თუ აქამდე მობილბანკში თანხის გადასარიცხად აუცილებელი იყო ადრესატის ანგარიშის ან პირადობის ნომრის მითითება, ახლა უკვე უფრო მარტივი არჩევანი გაქვს − მობილურის ნომრითაც შეგიძლია გადარიცხო. თან, ეს ნომერი თუ ტელეფონის კონტაქტებში გიწერია, იქიდანვე აირჩევ და კიდევ უფრო სწრაფად შეასრულებ ამ ოპერაციას.
აქვე გაითვალისწინე, გადარიცხვას შეძლებ საქართველოს ბანკის იმ მომხმარებელთან, რომელსაც საკუთარი ნომერი ჩვენთან უკვე დაფიქსირებული აქვს და მან ამ ნომერზე მიღებული ერთჯერადი კოდი 1 წლის განმავლობაში ერთხელ მაინც გამოიყენა; თუმცა გადარიცხვის დროს ამ დეტალების ცოდნა შენ არ დაგჭირდება − იმ შემთხვევაში, თუ მითითებული ნომერი არ აკმაყოფილებს ზემოთ ნახსენებ პირობებს, გადარიცხვა, უბრალოდ, არ შესრულდება.
ასე რომ, თავად გამოცადე, რა მარტივია მობილბანკში მობილურით თანხის გადარიცხვა, გაიმარტივე ყოველდღიურობა და არ დახარჯო დრო იმისთვის, რისი გაკეთებაც სულ რამდენიმე წამში შეგიძლია.
მობილურის ნომრით გადარიცხვა ამ ეტაპზე შესაძლებელია ანდროიდის ტელეფონით, სულ მალე კი ეს ფუნქცია აიფონსაც დაემატება.
დაელოდე მობილბანკის სხვა სიახლეებსაც.