ცხადია, ადამიანების გემოვნება როგორც ყველაფერში, სახლის დიზაინშიც მუდმივად იცვლება. საძინებელი, სამზარეულო, აბაზანა, მისაღები – დიდი მნიშვნელობა აქვს, როგორ მოვაწყობთ თითოეული კუთხეს, რადგან სახლი არის ადგილი, სადაც ცხოვრების დიდ და მნიშვნელოვან დროს ვატარებთ.
წლებთან ერთად ტენდენციები იმის მიხედვით იცვლება და იხვეწება, რა საჭიროებაც უდგას სახლში მცხოვრებს. მაგალითად, თუ წლების წინ სახლს ისე არემონტებდნენ, რომ დიდ სივრცეს ტოვებდნენ სტუმრებისთვის, ახლა სახლის რემონტს უმრავლესობა იმგვარად გეგმავს, რომ პრიორიტეტს ანიჭებს პირად სივრცეს. ეს დიდწილად პანდემიის დამსახურებაცაა, რადგან პანდემიამ, როცა ხალხი სახლებიდან მუშაობდა და თითქმის მთელ დროს შინ ატარებდა, გავლენა მოახდინა იმაზე, რომ რემონტსაც ისე ვაკეთებთ, რომ სახლს მეტად ვარგებთ პირად კომფორტს, ვიდრე – სტუმრებისას.
გადავავლოთ თვალი, რა ტენდენციები შეინიშნება წელს სახლის გარემონტებისას და რა გახდა პრიორიტეტი:
ეკოლოგიური მასალა
წლების გასვლასთან ერთად უფრო მეტად ვიაზრებთ, რამხელა მნიშვნელობა აქვს გარემოს და მასზე ზრუნვას როგორც ჩვენი ყოველდღიურობისთვის, ასევე, მომავლისთვის. გამოიკვეთა, რომ წელს რემონტისას ადამიანები დიდ მნიშვნელობას ანიჭებენ ეკოლოგიურად სუფთა მასალების გამოყენებას. გარდა იმისა, რომ ამით გარემოზე ზიანს ვამცირებთ, სხვა უამრავ დადებითთან ერთად, ასეთი მასალებით სახლის გარემონტება აუმჯობესებს სახლში ჰაერს და მასალებიც უფრო გამძლე და გამოსადეგია.
ჭკვიანი ტექნოლოგიები
როგორც უკვე ვახსენეთ, სახლი, პირველ რიგში, პირადი კომფორტის მიხედვით რემონტდება. გამოიკვეთა, რომ წელს სწორედ კომფორტის მისაღწევად სახლში ჭკვიან ტექნოლოგიებს იყენებენ. ხმოვანი ასისტენტი, ავტომატური განათებები, პულტით მართვადი ტექნიკა და ჭკვიანი სახლის უსაფრთხოების სისტემები – 2023 წელს ბევრმა ადამიანმა გადაწყვიტა, რომ სახლში ცხოვრება „ვირტუალურ დამხმარეებთან“ ერთად უკეთესი და მარტივია.
სავარჯიშო სივრცე
პანდემიამ გააჩინა იმის საჭიროებაც, რომ სახლში მაქსიმალურად გვქონდეს ისეთი რაღაცები, რისთვისაც გარეთ გვიწევს ხოლმე გასვლა. ერთ-ერთი ასეთია სავარჯიშო დარბაზი. 2023 წელს ტრენდული აღმოჩნდა სახლში ტრენაჟორებისთვის ადგილების გამოყოფა. რემონტისას ბევრმა ადამიანმა გაითვალისწინა სახლში ვარჯიშის საჭიროება და რემონტი იმგვარად დაგეგმა, რომ მინიმუმ 1 სავარჯიშო ტრენაჟორისა და სავარჯიშო სივრცისთვის სახლში ადგილი გამონახა.
აივანი
ასევე პანდემიის გავლენით, 2023 წელს ადამიანებმა დიდი მნიშვნელობა მიანიჭეს აივანს. ალბათ ვთანხმდებით, რომ აივანი სახლის მნიშვნელოვანი ნაწილია, თუმცა „სახლში ჩაკეტილობის“ დროს მან განსაკუთრებული მნიშვნელობა შეიძინა, რადგან ლამის ერთადერთი სივრცე იყო, რომელიც გარე სივრცეს გვაკავშირებდა. ამიტომ, 2023 წელს ბევრმა ადამიანმა აივნის პირადი კომფორტის მიხედვით მოწყობა ერთ-ერთ მთავარ პრიორიტეტად გახადა.
მცენარეები
2023 წელს განსაკუთრებით ტრენდული გახდა მცენარეები. ეს ინტერიერს უფრო ცოცხალს და ლამაზს ხდის. როგორც წინა წლებში, 2023 წელს ტრენდული კვლავ სადა ფერებია. საძინებელს, სამზარეულოსა თუ მისაღებს ადამიანები ძირითად თეთრ ან ნაცრისფერ ფერებში ირჩევენ. ამბობენ, რომ იგივე ტრენდები შენარჩუნება 2024 წელსაც და რემონტის კეთებისას ხალხი უპირატესობას ოთახების მაქსიმალურად ღია ფერებში გარემონტებას მიანიჭებს, რასაც მცენარეების სიმწვანე კიდევ უფრო მეტ ხიბლს სძენს.
მართალია, სახლი ყოველთვის იყო კომფორტის, განტვირთვის, დასვენების ადგილი, მაგრამ ბოლო პერიოდში ეს პირადი სივრცე კიდევ უფრო ძვირფასი გახდა. თუ სახლის შეძენას გეგმავ და საკმარისი ფინანსები არ გაქვს, საქართველოს ბანკში შენზე მორგებული პირობებით იპოთეკური სესხის აღება შეგიძლია. ბანკის თანამშრომელთან კომუნიკაციის გარეშე შეგიძლია ეწვიო საქართველოს ბანკის ვებგვერდზე იპოთეკური სესხის კატეგორიას და კალკულატორის გამოყენებით ნახო, საჭირო თანხის მიხედვით, რამდენ თვეზე რამდენის გადახდა მოგიწევს, შენს ლიმიტს კი ამავე ვებგვერდზე, რამდენიმე წუთში გაიგებ. ხოლო თუ უკვე გაქვს სახლი და მისი განახლება გინდა, შენზე მორგებული პირობებით სესხი რემონტისთვისაც შეგიძლია აიღო.