სტიპენდიანტები, რომლებიც არ ჩერდებიან —საქართველოს ბანკის პროექტი შთამბეჭდავი შედეგებით

იმ სტუდენტებისთვის, რომლებიც მზად არიან, ჩვენი ქვეყნის უკეთესი მომავალი უზრუნველყონ, საქართველოს ბანკმა შარშან სტიპენდია შექმნა. ჩვენ გვჯერა, რომ განათლების შესაძლებლობები უსაზღვროა, სტუდენტობა კი უსაზღვრო შესაძლებლობებისკენ მიმავალი გზაა. ჯერ სულ რამდენიმე თვე გავიდა, რაც სასტიპენდიო პროგრამა დაიწყო, მაგრამ შედეგებით თუ ვიმსჯელებთ, დავრწმუნდებით, რომ სტუდენტები ამ შესაძლებლობებს რეალობად აქცევენ თავიანთი მონდომებით და შემართებით.

140-მდე სტიპენდიანტი 15 პარტნიორ უნივერსიტეტში — ასე შთამბეჭდავად გამოიყურება პროექტის სტატისტიკა ამ დროისთვის. სტიპენდია უკვე მოიპოვეს ყველა პარტნიორ უნივერსიტეტში. მაგრამ არ დაგავიწყდეს, რომ სტიპენდიანტებთან ერთად, პარტნიორი უნივერსიტეტების რიცხვიც იზრდება.

შრომის დაფასება, დამატებითი მოტივაცია, საკუთარი შესაძლებლობების რწმენა — აი, როგორ ახასიათებენ სტიპენდიანტები თავიანთ მიღწევას. ყველა მათგანს კიდევ სჯერა, რომ მცირე წარუმატებლობას შენი შეჩერების უფლება არ უნდა მისცე; საქართველოს ბანკის სტიპენდიაც ხომ სწორედ ამისთვისაა.

რა არის საქართველოს ბანკის სტიპენდია და როგორ შეძლებ მის მოპოვებას

შექმნიდან დღემდე, საქართველოს ბანკი არაერთი საერთაშორისო თუ ადგილობრივი საგანმანათლებლო პროექტის მხარდამჭერი და ავტორია, მათგან უახლესი კი სტიპენდია მომავალი ლიდერებისთვის არის. მაღალი აკადემიური მოსწრების მქონე სტუდენტებს აძლევს საშუალებას, საკუთარი შემართებით სრულად ან ნაწილობრივ დაიფინანსონ სწავლა. სწავლის დაფინანსების შესაძლებლობა კი ამ დროისთვის საქართველოს 20-მდე უმაღლეს სასწავლებელშია ხელმისაწვდომი.

ეროვნულ გამოცდებზე ის შედეგი ვერ მიიღე, რასაც ელოდი? არაფერია სანერვიულო, საქართველოს ბანკის სტიპენდია ბაკალავრიატის საფეხურზე ჩარიცხვისთანავე შეგიძლია მოიპოვო. აი, მომდევნო კურსებზე კი ამის წინაპირობა მაღალი აკადემიური მოსწრება იქნება. ამასთან, სასწავლებლები პრიორიტეტულ მიმართულებებს და შერჩევის კრიტერიუმებს თავადვე განსაზღვრავენ — შესაბამის ინფორმაციას უნივერსიტეტის ვებგვერდზე ნახავ.

ნუ შეუშინდები კონკურენციას

ბევრი სტიპენდიანტი ამბობს, რომ პროექტით დაინტერესებული სტუდენტების რაოდენობიდან გამომდინარე, ბოლომდე არ სჯეროდათ, რომ წარმატებას მიაღწევდნენ. თუმცა, ახლა ყველა იმას ამტკიცებს, რომ მთავარია, დაბრკოლებებს არ შეუშინდე.

„ჩემი თავის  უფრო მეტად დავიჯერე“, — ამბობს თბილისის სახელმწიფო სამედიცინო უნივერსიტეტის სტუდენტი და საქართველოს ბანკის სტიპენდიანტი, მარიამ კონსტანტინოვი, — „მომეცა მოტივაცია, რომ სხვა პროექტებშიც ვცადო ბედი და კონკურენციამ არ შემაშინოს. მჯერა, რომ ყველა დაბრკოლების  მიუხედავად, ადამიანს შეუძლია წარმატების მიღწევა, თუ ცდას არ დააკლებს“.

მარიამის განწყობას იზიარებს ასევე სტიპენდიანტი და თავისუფალი უნივერსიტეტის სტუდენტი, ლილი კერესელიძე. იგი განსაკუთრებით აბიტურიენტებს ურჩევს, მოტივაცია არ დაკარგონ:

„გრანტი, რა თქმა უნდა, ყველასთვის სასიხარულოა, მაგრამ  არც უგრანტობით სრულდება წარმატების გზა. თუ იმაზე ნაკლებ შედეგს მიიღებ, ვიდრე ელოდი,  თავს ნუ უსაყვედურებ, ეცადე იპოვო, რა გაქვს გამოსასწორებელი და იმაზე იმუშაო, წინ კიდევ ბევრი შანსია წარმატებისთვის“.

წარმატებისთვის შესაძლებლობების შექმნა კი, რა ხანია, საქართველოს ბანკის კორპორაციული სოციალური პასუხისმგებლობის მთავარი ნაწილია. გჯეროდეს შენი უსაზღვრო შესაძლებლობების — სწორედ სლოგანით ხორციელდება საქართველოს ბანკის სასტიპენდიო პროგრამა ქართული უნივერსიტეტებისთვის.

რაც მთავარია, ეს პროექტი ერთჯერადი ინიციატივა არ არის, ამდენად, მომავალში კიდევ უფრო მეტი პარტნიორი უნივერსიტეტის სტუდენტებს ექნებათ შესაძლებლობა, შეინარჩუნონ ან მოიპოვონ საქართველოს ბანკის სტიპენდია. სტიპენდიებზე დეტალურ ინფორმაციას ამ ბმულზე ნახავ.

არ გაჩერდე, გააგრძელე კითხვა