7 სასტუმრო, რომლის ორკაციანი ვაუჩერი სულ მარტივად შეგიძლია მოიპოვო

ჯერ კიდევ გაქვს დრო, ცხელი ზაფხულის უქმეები მშვიდ, კომფორტულ და გრილ გარემოში გაატარო საყვარელ ადამიანებთან ერთად. და თან ეს ყველაფერი სრულიად უფასოდ: bogpay.ge-ზე ნებისმიერი ქართული ბანკის Mastercard-ით გადახდისას ყოველი მე-200 მომხმარებელს სპეციალური TRAVEL BOX გადაეცემა.

ქვემოთ უფრო დეტალურად მოგიყვებით სხვადასხვა კუთხეში მდებარე 7 სასტუმროს შესახებ, რომლებშიც bogpay.ge-ის შეთავაზების ფარგლებში შეგიძლია უფასოდ დაისვენო.

Crowne Plaza Borjomi

ხუთვარსკვლავიანი სასტუმრო Crowne Plaza  ბორჯომის შუაგულში მდებარეობს. დახვეწილი ინტერიერი, ბორჯომის გრილი, სუფთა ჰაერი, კომფორტული ნომრები და სტუმართმოყვარე პერსონალი – ის არის, რაც სრულყოფილი დასვენებისთვის გჭირდება. სასტუმროში დაგხვდება ორი რესტორანი, ღვინის ბარი, ლობი ბარი, ღია და დახურული აუზები, სავარჯიშო დარბაზი და 2400 კვ.მ ფართობის სპა და გამაჯანსაღებელი ცენტრი, რომელიც უკონკურენტოა სამხრეთ კავკასიის რეგიონში. სასტუმროდან 3,5 კმ-ში აღმოაჩენ ბუნების საგანძურს – ტყესა და კლდოვან მდინარეს შორის მოთავსებულ გოგირდის აუზებს.

კომორები ბაკურიანი

ბაკურიანში დასვენება ზამთარშიც და ზაფხულშიც დაუვიწყარ თავგადასავლებს  გპირდება. კომორები ოთხვარსკვლავიანი სასტუმროა, რომელსაც განსაკუთრებით კარგად აფასებენ წყვილები ორკაციანი მოგზაურობისთვის. თუმცა, მეგობრებთან ან ოჯახთან ერთადაც შეგიძლია აქ შეაგროვო ზაფხულის ფერადი მოგონებები. სასტუმრო მდებარეობს ბაკურიანის მწვანე პარკებთან ახლოს, ნომრები აღჭურვილია ყველა საჭირო ნივთით, დიზაინი მყუდრო და დახვეწილია, ყოველი ნომრის აივნიდან კი მთის ხედი იშლება. განტვირთვისთვის შეგიძლია სასტუმროს მწვანე ეზოს მიაშურო ან რესტორანში დააგემოვნო გამორჩეული კერძები ჭიქა ღვინოსთან ერთად.

ინტურისტ ყაზბეგი

მთიანი ყაზბეგის სიგრილე ქალაქის უნიავო სიცხისგან გასაქცევად საუკეთესო თავშესაფარია.  მთები, ჩანჩქერები, ტბები, ხეობები, მრავალფეროვანი ბუნება და კულტურული ძეგლები  დროის სასიამოვნოდ გატარების საშუალებას აძლევს  როგორც მთებში ხეტიალის, ისე მთების ხედით ტკბობის მოყვარულებს.  სასტუმროს საუკეთესო ადგილმდებარეობა აქვს, ყველა ნომრიდან იშლება საოცარი ხედები, განსაკუთრებით გასაოცარი გერგეტის სამების პანორამული ხედია. სასტუმროს ინტერიერი ვინტაჟური და გემოვნებიანია, ნათელი ოთახები და დერეფნები ფართო ფანჯრებით ბუნებასთან სიახლოვის განცდას ქმნის.  სტუმრებს შესაძლებლობა აქვთ ისარგებლონ რესტორნით, ლაუნჯით და დიდი საერთო ტერასით, სასტუმრო დამსვენებლებს სხვადასხვა აქტივობებსაც სთავაზობს:  საფეხმავლო  ღირსშესანიშნაობების ტური, ცხენებისა  და კვადროციკლების ტურები და ა.შ.

მარკო პოლო

სასტუმრო მარკო პოლო გუდაურში მდებარეობს.  გუდაურის ნისლიანი მთები, სიმწვანე და გრილი ჰაერი ქალაქის მტვრით დაღლილი ადამიანებისთვის ნამდვილი სამოთხეა.  მარკო პოლომდე მისასვლელად თბილისიდან სულ რაღაც 3 საათი გჭირდება.  სასტუმროს ადგილმდებარეობა იდეალურადაა შერჩეული: შეგიძლია  საკუთარი ნომრის ფანჯრებიდანვე დატკბე კურორტის ბუნებრივი მშვენიერებით.

სასტუმრო  მრავალფეროვან აქტივობებს სთავაზობს როგორც დასვენების, ისე თავგადასავლების მოყვარულებს. Marco Polo Spa & Wellness Centre-ს აქვს მასაჟისა და სხვა პროცედურების ფართო არჩევანი, ცხელი აბაზანა, საუნა და მზის ტერასა. თუ აქტიური დასვენება მოგწონს, შეგიძლია გაისეირნო ცხენებით, იფრინო პარაპლანით, სცადო ჯომარდობა ან ისეირნო ველოსიპედით – ყველა ამ აქტივობას სასტუმრო თავად უწევს ორგანიზებას.  სასტუმროს აქვს რესტორანი, რომელიც გამოირჩევა ქართული და კავკასიური კერძების ასორტიმენტით.

 Leto Boutique Hotel

ზუგდიდში, დადიანების სასახლესთან მდებარე ეს სასტუმრო გამოირჩევა მომსახურების მაღალი ხარისხით, კომფორტული ნომრებით და რესტორნით, რომელშიც დაგხვდება ადგილობრივი და ევროპული გემოების ასორტიმენტი. სასტუმროს სახურავზე შეგიძლია დატკბე ღია საცურაო აუზითა და მზის აბაზანებით.  აქ შეძლებ დაისვენო და განიტვირთო როგორც ოჯახთან, ისე მეგობრებთან ერთად. თუ დასვენებისას  ისტორიული ძეგლები და კულტურული თავისებურებების შესწავლაც მოგწონს,  ზუგდიდში შეძლებ დაათვალიერო წინარექრისტიანული ცივილიზაციების ნაშთები, ციხე-სიმაგრეები, უძველესი ტაძრები, დადიანების სასახლე მშვენიერი ბაღითა და მუზეუმით.

Gori Inn

ხუთვარსკვლავიანი სასტუმრო თბილისთან ძალიან ახლოს, გორში მდებარეობს. თუ  ხანგრძლივი მგზავრობა არ გიყვარს, მაგრამ გინდა ქალაქიდან გახვიდე და ყოველდღიური ქაოსი დაივიწყო,  აუცილებლად უნდა ეწვიო ,,Gorri Inn”-ს. სასტუმრო შემოსაზღვრულია 1 ჰექტარი გამწვანებული ტერიტორიით. აქ დაგხვდება შიდა და გარე აუზი, სპა, საუნა და მარანი, სადაც შეგიძლია ქართლური ღვინის დაგემოვნება. Gori Inn გამოირჩევა უმაღლესი ხარისხის მომსახურებით და  სერვისებით, რომლებიც სხვადასხვა სტუმრის ინტერესებსა და გემოვნებას მოერგება.

Kass Diamond Resort

სასტუმრო კომპლექსი მდებარეობს წალკაში, სოფელ დაშბაშში, ცნობილ კანიონთან ახლოს. Kass Diamond-ის სასტუმრო კომპლექსი შედგება უმაღლესი ხარისხის მასალებისგან აშენებული ასი კოტეჯისგან, რომლებიც განლაგებულია წალკის კანიონის მიმდებარედ. ორსართულიანი კოტეჯების დიზაინი მყუდრო და დახვეწილია, ტერასაზე შეგიძლია დატკბე სუფთა ჰაერითა და მთის ხედებით. სასტუმრო კომპლექსში დაგხვდება რესტორანი, ბარი, ბაღი, სეზონური ღია აუზი, ოთახის მომსახურება. აქ ერთმანეთს ერწყმის სახლური მყუდროება, მაღალი ხარისხის მომსახურება და დაშბაშის შთამბეჭდავი ბუნება.

ზემოთ ჩამოთვლილთაგან ერთ-ერთ სასტუმროში შეგიძლია სრულიად უფასოდ გაატარო უქმეები, ამისათვის კი უნდა შეხვიდე bogpay.ge-ზე და გადაიხადო სასურველი სერვისისთვის ნებისმიერი ქართული ბანკის Mastercard-ით. 

bogpay.ge ცხელ დღეებში სახლიდან გასვლას აგარიდებს თავიდან – გადახდის პროცესი მარტივი და კომფორტულია,  ყოველი მე-200 მომხმარებელი კი TRAVEL BOX-ით დასაჩუქრდება. TRAVEL BOX-ში იპოვი მოგზაურობისთვის აუცილებელ ნივთებსა და სასტუმროს ვაუჩერს 2 ადამიანზე 2 ღამით!