სულ მალე ჯადოსნური დღეები დაიწყება, როცა ყოველდღიურ საქმეებს გვერდით გადავდებთ და დავიწყებთ მზადებას, რათა შევხვდეთ ახალ, 2024 წელს. ამ სამზადისს ყველაზე განსაკუთრებულს კი, რა თქმა უნდა, საჩუქრები ხდის. ახალ წლამდე დღეები ის პერიოდია, როცა არ გვენანება არც დრო და არც ენერგია, რათა ბევრი ვიფიქროთ და საყვარელი ადამიანები გავანებივროთ. თუმცა, ამ ამბავში ყველაზე რთული, ალბათ, გამორჩეული საჩუქრის პოვნაა. ამიტომაც, სწორედ მათთვის, ვინც რაღაც განსაკუთრებულს ეძებს, შეიქმნა SOLO-ს Advent Calendar-ი.
ეს არის გამორჩეული დიზაინით შექმნილი ჯადოსნური ყუთი, რომელშიც 7 სიმბოლური და განსაკუთრებული ნივთი შეგხვდებათ. ეს საჩუქრები კი თქვენს ადრესატს მაქსიმალურად აუმაღლებს სადღესასწაულო განწყობას – ყველაფერი განსაკუთრებული რომ იყოს, უმჯობესია, 2024 წლის დადგომამდე დღეში ერთი ყუთის გახსნა, ეს განწყობას ერთი-ათად აამაღლებს.
ახლა კი, ერთად გადავავლოთ თვალი, რა იქნება წელს ამ ჯადოსნურ ყუთში:
SHISHI – Christmas Ornament
პირველ ყუთში Shishi-ს საშობაო ორნამენტები – ორი ნაძვის ხის სათამაშო შეგხვდებათ, რომელიც ინტერიერს სიმყუდროვესა და სადღესასწაულო განწყობას შესძენს. ეს ორნამენტები ნორვეგიულ-ესტონურ საწარმოშია შექმნილი, რომელიც 1998 წელს დაარსდა.
OGON DESIGN – Card holder/Wallet
მეორე ყუთში პრაქტიკული აქსესუარი – ბარათების ჩასადები იქნება, რომელიც ფრანგულმა ბრენდმა, Ogon Design-მა შექმნა. საფულე და კომპანიის ყველა ნივთი გადამუშავებადი მასალებისგან არის დამზადებული და ეკოლოგიურად სუფთაა. გარდა ამისა, საფულეს აქვს RFID Protection, ანუ იცავს ბარათებს თაღლითობისგან.
BANGLE UP – Bracelet & Ring
მესამე ყუთში კი გამორჩეული ფრანგული ბრენდის, Bangle Up-ის სამაჯური და ბეჭედია რომელიც, როგორც თავად ბრენდი მიუთითებს, ყველაზე მეტად გამოხატავს მომხმარებლის შინაგან სამყაროს. გარდა იმისა, რომ სამაჯური და ბეჭედი დახვეწილი და გემოვნებიანი დიზაინით ხასიათდება, მასში გამოყენებული მაღალი ხარისხის მასალა ანტიალერგიული, მოოქრული თითბერია.
PARFUM & PROJET – Candle
გარდა საშობაო ორნამენტებისა, ინტერიერში სიმყუდროვისთვის სანთელიც საჭირო ნივთია. მეოთხე ყუთში კი სწორედ სანთელი დაგხვდებათ, რომელიც ფრანგული ბრენდის, Parfum & Projet-ისაა და იგი ექსკლუზიურად SOLO მომხმარებლებისთვისაა შექმნილი. ეს არომატული სანთელი სახლში ნამდვილ საშობაო სურნელს დაატრიალებს.
Tisserand – Essential Oils
მეხუთე ყუთში წარმოდგენილია ბრიტანული ბრენდის, Tisserand-ის ეთერზეთი, რომელშიც 100%-ით ნატურალური და სუფთა ინგრედიენტებია გამოყენებული. დღეს უფრო მეტი ადამიანი ანიჭებს უპირატესობას ბუნებრივ სამკურნალო საშუალებებს, Tisserand-ს კი ამ მხრივ მრავალწლიანი გამოცდილება და ნდობის მაღალი ხარისხი აქვს.
Sant’Eustachio – Chocolate
და რა თქმა უნდა, შობა და ახალი წელი, და ზოგადად, დღესასწაული წარმოუდგენელია შოკოლადის გარეშე. ამიტომაც მე-6, ბოლო ყუთში იტალიური კაფეს, Sant’Eustachio-ს შოკოლადი გელოდებათ, რომელიც გამორჩეულია როგორც გემოთი, ასევე, ვიზუალური შეფუთვით. თავად Sant’Eustachio il Caffè ქალაქ რომში 1938 წელს გაიხსნა და ხალავს საკუთარ, უმაღლესი ხარისხის ყავის მარცვლებს, რომელიც სამხრეთ აფრიკიდან შემოაქვთ.
ალბათ, დაგვეთანხმებით, რომ ეს ყუთი ნამდვილად შეუქმნის და აუმაღლებს ნებისმიერ ადამიანს სადღესასწაულო განწყობას. ყუთში ჩადებული თითოეული ნივთი სწორედ ამ მიზნითა და მოტივაციითაა შერჩეული. ჯადოსნური ყუთის შეძენა SOLO ლაუნჯებშია შესაძლებელი, რაოდენობა კი შეზღუდულია, ამიტომ, თუ გსურთ, თქვენი საყვარელი ადამიანისთვის განსაკუთრებული საჩუქარი შეარჩიოთ, იჩქარეთ!