ზაფხულში ტრადიციული ბათუმური დასვენების დღეების კიდევ უფრო გასამრავალფეროვნებლად SOLO X და Mastercard წარმოგიდგენთ მუსიკალური საღამოების სერიას Iveria Beach-ზე, სადაც პირველი შეხვედრა მსმენელთან უკვე შედგა 22 ივლისს.
მზის ჩასვლის ფონზე ახალგაზრდა ნიჭიერმა მუსიკოსებმა – ნინი ნუცუბიძემ, გიორგი გიგაშვილმა, კატო კვარაცხელიამ და ნიკალამ ყველასთვის საყვარელი და ნაცნობი, ასევე, ახალი მუსიკალური ნაწარმოებები შეასრულეს.
ზღვის პირას გამართული კონცერტი სასიამოვნო გამოცდილება იყო არა მხოლოდ მსმენელებისთვის, არამედ შემსრულებლებისთვისაც: როგორც ნინი ნუცუბიძე ამბობს, მთელი ეს პროცესი მეტია, ვიდრე უბრალოდ „საქმის კეთება“. ის იმასაც ამატებს, რომ ახალი თაობის ეს შემსრულებლები ერთი ოჯახივით არიან და გაუმართლათ, ერთმანეთი რომ იპოვეს.
SOLO-ს მომხმარებლებისთვის ბათუმური საღამოების ჯადოსნურად ქცევა გაგრძელდება. ზაფხული მოდუნების, განტვირთვის, დასვენებისა და საქმისგან დისტანცირების პერიოდია, ამისთვის კი ზღვის პირას ყოფნა, კოქტეილი და გემოვნებიანი მუსიკალური საღამო საუკეთესო რეცეპტია.
თუ უქმე დღეებს ან შვებულებას ბათუმში ატარებთ, აუცილებლად ესტუმრეთ SOLO X-ის, Mastercard-ისა და Iveria Beach-ის მუსიკალურ საღამოებს და გახადეთ თქვენი დასვენება დაუვიწყარი.