ქართველ მკითხველებს 10 ნოემბრიდან 12 ნოემბრის ჩათვლით თბილისის წიგნის დღეებზე ტრადიციულად ექსპო ჯორჯიამ უმასპინძლა. წელს მკითხველთა საყვარელი ღონისძიების გენერალური სპონსორი საქართველოს ბანკი იყო. ექსპო ჯორჯიას საგამოფენო სივრცეში სტუმრებს 3 დღის განმავლობაში შესაძლებლობა ჰქონდათ, რომ ავტორებს პირადად შეხვედროდნენ, სასურველი წიგნები შეეძინათ და საგანმანათლებლო სემინარებისთვისაც მოესმინათ. ტრადიციულად, თითოეულ გამომცემლობას საკუთარი სტენდი ჰქონდა მოწყობილი, სადაც მკითხველებს მათთვის საინტერესო წიგნების აღმოჩენა თავად შეეძლოთ. საქართველოს ბანკმა კი სტუმრებს სახალისო და სასიამოვნო სიურპრიზები დაახვედრა.
თბილისის წიგნის დღეებზე სტუდენტებისა და სკოლის მოსწავლეებისთვის 30% ქეშბექი მოქმედებდა. ფესტივალზე საქართველოს ბანკის სტუდენტური ბარათით ან sCool Card-ით საქართველოს ბანკის ტერმინალზე გადახდისას თანხის 30 პროცენტი (მაქსიმუმ 50 ლარი) ისევ ანგარიშზე ბრუნდებოდა. საჩუქრებისა და სახალისო აქტივობების გარეშე არც სხვა მკითხველები დარჩენილან. ექსპო ჯორჯიას მე-11 პავილიონში საქართველოს ბანკის სივრცე იყო მოწყობილი, სადაც სამივე დღეს საინტერესო გათამაშებები ჩატარდა. გათამაშებების კითხვები ლიტერატურას ეხებოდა, რაც სტუმრებს ძალიან მოეწონათ, გამარჯვებულებს კი წიგნები და იდეათეკის ჩანთები გადაეცათ.
თბილისის წიგნის დღეებზე მკითხველები ავტორებთან შეხვედრას მოუთმენლად ელიან ხოლმე და გამონაკლისი არც ეს წელი ყოფილა. ღონისძიების სტუმრებმა არაერთი წიგნის პრეზენტაცია მოისმინეს და ავტორებთან დისკუსიაც გამართეს. საქართველოს ბანკის მიერ მოწვეული სპიკერები კი ანა კორძაია-სამადაშვილი და ივა ფეზუაშვილი იყვნენ. ანა კორძაია-სამადაშვილმა თანამედროვე ქართულ ლიტერატურაზე ისაუბრა, ხოლო ივა ფეზუაშვილმა — თანამედროვე ქართულ რომანზე.
თბილისის წიგნის დღეებზე ყველა ასაკისა და ინტერესის მკითხველმა დრო საინტერესოდ გაატარა, რაც იმითაც დასტურდება, რომ წლევანდელ ღონისძიებას 16 000-ზე მეტი ადამიანი დაესწრო. სახალისო გათამაშებებთან და აქტივობებთან ერთად, სტუმრებმა კულტურულ და შემეცნებით სემინარებსაც მოუსმინეს და რაც მთავარია, საქართველოს ბანკის სპეციალური ფასდაკლებითა და შეთავაზებებით ისარგებლეს.