ზაფხულისთვის შესაფერისი აქტივობების დაგეგმვისას არ უნდა დაგვავიწყდეს, რომ ეს იდეალური დროა ახალი ცოდნის შესაძენად და ინტელექტუალური სიამოვნების მისაღებად. ერთ-ერთი ასეთი შესაძლებლობაა „კერა გალერეაში“ გამართული გამოფენა INK FUSION, რომელიც 4 ივლისიდან 6 აგვისტოს ჩათვლით გრძელდება.
„კერა გალერეა“ ილანა აბიგაილ სლუცკიმ 2022 წელს თბილისში დააარსა. გალერეის მიზანია, ხელი შეუწყოს და წარმოადგინოს დამწყები და უკვე შემდგარი არტისტები როგორც საქართველოში, ასევე მის ფარგლებს გარეთ.
გამოფენა, სახელწოდებით „ტრადიციისა და გამოსახულების კვეთაზე“, გახლავთ მოგზაურობა დაზგური გრაფიკის, ბეჭდვითი ოსტატობისა და ტექნიკების ისტორიაში. გამოფენაზე წარმოდგენილი ნამუშევრები სხვადასხვა ტექნიკის ოსტატობითაა შესრულებული და მათ შორის ტრადიცია და ინოვაცია იკვეთება.
გამოფენაზე წარმოდგენილი იქნება 6 არტისტის – ლეილა გრიგოლია, ლუკა გუგუშვილი, ნინო ინჯია, თედო რეხვიაშვილი, ირაკლი ტოკლიკიშვილი, თორნიკე ჭაფოძე – ნამუშევრები, რომლებიც დაინტერესებული პირებისთვის გაიყიდება კიდეც, სპეციალურად SOLO მომხმარებლებისთვის კი 15%-იანი ფასდაკლება იმოქმედებს.
ეს თანამედროვე ხელოვანები უშიშრად ატარებენ ექსპერიმენტებს, იწვევენ არსებულ ტრადიციულ ნორმებს და ახალ სიცოცხლეს სძენენ საუკუნეების განმავლობაში არსებულ ამ მედიუმებისთვის დამახასიათებელ ხელოვნების ფორმებს.
გთავაზობთ გამოფენიდან 12 გამორჩეულ ნამუშევარს, რომელიც გამოფენაზე საკუთარი თვალით უნდა ნახოთ:
- Begging (2023) – ლეილა გრიგოლია
შეზღუდული გამოცემა (5 პრინტი). მასალა: გრავიურა, აკვატინტა, ქაღალდი. ნამუშევრის ზომა: 43 x 45 სმ. ფასი: 1 770 ლარი.
2. An exception (2023) – ლეილა გრიგოლია
მასალა: გრავირება, აკვატინტა, ქაღალდი, ნამუშევრის ზომა: 60x48,5. პრინტი შეზღუდული გამოცემითაა (5). ფასი: 2 130 ლარი.
3. ზენიტი (2019) – ლუკა გუგუშვილი
შეზღუდული გამოცემა (13 პრინტი). მასალა: ლინოლეუმი, ქაღალდი. ნამუშევრის ზომა: 50 x 61. ფასი: 1 770 ლარი.
4. შინაგანი მშვიდობა (2018) – ლუკა გუგუშვილი
მასალა: ლინოლეუმი, ქაღალდი. ნამუშევრის ზომა: 43 x 50 სმ. შეზღუდული რაოდენობით, 7 პრინტი. ფასი: 1 770 ლარი.
5. HER (2019) – ნინო ინჯია
მასალა: უნიკალური ლითოგრაფია, სილქსკრინი ქაღალდზე და გამჭვირვალე ფილმზე. ნამუშევრის ზომა: 97 x 63 სმ. ფასი: 2 360 ლარი.
6. Separation (2023) – ნინო ინჯია
შეზღუდული რაოდენობა (5 პრინტი), მასალა: ლითოგრაფია, ციანოტოპი, ქაღალდი. ნამუშევრის ზომა: 73 x 55, ფასი კი 2 360 ლარი.
7. Alternative Melancholy of body (2023) – თედო რეხვიაშვილი
ფასი: 3 540 ლარი. პრინტი შეზღუდული გამოცემითაა. მასალა: ლითოგრაფია ქაღალდზე. ნამუშევრის ზომა: 100 x 70 სმ.
8. War Machine (2014) – თედო რეხვიაშვილი
მასალა: გრავირება, ქაღალდი. ნამუშევრის ზომა: 49 x 52 სმ, ფასი კი 5 300 ლარია. პრინტი შეზღუდული გამოცემაა.
9. Home (2022) – ირაკლი ტოკლიკიშვილი
მასალა: უნიკალური ლინოგრავიურა, ქაღალდი. ნამუშევრის ზომა: 21.5 x 16.5 სმ. ფასი: 950 ლარი.
10. საღამო (2020) – ირაკლი ტოკლიკიშვილი
შეზღუდული გამოცემა (10). მასალა: მეცოტინტო, ქაღალდი. ნამუშევრის ზომა: 20 x 25 სმ. ფასი: 950 ლარი.
11. თომას პორტრეტი (2019) – თორნიკე ჭაფოძე
შეზღუდული გამოცემით (5 ასლი). მასალა: ქსილოგრაფია, რელიეფური ბეჭდვა, ხელნაკეთი ქაღალდი. ნამუშევრის ზომა: 49.3 x 49.3. ფასი: 3 200 ლარი.
12. პორტრეტი (2019) – თორნიკე ჭაფოძე
შეზღუდული გამოცემა (2 ასლი). მასალა: ქსილოგრაფია, რელიეფური ბეჭდვა, ხელნაკეთი ქაღალდი. ნამუშევრის ზომა: 50 x 50, ფასი: 3 200 ლარი.
ეს გამოფენილი ნამუშევრების მხოლოდ ნაწილია. სრულად დათვალიერება „კერა გალერეაშია“ შესაძლებელი, რომელიც თბილისში, მთაწმინდის რაიონში, სოფელ ტაბახმელაში მდებარეობს (ტაბიძის ქუჩა, 11).
გამოფენაზე მხოლოდ SOLO მომხმარებლებს შეუძლიათ, ნამუშევრები 15%-იანი ფასდაკლებით შეიძინონ. თითოეულ ნამუშევარს ავთენტურობის დამადასტურებელი დოკუმენტი მოჰყვება. ნამუშევრები ჩარჩოების გარეშე იყიდება, სოლოს მომხმარებელს კი, ნამუშევრების არჩევის შემდეგ, კოლექტორთან შეთანხმებით, მათი სივრცისთვის საუკეთესო ჩარჩოს შერჩევაში დაეხმარებიან. ჩარჩოების ფასი არჩეული ჩარჩოს მიხედვით განისაზღვრება, ჩარჩოების არჩევის სერვისი ნამუშევრების ფასში შედის.
შეთავაზება ძალაშია 6 აგვისტოს ჩათვლით. დიდი ინტერესის შემთხვევაში გარკვეული არტისტების ნამუშევრების ექსკლუზიური გამოფენა-გაყიდვა სოლოს მომხმარებლებისთვის 2023 წლის ბოლომდე გაგრძელდება.