როცა საქმე ყავას ეხება, ბევრი ჩვენგანი კოფეინის ნაცნობი ეფექტის მიღმა ახალ გამოცდილებას ეძებს, რომელიც არომატული მარცვლების უკან იმალება. რაც უფრო განსხვავებულია არომატი, მით უფრო დიდი თავგადასავალი აქვს თქვენს ფინჯანზე მოხვედრილ ყავის მარცვლებსაც. ასე რომ, თუ ყავა თქვენთვისაც ახალი თავგადასავლის ძიებაა და არა მხოლოდ დილის რუტინის ნაწილი, მაშინ Malabar Moussonné-ის ჯადოსნური გემო აუცილებლად უნდა აღმოაჩინოთ.
Malabar Moussonné-ის მარცვლების თავგადასავალი ინდოეთის სამხრეთ-დასავლეთ სანაპიროზე, უფრო ზუსტად კი, კარნატაკის შტატში იწყება. Malabar Moussonné-ის მოსავალს ნოემბერსა და თებერვალს შორის ზღვის დონიდან 1500 მეტრის სიმაღლეზე იღებენ, რაც ყავის არომატსა და ხარისხზეც აისახება. Malabar Moussonné ნაჯერი და მკვრივი კონსისტენციით გამოირჩევა. გემოში თავიდან თამბაქოს, ველური ბალახისა და თივის ტონები იგრძნობა, საბოლოოდ კი, ინდური ყავის მარცვლები სუნელებისა და წიწაკის გემოს ტოვებს. Malabar Moussonné-ის გამორჩეული და ატიპიური არომატის მიზეზებს კიდევ უფრო შორს, 400 წლის წინანდელ ლეგენდასთან მივყავართ.
ლეგენდის თანახმად, ბრძენმა ბაბა ბუდანმა პილიგრიმობის დროს იემენში ყავა მოკო აღმოაჩინა. ბაბა ბუდანმა რამდენიმე მარცვალი წამოიღო და კარნატაკაში იმ ადგილას დათესა, რომელსაც დღეს ბაბა ბუდანის გორებს უწოდებენ და ყავის წარმოებითაა ცნობილი. ამბის საინტერესო ნაწილი კი მუსონურ პროცესებს უკავშირდება, რაც Malabar Moussonne-ის სახელშიც აისახა: როცა მარცვლები ინდოეთიდან ევროპაში გადაჰქონდათ, მწვანე ყავა მაღალი ტენიანობის პირობებში მოექცა და გემოც შეეცვალა. სწორედ ასე გაჩნდა Malabar Moussonne-ის ორიგინალური არომატი, რომელმაც ევროპელების გული მაშინვე მოიგო.
ფრანგული ბრენდი Plaine d’Arômes, რომელიც Malabar Moussonné-ს აწარმოებს, 2012 წელს შეიქმნა. Plaine d’Arômes-ის პროდუქცია თითქმის 30 სახეობის ყავას მოიცავს, რომლებიც საფრანგეთში ყავის მოხალვის აღიარებული ოსტატების მიერ არის დამზადებული. მსოფლიოს უმდიდრესი ნიადაგების მქონე განსაკუთრებული მიწებიდან (ინდონეზია, აფრიკა, სამხრეთ ამერიკა და ა.შ.) Plaine d’Arômes საუკეთესო ხარისხის ყავას არჩევს, რომლის მოხალვაც საფრანგეთის საწარმოში ხელით ხდება. გეოლოკაცია, მიწის ხარისხი, ხეების მრავალფეროვნება, კულტივაცია და მოხალვის ტექნიკა სწორედ ისაა, რაც Plaine d’Arômes-ის ყავას უნიკალურ მახასიათებლებს ანიჭებს.
გამორჩეული არომატის მქონე Malabar Moussonné-ის მარცვლების შეძენა SOLO ბუტიკში შეგიძლიათ. SOLO ბუტიკი სწორედ ის უნიკალური სივრცეა, სადაც SOLO და Wealth Management-ის მომხმარებლებს აქვთ შესაძლებლობა, Malabar Moussonne-ის მარცვლების მსგავსად, ცნობილი ბრენდების გამორჩეული პროდუქცია თუ დახვეწილი ნივთები განსაკუთრებულ ფასად შეიძინონ. SOLO ბუტიკის სრული პროდუქცია აქ შეგიძლიათ ნახოთ.