5 აპლიკაცია მოსწავლეებისთვის დროის საინტერესოდ გასაყვანად

როცა სქროლვით დაიღლები, ყველა მეგობრის სთორის ნახავ, შენს პროფილს და ინბოქსსაც რამდენჯერმე გადაუვლი და გაიფიქრებ, Now what? ეს ხუთი აპლიკაცია დაგეხმარება, დრო საინტერესოდ, სასიამოვნოდ და ნაყოფიერად გაატარო.

  1. EyeEm

ეს აპლიკაცია ფოტოების სთოქია, სადაც შენი ფოტოების გაყიდვა Getty Image-ის, Airbnb-ისა და სხვა პარტნიორი ბრენდების, ასევე Adobe-ის მსგავსი წამყვანი კომპანიების კონკურსებში მონაწილეობის მიღება შეგიძლია. თანაც აპლიკაცია თავად გირჩევს, რომელი ფოტოები განათავსო და რა ჰეშთეგები დაადო ფოტოს.

რა თქმა უნდა, შენი ნამუშევარი ლიცენზირებული იქნება და ყოველ ჯერზე, როცა ფოტოს გადმოწერენ, ფულს გამოიმუშავებ.

2. Wysa – Mental Health Support

Wysa AI ჩათბოტია, რომელიც შენს მენტალურ ჯანმრთელობაზე ზრუნავს, ნებისმიერ დროს მზადაა დაგეხმაროს ძილის, შფოთვის, სტრესის და ემოციური დისბალანსის მოწესრიგებაში. თან პინგვინის ფორმა აქვს, შენი იდენტობაც დაცულია და რაც მთავარია Wysa-სთან უფასოდ და უსასრულოდ შეგიძლია იჩათაო. შენი AI პინგვინი პატარ-პატარა ილუსტრირებული გიფებით, სამოტივაციო ფრაზებით და პერსონალიზებული რჩევებით ყოველდღიური გამოწვევების დაძლევაში დაგეხმარება.

თუ Wysa-სთან შენი ფიქრების გაზიარებას ამოწურავ, შეგიძლია პროფესიონალი თერაპევტი აპლიკაციაშივე იპოვო.

3. Co-Star

მოდი, ვაღიაროთ, ასტროლოგიის ობსესია is the new black! თან, Co-Star ჩვეულებრივი ასტროლოგიური აპლიკაცია სულაც არაა. გარდა იმისა, რომ პერსონალურ რუკას აკეთებ, შეგიძლია მეგობრებიც დაამატო და მათი Chart-ებიც ნახო.

აპლიკაცია ყოველდღიურად გამარაგებს შენს დაბადების დღეზე მორგებული ჰოროსკოპით, რომელიც ასტროლოგიისა და პლანეტების გადაადგილების NASA-ს მონაცემების მიქსია.

4. sCoolApp

ამ უნიკალური აპლიკაციით შეგიძლია შენი ფინანსები თავად მართო, გაუგზავნო მოთხოვნა მშობელს თანხის ჩასარიცხად, დააგროვო ფული ყულაბაში შენი მიზნებისთვის და მიიღო ან გადარიცხო თანხა მარტივად. ასევე, აქვე მიიღებ შეთავაზებებს, ქეშბექებსა და ფასდაკალებებს შენი საყვარელი ბრენდებისგან.

აპლიკაციას შეგიძლია შენი სასურველი დიზაინი შეურჩიო. რაც მთავარია, სქულაპის მთელი საქართველოს მასშტაბით გამოიყენებ, უფასოდ მგზავრობას კი თბილისში, თელავში, გორში, ქუთაისში, ფოთში, ქობულეთსა და ბათუმში შეძლებ!

5. Sketchbook

გაკვეთილზე რვეულში დუდლების ხატვა ყველას გვიყვარს. თუ ადრე, ფოტოშოფის, ილუსტრატორის ან სხვა სახატავი სოფტის გამოყენება გჭირდებოდა, ახლა უკვე შეგიძლია შენსავე მობილურში შექმნა ნახატები, მარტივად დააექსპორტო და გაუზიარო მეგობრებს, დაპრინტო მაისურზე, ქუდზე ან პოსტერზე.

არ გაჩერდე, გააგრძელე კითხვა