დროის სიმცირის ან ინფორმაციის ნაკლებობის გამო საკუთარი სურვილების განხორციელებაზე ხშირად უარს ვამბობთ. მსგავს სიტუაციებში თუ ერთხელ მაინც გიფიქრიათ ისეთი ადამიანის არსებობაზე, რომელიც თქვენს დახმარებას ყოველთვის შეძლებს და კონკრეტულ თხოვნებს შეგისრულებთ, უნდა იცოდეთ, რომ ეს ოცნების სფერო სულაც აღარ არის. ამის მიზეზი კი ისაა, რომ საქართველოს ბანკი SOLO Club-ის წევრებს პირადი კონსიერჟის სერვისს სთავაზობს.
არ გეგონოთ, რომ პირადი კონსიერჟის სერვისი საბანკო მომსახურებაში დახმარების გაწევას გულისხმობს. პირიქით, პირადი კონსიერჟი ყოველდღიური საქმეების გამარტივებაში დაგეხმარებათ და თქვენ ნაცვლად მოაგვარებს იმ საკითხებს, რომელთა დასაგეგმად თავად დრო არ გრჩებათ.
ვინ არის პირადი კონსიერჟი?
პირადი კონსიერჟი ის ადამიანია, რომელთანაც დაკავშირება SOLO Club-ის წევრებს ნებისმიერი ადგილიდან შეუძლიათ, რათა მათთვის სასურველი ან აუცილებელი დავალების შესრულება სთხოვონ. თუ Solo Club-ის წევრი ხართ, ნებისმიერი ტიპის დავალების შესრულებაში კონკრეტული ადამიანი გაგიწევთ დახმარებას, რომელთანაც ყოველთვის პირდაპირი კომუნიკაცია გექნებათ.
პირადი კონსიერჟის სერვისით სარგებლობა SOLO Club-ის წევრებისთვის სხვა პრემიუმ პროდუქტებისა და მომსახურების მსგავსად, სრულიად უფასოა. ასე რომ, კონსიერჟს ნებისმიერ დროს შეგიძლიათ დაურეკოთ, თქვენი საჭიროებების შესახებ უთხრათ, ის კი თხოვნის შესასრულებლად შესაბამისი ეტაპების დაგეგმვას მაშინვე დაიწყებს. დავალების მიღებისთანავე პირადი კონსიერჟი საკითხის გადასაჭრელად ყველა შესაძლო გზას მიმართავს, რაც გულისხმობს ინფორმაციის მოძიებას, დაგეგმვას, გარკვევას და სხვა ადამიანების უშუალოდ ჩართვასაც. ზოგ სიტუაციაში შეიძლება იფიქროთ, რომ ძალიან მცირე დროში კონკრეტული დავალების შესრულება შეუძლებელია, თუმცა უნდა გახსოვდეთ, რომ პირადი კონსიერჟის შესაძლებლობები უსაზღვროა. ამის მიზეზი კი ისაა, რომ პირად კონსიერჟს დავალებასთან ერთად მის შესასრულებლად კონკრეტული დროც შეგიძლიათ მისცეთ. თუ ვადა მოკლეა, დავალება კი — კომპლექსური, ეს საკითხი მაშინვე პრიორიტეტდება და კონსიერჟი მაქსიმალურად ბევრ ადამიანს ჩართავს, რათა ყველაფერი დროულად მოესწროს.
რაში დაგეხმარებათ პირადი კონსიერჟი?
პირადი კონსიერჟის სერვისი მოიცავს თქვენთვის სასურველი ყველა დავალების შესრულებას დაწყებული მარტივი საყოფაცხოვრებო საქმეებით და დამთავრებული მოგზაურობის ან ქორწილის დაგეგმვით. პირად კონსიერჟს შეგიძლიათ დაურეკოთ მაშინ, როცა საყვარელი ადამიანისთვის ლამაზი თაიგულის გაგზავნა გინდათ და მაშინაც, როცა სახლში რემონტის დაწყებას გადაწყვეტთ ან ავტომობილის შეკეთება გსურთ და დახმარება გჭირდებათ. გარდა ამისა, პირადი კონსიერჟი დაგიჯავშნით ნებისმიერი ტიპის მომსახურებას როგორც ადგილობრივ დონეზე, ასევე საქართველოს გარეთაც. თუ აქამდე დროის სიმცირის გამო მნიშვნელოვან საკითხებს ვერ აგვარებდით, ახლა შეგიძლიათ მშვიდად იყოთ და თან იცოდეთ, რომ პირადი კონსიერჟი მოგზაურობასაც დაგიგეგმავთ და ექიმთან ვიზიტსაც წინა დღეს აუცილებლად შეგახსენებთ.
დაჯავშნა, დაგეგმვა და გარკვეულ საკითხებზე ინფორმაციის მიღება პირადი კონსიერჟის შესაძლებლობებიდან მცირე ჩამონათვალია. გამომდინარე იქიდან, რომ პირადი კონსიერჟისთვის მიცემული თითოეული დავალება ინდივიდუალურია, ეს სერვისი ბევრ სფეროსთან იკვეთება. პირადი კონსიერჟი გაუთვალისწინებელი უსიამოვნების დროსაც დაგეხმარებათ, იქნება ეს იურიდიული საკითხების მოგვარება (დოკუმენტების თარგმნა/ნოტარიუსის მოძიება) თუ უბრალოდ მეგობრის დაბადების დღისთვის დავიწყებული საჩუქრის ყიდვა. ისიც მოსალოდნელია, რომ პირადი კონსიერჟის დახმარებით კარიერაშიც მეტ წარმატებას მიაღწიოთ, დაესწროთ სასარგებლო კურსებს ან საოცნებო უნივერსიტეტი იპოვოთ, სადაც სამომავლოდ სწავლას გააგრძელებთ. პირადი კონსიერჟების ასეთი მრავალფეროვანი გამოცდილებიდან გამომდინარე, რამდენიმე საინტერესო ქეისის შესახებ გიამბობთ.
გამორჩეული ქეისები
პირადი კონსიერჟები SOLO Club-ის წევრების თხოვნით დაბადების დღეებს ხშირად აორგანიზებენ. პირადი კონსიერჟისთვის SOLO Club-ის უცხოელი მომხმარებლისგან ერთ-ერთი ასეთი მილოცვის თხოვნა შედარებით კომპლექსური დავალება აღმოჩნდა. მომხმარებელს თავისი შვილისთვის, რომელიც იმ მომენტში მადრიდში ცხოვრობდა, ღამის 12 საათზე სიურპრიზის მოწყობა და ტორტის გაგზავნა სურდა. მართალია, დავალების შესასრულებლად ძალიან მცირე დრო იყო მოცემული, თუმცა პირადი კონსიერჟის დახმარებით იუბილარს მადრიდის ერთ-ერთი უნივერსიტეტის კამპუსში ტორტი და ყვავილები ზუსტად ღამის 12-ზე მიართვეს. ასე რომ, თხოვნის შესაბამისად, სიურპრიზი შედგა.
სპორტული ღონისძიებებზე დასწრება და ბილეთების დაჯავშნა პირად კონსიერჟებთან ერთ-ერთი ყველაზე ხშირი თხოვნაა. სპორტის მოყვარულებმა კი ყველაზე კარგად იციან, რომ მნიშვნელოვანი მატჩების ბილეთების შეძენა, თან თამაშამდე ცოტა ხნით ადრე, თითქმის შეუძლებელი ამოცანაა. ერთ-ერთი წარმატებული ქეისი საფრანგეთში გამართულ რაგბის მატჩის ბილეთს უკავშირდება. მომხმარებელს საქართველოს ნაკრებისთვის მნიშვნელოვან მატჩზე სურდა დასწრება, მაგრამ მაღალი მოთხოვნის გამო ბილეთების შეძენაში დახმარება პარტნიორმა კომპანიებმაც კი ვერ მოახერხეს. პირადი კონსიერჟი კი დღეების განმავალობაში ამოწმებდა სხვადასხვა ვებგვერდს, სადაც ბილეთი შეიძლებოდა გამოჩენილიყო. საბოლოოდ, თავდაუზოგავმა ძიებამ გაამართლა, პირადმა კონსიერჟმა ბილეთის შეძენა მოახერხა და მომხმარებელი მატჩზეც გაემგზავრა.
პირადი კონსიერჟის სერვისში ერთ-ერთი პრიორიტეტული თემა განათლებაა, რაც გულისხმობს სასურველი უნივერსიტეტის მოძიებას და ასევე, საზღვარგარეთ სასწავლებლად გადასვლასთან დაკავშირებულ სხვა საკითხებსაც. ერთ-ერთ მომხმარებელს შვილისთვის, რომელიც სასწავლებლად ბრიტანეთში მიემგზავრებოდა, საცხოვრებლის პოვნა სურდა. სწავლის დაწყებამდე 2 კვირა იყო დარჩენილი, როცა როგორც წესი, საზღვარგარეთ საცხოვრებელი 5-6 თვით ადრე იჯავშნება.პირადი კონსიერჟისთვის ეს ქეისიც დიდი გამოწვევა იყო, თუმცა ადგილობრივი კომპანიებისა და სააგენტოების მოძიებით, შემდეგ კი მათთან შეთანხმებით მომხმარებლის შვილისთვის უნივერსიტეტთან ახლოს საცხოვრებლის მოძიება მოკლე დროში გახდა შესაძლებელი.
ეს ყველაფერი პირადი კონსიერჟების მონდომებისა და დაუღალავი შრომის სულ მცირე სიაა. პირადი კონსიერჟის ჩართულობით, მომხმარებლებს ისეთი სურვილებიც აუსრულდა, როგორებიცაა ტეილორ სვიფტის 2024 წლის კონცერტის ბილეთები ყიდვა, ნოვაკ ჯოკივიჩის ხელმოწერილი ჩოგნის შეძენა, ალასკური მალამუტის ლეკვის პოვნა და სხვა. მსგავსი შესაძლებლობები SOLO Club-ის ყველა წევრს წინ ელოდება, ხოლო თუ ჯერ კიდევ არ ხართ SOLO Club-ში, პირობებსა და მოთხოვნებს ამ ბმულზე შეგიძლია გაეცნოთ.