თუკი საინტერესო იდეები მოსვენებას არასდროს გაძლევს და დღედაღამ მათ განხორციელებაზეც გეფიქრება, დიდი ალბათობაა, რომ შენი მოწოდება თანამედროვე შემოქმედებით ინდუსტრიამდე მიგიყვანს. ეს კი არაჩვეულებრივი ამბავი იქნება, რადგან კრეატიული და სარეკლამო საქმე დღეს ერთ-ერთი ყველაზე მზარდი სფეროა, გამორჩეული ხედვის მქონე პროფესიონალები კი, როგორც იტყვიან, სანთლით საძებარია.
სწორედ გამორჩეული ხედვის მქონე პროფესიონალების მომზადებას ისახავს მიზნად Miami Ad School, იგივე MAS, რომელიც მსოფლიოში ერთ-ერთი ყველაზე ცნობილი კრეატიული სკოლაა. წინა საუკუნის მიწურულს დაფუძნებული სკოლა დღეს უკვე სამ კონტინენტს ფარავს 16 ქალაქში გახსნილი ფილიალით. აქ მოხვედრა ბევრი ადამიანის ოცნებაა, რადგან სკოლა შთამბეჭდავი მიღწევებით გამოირჩევა. სწავლების ორიგინალურ მოდელზე რომ არაფერი ვთქვათ, MAS-ის კურსდამთავრებულები ისეთ გლობალურ ბრენდებში მუშაობენ, როგორიცაა ფეისბუქი, დისნეი, კოკა-კოლა, ნაიკი, სტარბაქსი და კიდევ მრავალი სხვა.
ამიტომ, თუკი მოზღვავებულ იდეებთან გამკლავების გზებს ეძებ, MAS Europe-ში მოხვერა სწორედ რომ მისწრებაა. მით უმეტეს, რომ საქართველოს ბანკი შესაძლებლობას გაძლევს, ნიკა გუჯეჯიანის სახელობის სტიპენდია მოიპოვო და მსოფლიოს ყველაზე პრესტიჟულ კრეატიულ სკოლაში სრულიად უფასოდ ისწავლო შენთვის ისეთ მიმართულებაზე, როგორებიცაა Art Direction და Copywriting.
და მაინც — რას მოგცემს Miami Ad School? ამაზე საპასუხოდ ალბათ უმჯობესია, სკოლის სტუდენტებისა და კურსდამთავრებულების რამდენიმე გამორჩეული ნამუშევარი გაჩვენოთ.
1. Made By Refugees (დამზადებულია დევნილების მიერ)
ეს კიდევ ერთი სოციალური კამპანიაა, რომელიც კინ ქუანმა შექმნა. ნამუშევარმა არაერთი ცნობილი ორგანიზაციის, მათ შორის, გაეროს აღიარება დაიმსახურა. ქუანმა გადაწყვიტა, მსოფლიოში დევნილების პრობლემებზე გაემახვილებინა ყურადღება. ამ მიზნით მან პოსტერები შექმნა წარწერით „დამზადებულია დევნილების მიერ“. პოსტერებზე კი მსოფლიოში წარმატებული და აღიარებული დევნილების, მათ შორის უოლტ დისნეის, ალბერტ აინშტაინის, ანე ფრანკისა და ბობ მარლის ნამუშევრები აღმოჩნდა.
2. Sports Beyond Sports (სპორტი სპორტს მიღმა)
„სპორტი სპორტს მიღმა“ MAS-ის კურსდამთავრებულების, ქოფირაითერ ჯესიკა სიმონსისა და არტ დირექტორ პაოლა დელგადო კორნეიოს ნამუშევარია. სოციალური კამპანია, რომელიც კვლავაც მოკლე ფრაზებს და ეფექტურ ვიზუალებს ეყენებს, სპორტში ქალების ნაკლებ ჩართულობას უსვამს ხაზს და გოგოებს მოუწოდებს, საკუთარ მისწრაფებებზე უარი არ თქვან.
3. Everyday Design (საყოფაცხოვრებო დიზაინი)
წინა ნამუშევრებისგან განსხვავებით, ეს იდეა ქოფირაითერს ან არტ დირექტორს კი არა, დიზაინერს, რონაკ პატელს, ეკუთვნის. ის სახელს ამართლებს, რადგან სრულიად ჩვეულებრივ, საყოფაცხოვრებო საკითხზე ორიგინალურ გადაწყვეტას გვთავაზობს. პატელმა, კვლევის შედეგად, ჭურჭლის სარეცხი მანქანების ამჟამინდელ მოწყობაში პრობლემა დაინახა და მის გადასაჭრელად დიზაინიც მოიფიქრა — სამზარეულოს ნიჟარაში ჩამონტაჟებული მოწყობილობა მართლაც მოაგვარებდა ბევრი ჩვენგანის ყოველდღიურ პრობლემას.
4. Stop It (შეაჩერე)
Art Direction-ის მიმართულების სტუდენტების, ელენა ჰერნანდესისა და როდრიგო დომინგესის, რამდენიმე ჯილდოს მფლობელი ეს ნამუშევარი ოჯახში ძალადობის პრობლემას ეხება. სოციალურ საკითხზე ყურადღების გასამახვილებლად ავტორებმა iPhone-ის ცნობილი ფუნქცია გამოიყენეს. Hey Siri-ის თქმის შემდეგ, ძალადობის მსხვერპლი ადამიანები შეძლებდნენ, შემთხვევა ჩაეწერათ და მოძალადე დაესახელებინათ. ეს კიდევ ერთი მაგალითია, როგორ შეუძლიათ კრეატიულ ინდუსტრიაში მომუშავე ადამიანებს, წვლილი შეიტანონ მნიშვნელოვანი საზოგადოებრივი პრობლემების გადაჭრაში.
5. Unfinished (დაუსრულებელი)
ვანესა ბიტანტეს, კრისტინ მიზუშიმასა და მაიდენლი ფემის ეს ნამუშევარი მკაფიო ვიზუალურ და ტექსტურ გზავნილებს მოიცავს. მისი მიზანია, ადამიანების ყურადღება გაამახვილოს გენდერულ უთანასწორობაზე მათ ყოველღიურებხოვრებაში. ამ მიზნით, ციფრული კამპანია ყველასთვის გასაგებ მედიუმს, მუსიკას, იყენებს.
____________________
ამგვარი და ალბათ უფრო გასაოცარი ნამუშევრების შექმნას თავადაც შეძლებ, როცა MAS-ის სტუდენტი გახდები. აქ მთავარია, იდეა გქონდეს, მისთვის ხორცშესხმაში კი უკვე პროფესიონალები დაგეხმარებიან.
ბერლინის Miami Ad School-ში სრული დაფინანსებით სასწავლებლად, საჭიროა, შეავსო აპლიკაცია ვებგვერდზე და აირჩიო სასწავლო პროგრამებიდან ერთ-ერთი. გამარჯვებულს სპეციალური ჟიური შეარჩევს, რომელიც დაკომპლექტებული იქნება Miami Ad School Europe-ისა და საქართველოს ბანკის წარმომადგენლებით, ასევე Miami Ad School Europe-ის სტუდენტით. შეგახსენებვთ, რომ კონკურსში მონაწილეობის მიღება შესაძლებელია 25 ივლისამდე.