ხშირად სამკაული არა მხოლოდ აქსესუარი, არამედ სტილის, ემოციისა თუ თვითგამოხატვის უნიკალური საშუალებაა. ამასთან ერთად, თუ სამკაულის შერჩევისას თითოეული დეტალით ინტერესდებით და უპირატესობას დახვეწილ დიზაინს ანიჭებთ, BLING Jewels თქვენს გაოცებას ნამდვილად შეძლებს. BLING ქართული ბრენდია, რომელიც SOLO ბუტიკს ახლახან დაემატა და რომლის ელეგანტური სამკაულებიც უნიკალურ ისტორიას გვიყვება. ამის მიზეზი კი BLING-ის თითოეული სამკაულის შთაგონების წყაროსა და იმ გზას უკავშირდება, რომელიც იდეას რეალობად აქცევს.
BLING-ის სამკაულების დათვალიერებისას თუ თან რაღაც ძალიან ნაცნობს ხედავთ, თან კი მაინც სიახლის შეგრძნება გეუფლებათ, ეს იმიტომ, რომ თითოეული ნაკეთობა კულტურული მემკვიდრეობისა და თანამედროვე ინოვაციების სინთეზია. BLING-ის სამკაულების შთაგონების წყარო ქართული არქიტექტურული ნიმუშებისა და კულტურული ძეგლების ორნამენტებია, რომელთა შერჩევაც და სამკაულის სახით გაცოცხლება საკმაოდ ფაქიზი პროცესია და ასე მიმდინარეობს: შენობის ვიზუალით დაინტერესება, მისი ისტორიის შესწავლა, კულტურული მახასიათებლების მოძიება და ორნამენტის შერჩევა. ამ ყველაფერში კი ჩართულია როგორც ხელოვნებათმცოდნეები, ისე კულტურის მოღვაწეები, რათა სამკაულის შექმნისას თითოეული დეტალი იყოს გათვალისწინებული და ისტორიული მემკვიდრეობა თანამედროვე დიზაინის დახვეწილ ფორმებში შენარჩუნდეს.
სამკაულის შესაქმნელად ორნამენტის შერჩევა პროცესის მხოლოდ ერთი ნაწილია, წარსულის გაცოცხლება კი BLING-ის დიზაინის ჯადოსნურობაზეა დამოკიდებული. ამ ეტაპზე უკვე ორნამენტიდან აღებული დეტალებისა და ფორმების უნიკალური ჰარმონია იქმნება, თითოეული ნაკეთობა სათუთად მზადდება და ძვირფასი ლითონების გამოყენებით ავთენტურ სამკაულებად გარდაიქმნება. საბოლოო დიზაინი კი, თან ტრადიციას ინარჩუნებს და თან თანამედროვე ელემენტებსაც გვთავაზობს. სწორედ ამ ჯადოსნური სინთეზის შედეგად არის შესაძლებელი, რომ დადიანების სასახლის ორნამენტები ელეგანტურ სამკაულებად იქცეს ან სხვა ისტორიული შენობის მივიწყებულმა დეტალმა ახალი სიცოცხლე სხვა ფორმით აღმოაჩინოს. მნიშვნელოვანია ისიც, რომ BLING-ის სამკაულები საქართველოში ხელით მზადდება, თითოეული მათგანი კი წარმოდგენილია ოქროს, ვერცხლისა და მოოქრული ლატუნისვარიანტებში.
BLING-ის სამკაულების დათვალიერება და შეძენა SOLO ბუტიკში უკვე შეგიძლიათ. დიდი ხანია, რაც SOLO ქართული ბრენდების პოპულარიზაციასა და განვითარებას ხელს უწყობს, მათ რიგებში კი განსაკუთრებით მნიშვნელოვანია BLING-ის გამოჩენა, რომელიც კულტურულ მემკვიდრეობას ორიგინალური გზით აცოცხლებს და ინახავს. ქართული არქიტექტურული ორნამენტებისგან შექმნილ BLING-ის სამკაულებს, რომლებიც ტრადიციასა და მოდერნულ სტილს აერთიანებს, ორიგინალური შეფუთვაც ემატება. BLING-ის სამკაულები მყიდველთან დახვეწილი ორნამენტებით გაფორმებული შეფუთვით იგზავნება. თითოეული სამკაულის ორნამენტს ხელოვნებათმცოდნე ურთავს ანოტაციას და გვიყვება, თუ რომელი საუკუნისაა ორნამენტი და რა ემოციური თუ თვისობრივი დატვირთვა აქვს.
ეწვიეთ SOLO ბუტიკს ამ ბმულზე და აღმოაჩინეთ BLING-ის უნიკალური სამკაულები.