დასავლეთ საქართველოში ერთ-ერთი ყველაზე ცნობილი დასასვენებელი და გასართობი ადგილი ციხისძირშია – შუქურა.
სიმწვანეში ჩაფლული ძველი შენობები, ეგზოტიკური მცენარეები, ბანანის ხეივანი, ხიდზე გამავალი მატარებელი დამსვენებელს თავს ტროპიკულ კუნძულზე აგრძნობინებს.


საინტერესოა, როგორ შეიქმნა შუქურა და როგორ იქცა მივიწყებული ადგილი დამსვენებლებისთვის გამორჩეულ და საყვარელ სივრცედ.
„შუქურა“ ერქვა საბჭოთა ეპოქაში დასასვენებელ სახლს და 7000 კვადრატულ მეტრზე მეტ ტერიტორიაზე გაშენებულ ეზოს, ხეივანს, რომელიც პლაჟამდე მიდის. ხეივნის სახლები გასაბჭოების შემდეგ გენერლების აგარაკებად გადაკეთდა.
2021 წელს აჭარა ჯგუფმა ამავე ტერიტორიაზე შექმნა ღია დასასვენებელი სივრცეები და რესტორნები, ადგილს შეუნარჩუნდა ისტორიული სახელი ,,შუქურა“, თუმცა სახელთან ერთად სივრცემ შემოინახა ესთეტიკური სიძველე, კულტურული თავისებურებები და ბუნებრივი გარემო.


სარეაბილიტაციო სამუშაოები ადგილის ისტორიის, არქიტექტურისა და უნიკალური ლანდშაფტის შენარჩუნებით ჩატარდა. ზღვამდე მიმავალი ხეივნის გზაზე შეგხვდებათ ხის ბარები და რესტორნები, სადაც შეძლებთ ავთენტური კერძები დააგემოვნოთ და ტყის ჰაერით დატკბეთ. გემოვნებიანად შერწყმული წარსული, თანამედროვეობა და ბუნება მალევე მოექცა ტურისტებისა და ადგილობრივების ყურადღების ცენტრში. დღეს კი ციხისძირს სწორედ შუქურას სანახავად ყოველდღიურად უამრავი ადამიანი სტუმრობს.


მიუხედავად იმისა, რომ შუქურა სულ რაღაც 3 წლის წინ შეიქმნა, ამ დროის განმავლობაში უკვე მოახერხა ადგილის მეხსიერების გაჩენა – ადგილობრივი დამსვენებლებისა თუ ტურისტების სამოგზაურო მარშრუტის განუყოფელ ელემენტად იქცა და წლიდან წლამდე უფრო და უფრო იხვეწება, დიზაინში არაფერია ზედმეტი ან ნაკლები, თითოეული დეტალი დახვეწილი და ნაფიქრია. კაფე, აუზი, სანაპირო თუ ტყე ერთიანობაში ქმნის ციხისძირის უნიკალურ დასასვენებელ გამოცდილებას.
მთელი ივლისის თვეში შუქურას აუზზე მუსიკალური სესიებია დაგეგმილი, რაც კიდევ ერთი სიახლეა და წინასწარი განწყობით ღონისძიებების ახალი სერია აუცილებლად გაამართლებს იმ მოლოდინსა და წარმოდგენას, რაც უკვე თავისთავად არსებობს ამ ადგილთან მიმართებით: გუგა ხელაია, ზუკა ყიფო, თემურიკო დიასამიძე, Kordz და სხვა არტისტები 6 ივლისიდან 27 ივლისის ჩათვლით უნიკალურ მუსიკალურ პერფორმანსებს ჩაატარებენ, 14 ივლისს კი ევროპის ჩემპიონატის ფინალის ჩვენებაც კი მოეწყობა აუზთან დამონტაჟებულ სპეციალურ დიდ ეკრანზე – ზღვისა და ტყის გარემო ფეხბურთის ყურების კიდევ უფრო საინტერესო და დაუვიწყარ გამოცდილებას შექმნის.


შუქურას წარსული ამბის ინერცია დღემდე შემორჩა და საუკეთესო მაგალითია იმისა, თუ როგორ უნდა შეინარჩუნო წარსული და აწმყოში შექმნა უნიკალური ადგილი – თანადროულად სუბტროპიკული, ქართული და თანამედროვე ელემენტების შერწყმით. ისღა დაგვრჩენია, დაველოდოთ ახალ საზაფხულო სეზონს და ღონისძიებების სერიას – საუკეთესო ზაფხული წინ არის!
მუსიკალური სესიების და შუქურას პარტნიორი წელს SOLO გახდა, SOLO და შუქურა მომავალშიც ბევრ საინტერესო პროექტს შემოგვთავაზებენ.