საზღვარგარეთ სასწავლებლად წასვლა ჯადოსნურად ჟღერს. გარდა იმისა, რომ საერთაშორისო უნივერსიტეტში ხარისხიან განათლებას იღებ, პიროვნულადაც იზრდები. ხვდები სრულიად ახალ გარემოში, ეცნობი უცხო ქვეყნის კულტურას, იძენ ახალ მეგობრებს, ძალიან ბევრს სწავლობ, მაგრამ თავგადასავლებისთვისაც ბევრი დრო გრჩება. რეალურად, ეს ყველაფერი არც თუ ისეთი ჯადოსნური და მიუწვდომელია. ძალიან ბევრი შესაძლებლობა, რესურსი და სტიპენდია არსებობს, რომელთა შესახებაც ცოტ რამ ვიცით. სწორედ ინფომრაციის მიმოცვლის და გავრცელების მიზნით შეიქმნა განათლების საერთაშორისო გამოფენის იდეა.
გამოფენა წელს 6 და 7 ოქტომბერს ექსპოჯორჯიაში, მე-11 პავილიონში გაიმართება 11:00-დან 19:00-მდე, საქმეები აუცლებლად უნდა გადადო და ეწვიო საგამოფენო სივრცეს, თუ დაინტერესებული ხარ საქართველოში ან საზღვარგარეთ სწავლის გაგრძელებით ნებისმიერ საფეხურზე (საბაკალავრო, სამაგისტრო, სადოქტორო), ხარ აბიტურიენტი, გეგმავ კვალიფიკაციის ამაღლებას ან პროფესიის შეცვლას.
გამოფენაზე წარმოდგენილი იქნება როგორც საქართველოს, ისე მსოფლიოს სხვადასხვა უნივერსიტეტის სტენდები, განათლების ორგანიზაციები. შესაძლებლობა გექნება, შეხვდე სტიპენდიის გამცემ ორგანიზაციების, უნივერსიტეტების წარმომადგენლებს, აღმოაჩინო შენთვის საინტერესო პროგრამები, დაფინანსების გზები, ადგილზე დაესწრო ლექციებს.
ყველაზე მასშტაბურ განათლების საერთაშორისო გამოფენაზე წელს პირველად საქართველოს ეროვნული ბანკის ორგანიზებით ფინანსური განათლების სივრცე მოეწყობა, სადაც მონაწილეობას საქართველოს ბანკიც მიიღებს. ექსპოჯორჯიაში საქართველოს ბანკის სტენდთან სტუმრებს დახვდებათ ფინანსურ განათლებასთან დაკავშირებული სახალისო და ინფორმაციული თამაშები, პრიზები. ასევე შეიტყობენ თუ რა ბენეფიტებს აღმოაჩენენ და როგორ შეიძლება დაეხმაროს სტუდენტური ბარათისა და sCool App-ის გამოყენება ფინანსური გადაწყვეტილებების მიღებისას. საგამოფენო დღეებში მოეწყობა პრეზენტაციები და ლექციები. 7 ოქტომბერს 16:30-ზე გაიმართება პანელური დისკუსია ფინანსური განათლების შესახებ, დისკუსიაში მონაწილეობას მიიღებენ სხვადასხვა ფინანსური ინსტიტუტის წარმომადგებლები. საქართველოს ბანკის სპიკერი იქნება ლევან ფავლენიშვილი, Chevening-ის პროგრამაში საქართველოს ბანკის სტიპენდიატი, GELi-ს დირექტორი და ოპერაციების კვლევის ინსტიტუტის დირექტორი, რომელიც ისაუბრებს ფინანსური განათლების მნიშვნელობაზე და საკუთარ გამოცდილებაზე დაყრდნობით გაუზიარებს მსმენელებს რჩევებს, თუ როგორ უნდა გაუმკლავდნენ სტუდენტობისას ფინანსურ გამოწვევებს.
ფინანსური განათლება გულისხმობს ქცევების, დამოკიდებულების, ცოდნის ერთიანობას, რომელიც ადამიანს ეხმარება რისკების შეფასებასა და გონივრული ფინანსური გადაწყვეტილებების მიღებაში. ფინანსური განათლება ნებისმიერი ადამიანის ყოველდღიურობის მნიშვნელოვანი ნაწილია. ბიუჯეტირება, ფინანსების სწორი განაწილება დიდ როლს თამაშობს როგორც ცხოვრების ხარისხის, ისე ჩვენი მენტალური ჯანმრთალობის გაუმჯობესებაში. ამიტომ, 6-7 ოქტომბერს აუცილებლად უნდა ეწვიო ექსპოჯორჯიასა და საქართველოს ბანკის სტენდს. ჩაერთე აქტივობებში, გაიზიარე პროფესიონალების გამოცდილება და აღმოაჩინე ახალი შესაძლებლობები.