SOLO-ს გენერალური სპონსორობით, 19 ივნისს თბილისის საკონცერტო დარბაზში მაესტრო რიუიჩი საკამოტოსთვის მიძღვნილი კონცერტი გაიმართება, სადაც მისი ნაწარმოებების Kordz-ისეული ვერსიები შესრულდება.
ალექსანდრე კორძაიასთან ერთად ღონისძიებაში მონაწილეობას მიიღებენ ჰოლანდიური ანსამბლი Asko|Schönberg, ასევე, ნიკოლოზ რაჭველი და საქართველოს ეროვნული სიმფონიური ორკესტრი.
საკამოტო იაპონელი კომპოზიტორი, პიანისტი, მომღერალი, სიმღერების ავტორი, პროდიუსერი, მსახიობი და აქტივისტი იყო. როგორც სოლო შემსრულებელმა, ასევე, Yellow Magic Orchestra-ს წევრმა, ელექტრონული მუსიკის მრავალი ჟანრი შექმნა და არაერთ ჟანრზე მოახდინა გავლენა.
ყველა სფეროში, რომელშიც ის მოღვაწეობდა, თავისი წარუშლელი კვალი დატოვა. უამრავი ნიჭის მქონე საკამოტოს ცხოვრება სავსეა საინტერესო ფაქტებითა და თავგადასავლებით, რომელთა გამო მაინც მოგინდებათ მისი შემოქმედება უკეთ გაიცნოთ, თუ აქამდე ამის შესაძლებლობა არ მოგცემიათ:
1.საკამოტო 11 წლის ასაკში ფორტეპიანოს მასწავლებელი იყო
საკამოტო მუსიკისამდი ინტერესს ჯერ კიდევ პატარა ასაკში იჩენდა. ის შთაგონებული იყო თავისი ბიძის ჩანაწერების კოლექციით. ამ კოლექციაში აღმოაჩინა იოჰან სებასტიან ბახი – პირველი კომპოზიტორი იყო, რომლითაც საკამოტო აღფრთოვანდა. მუსიკით იმდენად იყო შთაგონებული, რომ პატარა ასაკში მოახერხა შეძენილი ცოდნის სხვისთვის გაზიარება.
2. ფილმში Merry Christmas Mr. Lawrence (1983) მან ერთ-ერთი მთავარი როლი დევიდ ბოუისთან ერთად შეასრულა
ფილმის სიუჟეტი იაპონიის სამხედრო ტყვეთა ბანაკში ვითარდება. საკამოტომ ფილმში ახალგაზრდა ჯარისკაცის როლი ითამაშა. მან ამ ფილმისთვის სიმღერაც შექმნა, რომელიც ბრიტანული კინოაკადემიის ჯილდოს მფლობელი გახდა.
3. 1993 წელს გამოჩნდა მადონას სიმღერის Rain ვიდეოკლიპში
ამ კლიპში მონაწილეობით საკამოტომ დასავლური პოპკულტურის მოყვარულების ყურადღებაც მიიპყრო. ვიდეოკლიპმა, რომლის რეჟისორიც მარკ რომანკელია, MTV Music Award-ზე რამდენიმე ჯილდო მოიპოვა.
4. ოსკარის, ბრიტანული კინოაკადემიის, გრემისა და ოქროს გლობუსის ჯილდოები და ნომინაციები აქვს მოპოვებული
საკამოტო თითქმის ყველა პრესტიჟული ჯილდოს მფლობელი და ნომინანტია. განსაკუთრებული ყურადღება დაიმსახურა 1987 წელს ფილმისთვის „უკანასკნელი იმპერატორი“ დაწერილი საუნდtრეკისთვის – მან მოიპოვა ოსკარი, ოქროს გლობუსი, გრემი და ბრიტანული კინოაკადემიის ნომინაცია. 2009 წელს მას მუსიკაში შეტანილი წვლილისთვის საფრანგეთის კულტურის სამინისტროსგან ხელოვნებისა და ლიტერატურის ორდენი მიენიჭა.
5. ფუკუშიმას კატასტროფის შემდეგ იოიოგის პარკში გამართულ მასშტაბურ საპროტესტო აქციაზე სიტყვით გამოვიდა
დიდ ხელოვანთან ერთად საკამოტო იყო პოლიტიკური აქტივისტიც. იოიოგის პარკში გამართულ საპროტესტო აქციას 170 000 ადამიანი ესწრებოდა, სადაც მან თავისი სიტყვა დაასრულა ფრაზით – „ფუკუშიმას შემდეგ გაჩუმება ბარბაროსობაა“. საკამოტოს გამოსვლამ მომიტინგეების აპლოდისმენტები დაიმსახურა.
ამ ყოველხმრივ გამორჩეული და ნიჭიერი ხელოვანისთვის მიძღვნილი ღონისძიება თბილისში 21:00 საათზე დაიწყება. კონცერტი Asko|Schönberg-თან ერთად Holland Festival 2021-ისთვის მომზადდა თავად მაესტრო საკამოტოს თანხმობით. თუმცა, სპეციალურად 19 ივნისის ღონისძიებას რამდენიმე ახალი ნაწარმოები დაემატება. ვიზუალურ მხარეზე ჰოლანდიელი არტისტი ბორის ეკეტი იმუშავებს, რომელსაც ეკუთვნის 2021 წლის კონცერტის ვიზუალური გაფორმებაც.
კონცერტის გენერალური სპონსორია SOLO. სპეციალურად SOLO-ს მომხმარებლები WM-ის Visa ბარათით გადახდისას 20%-იანი ფასდაკლებით ისარგებლებენ. საღამოზე დასასწრებლად ბილეთის ფასი 50-დან 160 ლარამდე მერყეობს, SOLO-ელებისთვის კი – 40-დან 132-მდე.