეს პროგრამა ალბათ ყველაზე მეტად დაგაინტერესებს. აქ გაიცნობ ტალანტების მოზიდვის სამსახურს, ტალანტების მართვის სამსახურსა და HC პოლისების, ლეველინგის და IFIs ურთიერთობის სამსახურს.
მცირე და საშუალო ბიზნესი
ბიზნეს სკოლაში სწავლობ? მაშინ უთუოდ დაგაინტერესებს სამეწარმეო საქმიანობის სხვადასხვა ასპექტის გაცნობა. ეს პროგრამა მოიცავს შემდეგ მიმართულებებს: მცირე და საშუალო ბიზნესის საკრედიტო ანალიზის დეპარტამენტი, მიკრო, მცირე და საშუალო ბიზნესის საკრედიტო რისკების მართვის დეპარტამენტი და საშუალო ბიზნესის გაყიდვების დეპარტამენტი.
ციფრული არხების განვითარება
21-ე საუკუნეში წარმატების ნახევარი მაინც გამართული ციფრული არხებით და ინოვაციური ციფრული პროდუქტებით იზომება, განსაკუთრებით — საბანკო სფეროში. თუ გსურს, ამ მიმართულებით ქვეყნის ერთ-ერთი წამყვანი ტექკომპანიის გამოცდილება გაიგო, ამ პროგრამას გულისყურით მოეკიდა. აქ თავს იყრის ციფრული საბანკო ეკოსისტემის სამსახური, ციფრული საბანკო პროდუქტების განვითარების სამსახური და ციფრული გაყიდვების სამსახური.
კორპორაციული ბანკინგი
საქართველოს ბანკი მილიონზე მეტ ფიზიკურ პირთან ერთად უამრავ კორპორაციულ კლიენტს ემსახურება და ამ მიმართულებითაც დიდი გამოცდილების გაზიარება შეუძლია შენთვის. ამ პროგრამაზე გაერთიანებულია CB (კორპორაციული ბანკინგის) ანალიტიკა და კორპორაციული კლიენტების მომსახურების დეპარტამენტი (CB გაყიდვები).
ფინანსური და საინვესტიციო ანალიზი
თუ მუდმივად რაღაცის ანგარიშში ხარ — ხან საგანში მიღებულ ქულებს ითვლი, ხანაც კვირის დანახარჯებს — და მერე ამ ყველაფერს სამომავლო გეგმის შესადგენად იყენებ, შენი ადგილი ფინანსური და საინვესტიციო ანალიზის პროგრამაზე ყოფილა. აქ გაიცნობ კორპორაციული საკრედიტო რისკების მართვის სამსახურს, დანახარჯების ეფექტიანობის მართვის სამსახურსა და Galt & Taggart საინვესტიციო ბანკინგის დეპარტამენტს.
მომხმარებელთა ლოიალობის პროგრამების მართვა
დავუბრუნდეთ ბიზნეს საქმიანობას — მეწარმეების უმრავლესობა გეტყვის, რომ მომხმარებლის შეძენაზე რთული მისი შენარჩუნებაა. სწორედ ამიტომ, მომხმარებელთა ლოიალობის პროგრამების მართვა საპასუხისმგებლო მისიაა. ამ პროგრამაზე შეხვდები საცალო სეგმენტის მართვის დეპარტამენტს, ლოიალურობის პროგრამის მართვის დეპარტამენტს, SOLO და WM-ის ლოიალურობისა და პრივილეგიების სამსახურს, მცირე და საშუალო ბიზნესის Value Added სერვისების განვითარების დეპარტამენტს.
რაოდენობრივი მოდელების ანალიტიკა
აი, კიდევ ერთი პროგრამა, სადაც ანგარიშით ანალიზის უნარ-ჩვევები ძალიან გამოგადგება. თუმცა, ფინანსური ანალიზისგან განსხვავებით, ეს პროგრამა უფრო მეტად რისკების მართვაზე კონცენტრირდება. აქაა გაერთიანებული ორგანიზაციული რისკების მართვა, კორპორაციული პორტფელური რისკების ანალიზის სამსახური და მიკრო, მცირე და საშუალო ბიზნესის პორტფელური რისკების მართვის სამსახური.
ბიზნესის რეპორტინგი და ანალიტიკა
მომხმარებელთა ლოიალობის პროგრამების მართვასთან ერთად, ეს პროგრამა ყველაზე მეტ, ოთხ მიმართულებას მოიცავს. ესენია: SOLO ანალიტიკა და რეპორტინგი, CB რეპორტინგი და ანალიტიკა, SME Business Intelligence სამსახური და ციფრული პროდუქტების ანალიზის სამსახური. მოკლედ, ამ ყველაფრის გავლის მერე რეპორტინგისა და ანალიტიკის ნამდვილ ექსპერტი გახდები!
ბიზნესის განვითარება
თუკი ოპერაციების მენეჯმენტი და ბიზნეს საქმიანობის სხვა პროცესების უფრო ახლოდან გაცნობა გსურს, აუცილებლად ბიზნესის განვითარების პროგრამა აირჩიე. ეს პროგრამა მოიცავს CB ბექ-ოფისის დეპარტამენტს, მცირე და საშუალო ბიზნესის განვითარების დეპარტამენტსა, ლინის ტრანსფორმაციის სამსახურს და მომხმარებელთა კმაყოფილების მართვის დეპარტამენტი.
შიდა აუდიტი
ნებისმიერი საქმიანობის წარმატებისთვის აუცილებელი კომპონენტია მისი ცალკეული პროცესების გაკონტროლება, ზედამხედველობა. ამისათვის ორი რამაა საჭირო: მახვილი თვალი და კეთილსინდისიერება. თუ ფიქრობ, რომ ეს საშენო საქმე შეიძლება იყოს, მაშინ შიდა აუდიტის პროგრამაზე მოსინჯე ძალები. აქ გაიცნობ ფინანსური და ოპერაციული აუდიტის მუშაობის პრინციპებს.
საბანკო სამართალი
თუ სამართალზე სწავლობ და ამასთან ფინანსური სფეროც გაინტერესებს, მაშინ შენი ადგილი სწორედ ამ პროგრამაზეა. აქ ფინანსური სექტორის იურიდიულ მხარეს გაიცნობ. ის მოიცავს დაფინანსების გაცემის მიმართულებასა და შესაბამისობის აუდიტის სამსახურს.
ბრენდის მართვა
მივადექით მარკეტინგის ბლოკსაც. ეს პროგრამა ყველაზე მეტად ალბათ სწორედ მარკეტინგის შემსწავლელი სტუდენტებისთვისაა განკუთვნილი, მაგრამ თუ საბაზრო მოთხოვნებზე და ეფექტურ კომუნიკაციაზე მეტის გაგება გსურს, მაშინაც შეგიძლია ბრენდის მართვა აირჩიო. აქ შეხვდები გაყიდვების მარკეტინგისა და ბრენდ მარკეტინგის გუნდებს.
ქოფირაითინგი
ეფექტური კომუნიკაცია ვახსენეთ და თუ ეს კარგად გამოგდის, თანაც მუდამ ორიგინალურ ფორმებს ეძებ ურთიერთობისთვის, მაშინ ქოფირაითინგის პროგრამას უნდა შეუერთდე. აქ კრეატიულ, იდეებით დახუნძლულ ხალხს ელოდებიან. პროგრამა მოიცავს მარკეტინგის დეპარტამენტს — Content (Copy) Team-ს და კონტენტ არქიტექტურის სამსახურს (ციფრული საბანკო მომსახურების დეპარტამენტი).
ინფორმაციული ტექნოლოგიები
დაბოლოს — ტექნოლოგიების შემსწავლელი სტუდენტებისთვის, ან ამ მიმართულებით უახლესი მიღწევებით დაინტერესებული ახალგაზრდებისთვის, ყველაზე შესაფერისი ინფორმაციული ტექნოლოგიების პროგრამაა. ზემოთაც ვახსენეთ, რომ საქართველოს ბანკი ერთ-ერთი წამყვანი ტექკორპორაციაცაა, ამდენად, პროფესიონალ გუნდთან თანამშრომლობის შესაძლებლობა გექნება. პროგრამა მოიცავს IT ტექნოლოგიებს (Java, iOS, Oracle) და და ტესტ ავტომატიზაციის ინჟინერიას.
_________________
როგორც უკვე გითხარით, წლევანდელ ლიდერატორზე მიღება უკვე გამოცხადდა და ჯერ კიდევ გაქვს საკმარისი დრო, გადახედო ჩამონათვალს და შენთვის საინტერესო პროგრამა აირჩიო. წარმატებას გისურვებთ!