სექტემბრის მოახლოება არამხოლოდ მათთვის არის ამაღელვებელი, ვინც ახლა იწყებს სწავლას, არამედ იმ ადამიანებისთვისაც, რომლებმაც წლების წინ მოიტოვეს უკან სკოლისა და უნივერსიტეტის კედლები. ახალი სასწავლო წელი ყველასთვის ერთ, მნიშვნელოვან ნოსტალგიურ პერიოდთან ასოცირდება – დღეებთან და განსაკუთრებულ მოგონებებთან, რომლებიც სკოლის დაწყების მოლოდინით, ამაღლებული განწყობით, სასიამოვნო შფოთვითა და ცნობისმოყვარეობით გვამახსოვრდება.
საქართველოს ბანკისთვის მნიშვნელოვანია ახალგაზრდების მხარდაჭერა და ამიტომ მუდმივად ქმნის მათზე მორგებულ პროდუქტებს, როგორებიცაა Student Card, sCool Card და sCoolApp. ახალი სასწავლო წლის დაწყებასთან დაკავშირებით, საქართვლოს ბანკმა ახალი ვიდეორგოლიც შექმნა, რომელიც სულ რამდენიმე დღის წინ იხილა მაყურებელმა. ვიდეორგოლი სწავლის დაწყების პირველ დღეს აღწერს – ქაოსურს, ამაღელვებელსა და მოლოდინებით სავსეს.
ხშირად, ბავშვობის მოგონებები კონკრეტულ ნივთთთან, სურნელთან ან მელოდიასთან ერთად გველექება გონებაში. Mechanical Rainbow-ს ახალი სიმღერას, რომელსაც პირველად ამ ვიდეორგოლში მოისმენთ, ნამდვილად აქვს განსაკუთრებული უნარი, შემოინახოს თქვენი მნიშვნელოვანი ისტორიები და წლების შემდეგ, სწორედ ამ მელოდიით გაგიცოცხლოთ ისევ გონებაში.
სანამ სიმღერა საბოლოო სახეს მიიღებდა, ბევრი თავგადასავალი უძღვოდა წინ. სიმღერამ ბევრჯერ იცვალა ფორმა და ტექსტი – თავიდან უსათაურო ვარიანტი იყო, შემდეგ, შუალედში, Willy Wonka ერქვა, რომელიც ბენდმა ინგლისურენოვანი ტექსტით შეასრულა Open Air-ზე. საბოლოოდ კი, BUBBLEPUFF-ის სახელით დასრულებულ ვარიანტად ჩამოყალიბდა. როგორც Mechanical Rainbow-ს ერთ-ერთი წევრი, დადუ დონაძე აღნიშნავს:
,,ამ სიმღერას სრული, უფრო ვრცელი ვერსიაც აქვს, რომელსაც სინგლად მალე გამოვაქვეყნებთ, სამომავლოდ კი ალბომშიც მოხვდება. როდესაც კონკრეტული სიმღერის ტექსტზე ვმუშაობთ, დიდ ყურადღებას ვაქცევთ, თუ რამდენად ჩანს ჩვენი სახე, ესთეტიკა და ინდივიდუალობა ამ სიმღერით. საბოლოოდ, მგონია, რომ მივაღწიეთ მიზანს და ზუსტად ის გამოვიდა, რაც ჩვენი ბენდის ხასიათს შეეფერება.”
როგორც დადუ აღნიშნავს, საკმაოდ პერფექციონისტები არიან და სანამ საქმეს ბოლომდე არ მიიყვანენ, არ ჩერდებიან. ცოტნე ხაზს უსვამს იმასაც, თუ რამდენდ ორგანულად ხდება სიმღერების წერისა და გარდაქმნის პროცესი.
,,მიუხედავად იმისა, რომ სიმღერამ ბევრჯერ იცვალა სახე, ეს პროცესი საკმაოდ შეუმჩნევლად მოხდა. სიმღერის სამივე ვარიანტი სხვადასხვა დროს ლაივშიც დაგვიკრავს და შეგვიძლია ვთქვათ, რომ ძალიან ბუნებრივად მოხდა ის ცვლილებები, რამაც სიმღერა საბოლოო ვარიანტად ჩამოაყალიბა.”
სასწავლო პროცესი, სკოლაში თუ უნივერსიტეტში, ყოველთვის ისეთი მარტივი და სასიამოვნო ვერ იქნება, როგორც ეს ფილმებში, სიმღერებში, წარსულის მოგონებებში თუ რეკლამებში ჩანს. არის დღეები, როდესაც გადაღლა და უიმედობა წონის ყველაფერ დანარჩენს, თუმცა სწორედ ასეთი მომენტების დროსაა საჭირო, მსგავსი მოგონებების, მელოდიებისა და ისტორიების გახსენება – იმის ცოდნა, რომ ეს ყველა სირთულე სინამდვილეში ახალი გზების და სიახლეების არმოჩენის შესაძლებლობაა. შეხსენება და მოტივაცია, რომ სიახლეების გზაზე არ გაჩერდე.