6 სასტუმრო აღმოსავლეთ საქართველოში შვებულების შეუდარებლად გასატარებლად — განსაკუთრებული შეთავაზებები SOLO-ს მომხმარებლებს

ზაფხული დასვენებასთან, ძალების აღდგენასთან და საუკეთესო მოგონებების შექმნასთან ასოცირდება, ამიტომ შვებულებას ყველანი გულმოდგინედ ვგეგმავთ. სასტუმროებს შორის არჩევანის გაკეთება მარტივი სულაც არაა, თუმცა SOLO-ს მომხმარებლებს გაუმართლათ და მათთვის რამდენიმე სასტუმროს განსაკუთრებული პირობები აქვს.

თუ შვებულების აღმოსავლეთ საქართველოში გატარება გინდათ და ჯერ კიდევ ვერ გადაგიწყვეტიათ, სად წახვიდეთ, ამ სტატიაში 6 სასტუმროს გაგაცნობთ, სადაც SOLO ბარათის მფლობელებს საუცხოო შეთავაზებები ელოდებათ.

1. ზუზუმბო რეზორტი და სპა

დასვენება ზღვის დონიდან 800 მეტრზე, 7 ჰექტარი ფიჭვნარის შუაგულში, კავკასიონისა და ცივ-გომბორის მთების საუცხოო ხედით — ზუზუმბო რეზორტი და სპა სტუმრებს დაუვიწყარ ზაფხულს ჰპირდება.

რაც მთავარია, ზუზუმბო SOLO-ს მომხმარებლებს ნებისმიერი SOLO ბარათით PLUS ქულებით გადახდისას ყველა კატეგორიის ნომერზე 30%-იან ფასდაკლებას სთავაზობს. ნომრის ღირებულებაში შედის: საუზმე, სატრენაჟორო დარბაზი, ღია და დახურული აუზი, საუნა, მაგიდის ჩოგბურთი, ბილიარდი და ველოსიპედები — მოკლედ, ყველაფერი, რაც ძალების აღსადგენად და დასასვენებლად დაგჭირდებათ.

აღსანიშნავია, რომ შეთავაზება ივნისის ბოლომდეა ძალაში და არ ვრცელდება ონლაინპლატფორმებიდან შემოსულ ჯავშნებზე. ფასდაკლების მისაღებად კი ნომრის წინასწარ დაჯავშნაა საჭირო.

2. შატო ართვაინი

created by dji camera

თუ კახეთის სოფელ ართანაში არასდროს ყოფილხართ, ივნისის ბოლომდე შეგიძლიათ შატო ართვაინს ესტუმროთ და განსაკუთრებული შვებულება მოიწყოთ. სასტუმროში ნებისმიერი SOLO ბარათით PLUS ქულებით გადახდისას 30%-იანი ფასდაკლებით ისარგებლებთ, თქვენს განკარგულებაში კი ღია საცურაო აუზი, ფინური საუნა, ბილიარდი, მაგიდის ჩოგბურთი და საბავშვო ოთახი იქნება.

გასათვალისწინებელია, რომ ფასდაკლების მისაღებად აუცილებელია, წინასწარ დაჯავშნოთ ნომერი და გადახდა თქვენი SOLO ბარათით საქართველოს ბანკის ტერმინალზე შეასრულოთ.

3. Communal Hotel

თუ ამ ზაფხულს ქალაქ თელავით ტკბობას გადაწყვეტთ, ივნისის ბოლომდე შეგიძლიათ, Communal Hotel-ს ესტუმროთ და SOLO ბარათით PLUS ქულებით გადახდისას ნებისმიერი კატეგორიის ნომერზე 30%-იანი ფასდაკლება მიიღოთ.

არ დაგავიწყდეთ, რომ Communal Hotel-ში დაუვიწყარი ივნისის გასატარებლად და ფასდაკლების მისაღებად ნომერი წინასწარ უნდა დაჯავშნოთ და საქართველოს ბანკის ტერმინალზე SOLO ბარათით უნდა გადაიხადოთ.

4. შატო მერე

თელავთან ახლოს, სოფელ ვარდისუბანში, კიდევ ერთი გამორჩეული სასტუმრო, შატო მერე, მდებარეობს, რომელიც SOLO-ს მომხმარებლებს ყველა კატეგორიის ნომერზე 20%-იან ფასდაკლებას სთავაზობს. ამისათვის კი უბრალოდ SOLO ბარათით PLUS ქულებით გადახდაა საჭირო.

აღსანიშნავია, რომ შეთავაზება ივნისის ბოლომდეა ძალაში და ის ასევე მოიცავს 30%_იან ფასდაკლებას სასტუმროში განთავსებაზე, საუზმეზე, დაცულ პარკირებაზე, ღია და დახურული აუზით სარგებლობასა და სპა მომსახურებაზე.

5. HORIZONS Bakurtsikhe

კავკასიონის საუცხოო ხედი, უგემრიელესი ტრადიციული კერძები და შეუდარებელი ბუნება — ბაკურციხეში, HORIZONS Bakurtsikhe-ის კოტეჯში ყველაფერია იმისთვის, რომ ივნისის ცხელ თვეში დასვენებით გული იჯეროთ.

კოტეჯში ნებისმიერი SOLO ბარათით PLUS ქულებით გადახდისას 30%-იან ფასდაკლებას მიიღებთ. შეთავაზებით სარგებლობისთვის აუცილებელია, რომ თანხა ფიზიკურ სივრცეში, საქართველოს ბანკის ტერმინალზე თქვენი SOLO ბარათით გადაიხადოთ.

6. კურორტი ლაგოდეხის ნაკრძალში

თუ ივნისში ქალაქიდან გასვლას და ბუნებით ტკბობას გეგმავთ, კურორტი ლაგოდეხის ნაკრძალში თქვენთვის ზედგამოჭრილია. კურორტი სოფელ ხიზაბავრაში, დაცული ტერიტორიების გვერდითა შესასვლელთან მდებარეობს და 26 ეკომეგობრულ კოტეჯს აერთიანებს. კოტეჯების გარდა, კურორტზე რესტორანი და ორი საცურაო აუზიც დაგხვდებათ.

კურორტი SOLO-ს მომხმარებლებს PLUS ქულებით გადახდისას 30%-იან ფასდაკლებას სთავაზობს, რომლის მისაღებად აუცილებელია, წინასწარ დაჯავშნოთ ნომერი და თანხა საქართველოს ბანკის ტერმინალზე თქვენი SOLO ბარათით გადაიხადოთ.

დასვენება მნიშვნელოვანია იმისთვის, რომ ყოველდღიურ ცხოვრებას ახალი ენერგიითა და შემართებით დაუბრუნდეთ, ამიტომ არ გამოტოვოთ SOLO-ს შეთავაზებები და დატკბით დამსახურებული შვებულებით.

გახდით SOLO

არ გაჩერდე, გააგრძელე კითხვა