როგორ შეგიძლიათ უქმეების გატარება გუდაურში

ზამთარი კი უკვე იწურება, მაგრამ სამთო კურორტებზე სათხილამურო სეზონის დასრულებამდე თვეზე მეტი რჩება. გუდაურზე, რომელიც აღმოსავლეთ ევროპაში მთის ყველაზე მაღალი კურორტია, ალბათ თქვენც თხილამურებით სრიალი გახსენდებათ პირველი; მაგრამ მას ბევრად მეტის შემოთავაზებაც შეუძლია, თანაც — მოკლე დროში. ასე რომ, თუკი დამღლელი კვირის ბოლოს უქმეების სასიამოვნოდ გატარება გსურთ, გუდაური სეზონზე საუკეთესო არჩევანია: ამ ზღაპრულ ადგილას თბილისიდან 2,5 საათში მოხვდებით, ორ დღეში კი გასაკეთებელ-სანახავი იმაზე მეტია, ვიდრე გგონიათ.

დადექით თხილამურებზე

რა თქმა უნდა, თხილამურებით სრიალი ერთადერთი აქტივობა არაა, რომლითაც გუდაურში შეგიძლიათ დაკავდეთ, მაგრამ ამის გარეშე კურორტის დატოვება არ ღირს. კურორტზე ოთხი სხვადასხვა სირთულის 20 ტრასაა, რომელთა საერთო სიგრძე 37 კილომეტრს აღწევს.

იმ შემთხვევაშიც კი, თუ დამწყები მოთხილამურე ხართ, თქვენთვის განკუთვნილი, მწვანე ფერით მონიშნული ტრასების პოვნა არ გაგიჭირდებათ. ამასთან, დამწყებებს შეუძლიათ დამსვენებლებისთვის განსაკუთრებულად საყვარელი სნოუ პარკითაც ისარგებლონ.

მიიღეთ მონაწილეობა სამოყვარულო სათხილამურო ტურნირში

თუკი თხილამურებით სრიალს მთლად ამ უქმეებზე არ იწყებთ და მცირე გამოცდილება მაინც გაქვთ, სამოყვარულო სათხილამურო ტურნირში, Wissol Snow Games-ში, მონაწილეობა შეგიძლიათ. 2 მარტს დაგეგმილი ტურნირი ერთგვარად ბიატლონისა და „მხიარული სტარტების“ ნაზავია: სრიალთან ერთად, მონაწილეებს მოუწევთ, ერთმანეთს მიზანში სროლასა და სხვა სახალისო აქტივობებში შეეჯიბრონ.

ვისოლის ორგანიზებულ სამოყვარულო ტურნირში, რომლის გენერალური სპონსორია SOLO, 50-მდე მოთხილამურე მიიღებს მონაწილეობას; ისინი 4-წევრიან გუნდებად დაიყოფიან. კონკურსში ასპარეზობისთვის რეგისტრაცია შეგიძლიათ როგორც ონლაინ, ასევე ადგილზე, 2 მარტს, დილის 11 საათიდან 12 საათამდე.

ეწვიეთ სმარტის კუთხეს

სათხილამურო ტურნირის პარალელურად, 2 მარტს გუდაურში მოწყობილი იქნება სმარტის კუთხეც, სადაც შეგიძლიათ დააგემოვნოთ გლინტვეინი, ლუკა ნაჭყებიას საფირმო რეცეპტით მომზადებული სენდვიჩები, ექსკლუზიური იმპორტის პროდუქტები და სხვა სასუსნავები.

დატკბით მუსიკით და ხედებით

ტურნირში თუ არ მონაწილეობთ, მაინც გექნებათ შესაძლებლობა, სმარტის კუთხეში გემრიელი კერძები მიირთვათ და სასიამოვნო მუსიკითა და ხედებით დატკბეთ: შეჯიბრის მუსიკალურ გაფორმებაზე და განწყობის შექმნაზე DJ იზრუნებს, ყველაფერი კი გამარჯვებულების გამოვლენით და SALIO-ის კონცერტით დასრულდება.

ეწვიეთ კაფე სოლიკოს

მნიშვნელობა არ აქვს, შეჯიბრში მიიღებთ თუ არა მონაწილიეობას: მის დასასრულს მაინც გაგიჩნდებათ სურვილი, მყუდრო ადგილი იპოვოთ, სადაც გემრიელი კერძების დაგემოვნებასაც შეძლებთ.

სწორედ ასეთი ადგილია კაფე სოლიკო, რომელიც უკვე რა ხანია, დამსვენებლების საყვარელ თავშეყრის ადგილად იქცა. ამას თავისი მიზეზი აქვს: სოლიკოში გასაოცარ კერძებთან ერთად, კარგ მუსიკასაც დაგახვედრებენ — SOLO და Mastercard-ის ღონისძიებების ფარგლებში, კაფეს მუდამ სტუმრობენ წამყვანი არტისტები. ამასთან, სათხილამურო სეზონზე სოლიკოში SOLO Mastercard World Elite-ით გადახდისას 15%-იანი ქეშბექითაც ისარგებლებთ.

გაემგზავრეთ საბაგიროთი სტეფანწმინდისკენ

როგორი სასიამოვნოც უნდა იყოს შაბათი, ეცადეთ, კვირა დილას ადრიანად გაიღვიძოთ, რათა კიდევ უფრო მეტი საინტერესო აქტივობით დაკავება შეძლოთ.

მაგალითად, გაისეირნეთ საბაგიროთი. კურორტზე 18 საბაგირო მოქმედებს, მათი საშუალებით კი გასაოცარი ხედების დათვალიერებას და ზღვის დონიდან 3 ათას მეტრ სიმაღლეზე ასვლასაც კი შეძლებთ. ამასთან, შეგიძლიათ სტეფანწმინდისკენაც გაემგზავროთ საბაგიროთო; გუდაურს სოფელ კობთან საბაგირო გზა აკავშირებს, კობიდან სტეფანწმინდამდე კი მანქანით მხოლოდ 20 კილომეტრის სავალია.

გახდით SOLO

არ გაჩერდე, გააგრძელე კითხვა