საქართველოს ბანკის შექმნიდან დღემდე კომპანიის ერთ-ერთი მთავარი საზრუნავი კორპორაციული სოციალური პასუხისმგებლობა (CSR) და მის ფარგლებში განსახორციელებელი პროექტებია. სხვადასხვა თაობის, ინტერესებისა და მისწრაფებების მქონე ადამიანებს წლების განმავლობაში ჩვენ ერთად შევუქმენით მეტი შესაძლებლობა განათლების, დასაქმებისა და ბიზნესის მიმართულებით განვითარებისთვის:
- 15 ქართული უნივერსიტეტის სტუდენტებისთვის გავეცით 100-ზე მეტი სტიპენდია;
- მთელი საქართველოს მასშტაბით გავხსენით 20 იდეათეკა;
- 3 საერთაშორისო სტიპენდიით ათეულობით სტუდენტს მივეცით მსოფლიოს წამყვან უნივერსიტეტებში სწავლის შესაძლებლობა;
- შევქმენით საგანმანათლებლო შესაძლებლობა 120 000-ზე მეტი ახალგაზრდისთვის;
- მხარს ვუჭერთ ფეხბურთის, კალათბურთის და პარაოლიმპიურ სპორტსმენებსა და გუნდებს;
- მხარი დავუჭირეთ 12 დაცული ტერიტორიის ეკოლოგიის დაცვას და ინფრასტრუქტურის განვითარებას.
ასე მოვიცავით მთელი საქართველო და, რასაკვირველია, არ ვჩერდებით — კვლავაც განვაგრძობთ იმ საქმის კეთებას, რომელიც ასე გვეამაყება. საქართველოს ბანკის ყველა თანამშრომელი კი ამ საამაყო საქმის მონაწილეა, ასე რომ, ყოველი თქვენგანი იმსახურებს განსაკუთრებულ მადლობას.
სულ ახლახან ამუშავდა ვებსაიტი CSR.BOG.GE, რომელიც ჩვენ მიერ შექმნილ და მხარდაჭერილ ყველა მოქმედ პროექტს აერთიანებს და ნებისმიერ ადამიანს აძლევს შესაძლებლობას, მათგან თავისთვის საინტერესო შეარჩიოს. ამ პროექტების ნაწილს ქვემოთაც მოვუყარეთ თავი, რომ კონკრეტულად იცოდეთ, როგორ საქმეს ვაკეთებთ ერთად.
მეცნიერება და ტექნოლოგიები
ჩვენთვის ქვეყნის ტექნოლოგიური განვითარების ხელშეწყობა, ისევე, როგორც მეცნიერების პოპულარიზება, მნიშვნელოვანი საზრუნავია. სწორედ ამიტომ, ამ მიმართულებით ბანკი რამდენიმე პროექტს ახორციელებს: იქნება ეს კომაროვის სკოლასთან ერთად შექმნილი STEM სკოლა და STEM ოლიმპიადა, რომლებიც მოსწავლეებს ზუსტ და საბუნებისმეტყველო მეცნიერებებში ცოდნის გაღრმავებას სთავაზობს;არანაკლებ საინტერესოა მათემატიკის ოლიმპიადა ევერესტი; პროექტი Code IT კოდირების შესასწავლად თუ 48-საათიანი ჰაკათონი NASA Space Apps Challenge.
ფინანსური განათლება
ცხადია, ბანკისთვის პრიორიტეტულია ფინანსური განათლების ხელშეწყობაც და საჭირო ცოდნის მიწოდება საზოგადოებისთვის. ამ მიმართულებით ჩვენ რამდენიმე პროექტს ვახორციელებთ: ფინანსური განათლება სკოლებში და King’s-ის ფინანსური განათლების ოლიმპიადა მოსწავლეებს ეკონომიკისა და ფინანსების შესახებ საბაზისო ცოდნას აწვდის. ამასთანავე, უფროსკლასელებისთვის იმართება ეკონომიკის ოლიმპიადაც, რომლის გამარჯვებულებიც საერთაშორისო კონკურსზე მიემგზავრებიან.
იდეათეკა
იდეათეკა ჩვენთვის ერთ-ერთი ყველაზე საამაყო პროექტია. ის 2019 წლიდან ხორციელდება და დღეს უკვე 20 სკოლას მოიცავს ქვეყნის 8 რეგიონში. მაღალმთიან და საოკუპაციო ხაზის მიმდებარე სოფლის სკოლებში გახსნილი იდეათეკის მულტიფუნქციური საგანმანათლებლო სივრცე 9000-მდე მოსწავლეს აძლევს შესაძლებლობას, ჰქონდეთ წვდომა სწავლისთვის საჭირო სერვისებზე (ტექნოლოგიები, მრავალფეროვანი ბიბლიოთეკა), შეიძინონ საჭირო უნარ-ჩვევები და აღმოაჩინონ ახალი ინტერესები.
საგანმანათლებლო კონკურსები
განათლების მიმართულებით საქართველოს ბანკი კიდევ რამდენიმე მსხვილი კონკურსის მხარდამჭერია, მათ შორისაა საჯარო მეტყველებისა და ჰარვარდის ბიზნეს ქეისების კონკურსები. პირველი მათგანი ახალგაზრდებში ინგლისური ენის პოპულარიზაციასა და კრიტიკული, ლოგიკური აზროვნების განვითარებას ისახავს მიზნად, მეორე კი სტუდენტებს საშუალებას აძლევს, მენეჯერული პოზიცია მოირგონ და საჭირო უნარ-ჩვევები გამოიმუშაონ. სტუდენტების კიდევ ერთი ყველაზე საყვარელი პროექტის – წიგნების თაროს სტუდენტური სეზონის მხარდამჭერი კი საქართველოს ბანკის Student Card-ია.
ადგილობრივი სტიპენდიები
სხვა საგანმანათლებლო პროექტებთან ერთად, განსაკუთრებულ აღნიშვნას იმსახურებს ადგილობრივი სტიპენდიებიც. საქართველოს ბანკი ორ ასეთ პროექტს ახორციელებს:
- სტიპენდია მომავალი ლიდერებისთვის 15 პარტნიორი უნივერსიტეტის მოტივირებულ სტუდენტებს სთავაზობს, სრულად ან ნაწილობრივ დაიფინანსონ სწავლა.
- ამავე მიზნით შეიქმნა გიორგი ჩახავას სახელობის სტიპენდიაც. ის არქიტექტურის მიმართულების სტუდენტებს უქმნის მეტ შესაძლებლობას სწავლისთვის.
საერთაშორისო სტიპენდიები
ადგილობრივი სასტიპენდიო პროგრამების გარდა, საქართველოს ბანკი ფინანსური მხარდაჭერით უზრუნველყოფს ახალგაზრდებს, რომლებიც კრეატიულ ინდუსტრიაში თავის დამკვიდრებას აპირებენ ან სამაგისტრო პროგრამაზე სწავლის გაგრძელება უცხოეთში სურთ.
- ნიკა გუჯეჯიანის სახელობის სტიპენდია ნებისმიერ მსურველს აძლევს შესაძლებლობას, კრეატიული სფეროს საუკეთესო სკოლაში, Miami Ad School Europe-ში (ბერლინი) სრულიად უფასოდ ისწავლოს;
- Fulbright-ისა და Chevening-ის პროგრამები კი აშშ-სა და დიდ ბრიტანეთში სამაგისტრო საფეხურზე სწავლის სრულ დაფინანსებას მოიცავს.
დასაქმება და პროფესიული განვითარება
განათლებასთან ერთად, ახალგაზრდებისთვის დასაქმება და პროფესიულ განვითარებაზე ზრუნვაც მნიშვნელოვანია. სწორედ ამიტომ, საქართველოს ბანკი 2017 წლიდან ახორციელებს პროექტს ლიდერატორი, რომელიც უნივერსიტეტის სტუდენტებს და კურსდამთავრებულებს ქვეყნის წამყვან ფინანსურ კორპორაციაში დასაქმებას სთავაზობს. პროექტის ფარგლებში, აპლიკანტებს ეძლევათ შესაძლებლობა, 20-ზე მეტ სხვადასხვა მიმართულების პროგრამებზე როტაციული პრინციპით იმუშაონ, მენტორის დახმარებით შეიძინონ საჭირო ცოდნა და უნარ-ჩვევები, წარმატებით დასრულების შემდეგ კი, კარიერაც განაგრძონ ჩვენთან.
შეთავაზებები ბიზნესებისთვის
მცირე და საშუალო ბიზნესებისთვის, განსაკუთრებით კი ინოვაციური სტარტაპების მხარდასაჭერად, საქართველოს ბანკის თაოსნობით წლებია, არაერთი პროექტი ხორციელდება:
- გლობალური დონის აქსელერაციის პროგრამა 500 Georgia სტარტაპებს საერთაშორისო ქსელში ჩართვას, 12-კვირიანი ინტენსიური სწავლის პროგრამასა და ინვესტიციების მოზიდვაში დახმარებას სთავაზობს;
- მეწარმე ქალების მხარდაჭერად, საქართველოს ბანკის მხარდაჭერით ხორციელდება კიდევ ერთი პროექტი, რომელიც ქალ ლიდერებს სრულ მხარდაჭერას სთავაზობს — იდეიდან ბიზნესის წარმატებამდე.
- ბიზნესის მნიშვნელოვანი ნაწილის — ბუღალტერიის — და მასთან დაკავშირებული პროცესების გასამარტივებლად, შექმნილია ბუღალტერიის განვითარების პროგრამაც.
- B2B Forum, რომელსაც ასევე საქართველოს ბანკი ახორციელებს USAID-თან პარტნიორობით, კომპანიების პოტენციურ მყიდველებთან დაკავშირებას აადვილებს.
- ბიზნესკურსი უფასო საგანმანათლებლო პროგრამაა, რომელსაც წამყვანი სპეციალისტები უძღვებიან და ათობით მასტერკლასსა და სასწავლო კურსს მოიცავს.
და ეს კიდევ არ არის სრული და ამომწურავი ჩამონათვალი იმ სხვადასხვაგვარი და მრავალფეროვანი პროექტებისა თუ ღონისძიებებისა, რომლებსაც წლის განმავლობაში შეუჩერებლად ვახორციელებთ. უფრო დეტალური ინფორმაციისთვის შეგიძლიათ ეწვიოთ CSR.BOG.GE-ს.