მოგზაურობა არა მხოლოდ დასვენებისა და თავგადასავლების, არამედ სამყაროსა და საკუთარი თავის აღმოჩენის საუკეთესო საშუალებაა. თუ სად შეიძლება წავიდეთ, ეს კითხვა ყველასთვის აქტუალურია. მართალია, პოპულარულ ტურისტულ ლოკაციების შესახებ ინფორმაციის უხვად მოიპოვება, თუმცა უნიკალური და ეგზოტიკური ადგილების შერჩევა მარტივი არ არის. მსოფლიო ხომ მეტისმეტად დიდი და მრავალფეროვანია, დრო და რესურსები კი – ლიმიტირებული.
სწორედ ამიტომ თქვენი ინტერესების შესაბამისი დასვენების დასაგეგმად SOLO-მ მრავალფეროვანი სამოგზაურო Bucket List-ები შექმნა, რომლებშიც საოცნებო მოგზაურობისთვის შთაგონებას მარტივად იპოვით. ოთხი სეზონური Bucket List მოსფლიოს თითქმის ყველა კონტინენტის საუკეთესო სასტუმროებს, ბუნების საოცრებებს, კულტურულ ძეგლებსა და ეგზოტიკურ რეგიონებს აერთიანებს. მნიშვნელობა არ აქვს, როდის აპირებთ დასვენებას – შემოდგომაზე, ზამთარში, გაზაფხულზე თუ ზაფხულში, SOLO-ს სამოგზაურო Bucket List-ში თითოეულ სეზონისთვის ათამდე გამორჩეულ და საინტრესო დანიშნულების ადგილს შეხვდებით. ქვემოთ გთავაზობთ რამდენიმე მაგალითს:
შემოდგომა
Taj Lake Palace დასავლეთ ინდოეთის ქალაქ უდაიპურთან მდებარე პიჩოლას ტბაში „მოტივტივე“ თეთრი მარმარილოს სასახლეა, რომელიც მრავალსაუკუნოვან ისტორიას, შთამბეჭდავ არქიტექტურას და მაღალი დონის სასტუმროს მომსახურებას აერთიანებს. სასახლის სტუმრებს ტბისა და ქალაქის ულამაზესი პანორამით ტკბობის შესაძლებლობაც აქვთ.
ტანზანიაში, სერენგეტის ეროვნული პარკის გულში აფრიკის ველური ბუნების შთამბეჭდავ ხედებთან ერთად Four Seasons Safari Lodge-ს – უნიკალურ სასტუმროს გადაეყრებით, რომლის ტერასებიდან ადგილობრივ ცხოველთა სამყაროზე, მათ შორის სპილოებსა და მარტორქებზე დაკვირვებას შეძლებთ. სასტუმრო დამსვენებლებს ადგილობრივი მასაის ტომებთან ერთად საფარი ტურებსაც სთავაზობს.
შემოდგომის სრული Bucket List იხილეთ ბმულზე.
ზამთარი
Angkor Wat იუნესკოს მსოფლიო მემკვიდრეობის ძეგლი და კამბოჯას ეროვნული სიმბოლოა. ტაძრების კომპლექსი მე-12 საუკუნეში ინდუისტური რელიგიის ღვთაება ვიშნუსთვის აიგო, თუმცა თანდათან ბუდისტურ ტაძრად იქცა და დღეს მსოფლიოში უდიდეს რელიგიურ მონუმენტადაა აღიარებული. კომპლექსის არქიტექტურასა და კულტურულ ისტორიას მსოფლიოში ანალოგი არ მოეძებნება.
270 ცალკეული ჩანჩქერისგან შემდგარი იგუასუს ჩანჩქერების სისტემა არგენტინა-ბრაზილიის საზღვარზე, ტროპიკული ჯუნგლების ოაზისში მდებარეობას და მსოფლიოს შვიდი ბუნებრივი საოცრებიდან ერთ-ერთად არის აღიარებული. ჩანჩქერების მონახულება იგუასუს ნაკრძალის როგორც – არგენტინული, ისე ბრაზილიური მხრიდან არის შესაძლებელი.
ზამთრის სრული Bucket List იხილეთ ბმულზე.
გაზაფხული
გაზაფხული არაფერთან ასოცირდება ისე, როგორც აყვავებულ ხეებთან. რუის საფეხმავლო ხიდი ალუბლის ყვავილობისას ჩინეთში ყველაზე მომხიბვლელი ადგილია. ალუბლის ტყით დაფარული შენსიანჯუს ხეობა გაზაფხულზე ვარდისფერ ყვავილებში იძირება, რაც მას მსოფლიოში ერთ-ერთ ყველაზე ჯადოსნურ სანახაობად აქცევს.
ამინდის დათბობასა და დღის შუქის ზრდასთან ერთად იდეალური პირობები იქმნება შვედეთის ყინულის სასტუმროში დასარჩენადაც. ევროპის უკიდურეს ჩრდილოეთში მდებარე ეს სასტუმრო მთლიანად თოვლითა და ყინულითაა აშენებული, რისი წყალობითაც სასტუმროში ვიზიტი სრულიად უნიკალური გამოცდილებაა.
გაზაფხულის სრული Bucket List იხილეთ ბმულზე.
ზაფხული
ცოტა რამ უხდება ზაფხულს ისე, როგორც – კალიფორნიის მზე. Pioneertown Motel კალიფორნიის განსაკუთრებით საინტერესო ღირსშესანიშნაობაა. სასტუმრო 1940-იან წლებში ვესტერნის ჟანრის ფილმების გადასაღებ მოედნად აშენებული ქალაქის ცენტრში დგას და დამსვენებლებს ძველი, ველური დასავლეთის ქარიზმით სავსე გარემოში ცხოვრების შესაძლებლობას სთავაზობს.
Waitomo Glowworm-ის მღვიმე, ახალი ზელანდიის ეს ბუნებრივი საოცრება, კუნძულის ჩრდილოეთით მდებარეობს და მისი მანათობელი ბინადრებითაა ცნობილი. მღვიმის კედლებზე ათობით ათასი ციცინათელა ცხოვრობს და მნახველებს ბიონათების ზღაპრულ, დაუჯერებლად სიურეალისტურ სანახაობას სთავაზობს.
ზაფხულის სრული Bucket List იხილეთ ბმულზე.
შექმენით საოცნებო დასვენების გზამკვლევი SOLO-ს სამოგზაურო Bucket List-თან ერთად, ხოლო თქვენი იდეების განხორციელებისთვის პარტნიორი ტურისტური კომპანია იზრუნებს.