თუ უნივერსიტეტში სწავლის დასაწყებად ემზადები ან უკვე სტუდენტი ხარ და სემესტრულად სწავლის საფასურის გადახდა გიწევს, აუცილებლად უნდა იცოდე საქართველოს ბანკის ყველაზე მასშტაბური სასტიპენდიო პროგრამის შესახებ. აქამდე 20 პარტნიორ უნივერსიტეტში შეგიძლო საქართველოს ბანკის სტიპენდიის მოპოვება და სწავლის სრულად ან ნაწილობრივ დაიფინანსება, მაგრამ ეს სიაც იზრდება.
საქართველოს ბანკის ერთ-ერთი პარტნიორია ქართულ-ამერიკული უნივერსიტეტი (გაუ). ქვემოთ საკუთარ შთაბეჭდილებებსა და რჩევებს სწორედ გაუს ის წარმატებული სტუდნეტები გვიზიარებენ, რომლებმაც უკვე მოიპოვეს ეს სტიპენდია:
ელენე ნემსიწვერაძე ინფორმატიკის ფაკულტეტზე, პირველ კურსზე, სწავლობს ამბობს, რომ ყოველთვის გატაცებული იყო ტექნოლოგიებითა და ციფრული კომუნიკაციებით:
,,სასტიპენდიო კონკურსი არ იყო მარტივი, მაღალ აკადემიურ მოსწრებასთან ერთად თავი უნდა გაართვა გასაუბრების პროცესს და არგუმენტებით დაამტკიცო, რომ ღირსეული კანდიდატი ხარ. გამარჯვებამ დამარწმუნა, რომ მონდომება ყველა ბარიერზე ძლიერია. ასე რომ, გჯეროდეთ საკუთარი თავის და გააკეთეთ თქვენი მაქსიმუმი“
ნიკა არაბული მშენებლობის ფაკულტეტზე სწავლობს, ამავდროულად საბრძოლო სპორტითაა დაკავებული და გეგმავს, MMA- პროფესიონალი მებრძოლიც გახდეს:
,, ხშირად მესმის, რომ განათლება და სპორტი ერთად შეუძლებელია გამოგივიდეს, ეს მცდარი შეხედულება მოტივაციას მაძლევს, რომ ყველას დავუმტკიცო, ადამიანის შესაძლებლობებს საზღვარი არ აქვს! სწავლის პროცესი სასიამოვნო და მარტივია, როდესაც შენი საქმე გიყვარს, აბიტურიენტებსაც სწორედ ამას ვურჩევდი, აუცილებლად იპოვეთ და აირჩიეთ თქვენთვის საინტერესო და საყვარელი მიმართულება”.
გუგულაშვილი ნინო გაუს მედიახელოვნების პირველკურსელია, კონკურსში გამარჯვების იმედი არ ჰქონდა, მაგრამ ყველა ეტაპი წარმატებით გადალახა:
,,დასახულმა მიზნებმა და სურვილებმა საშუალება არ მომცა რომ დამეკარგა იმედი. თავიდან ეჭვი მეპარებოდა საკუთარ შესაძლებლობებში, თუმცა მალევე მივხვდი, რომ არაფერია შეუძლებელი და ცდა ყოველთვის ღირს”.
ელენე სომხიშვილი საერთაშორისო ურთიერთობებისა და დიპლომატიის ფაკულტეტზე სწავლობს და სწავლის გადასახადის ნაწილს საქართველოს ბანკის სტიპენდიით ფარავს:
,,დასაფასებელია, რომ აკადემიური მოსწრების გარდა, კონკურსში გასაუბრების ეტაპიცაა, სადაც შეგიძლია გამოავლინო შენი უნარები და პოტენციალი. თავდაჯერებულობა მაკლია და კონკურსში გამარჯვებაც მოულოდნელი იყო ჩემთვის, მაგრამ, მგონია, რომ ასეთი მიღწევები დამეხამარება უფრო თავდაჯერებული გავხდე და არ შევუშინდე გამოწვევებს”
თათია იაკობიძე ინგლისურენოვანი ბიზნეს-ადმინისტრირების პირველკურსელია:
,,ხშირად ნერვიულობის ფონზე გვგონია, რომ რაღაც არ გამოგვივა, ვერ შევძლებთ, თუმცა ეს ასე არ არის. კომფორტის ზონიდან გამოსვლა აუცილებელია წარმატებისთვის. უნდა გავიაზროთ, რომ ყოველთვის ის ადამიანები იმარჯვებენ, რომლებიც არ ნებდებიან”.
ლუკა ჯაყელიც ბიზნეს-ადმინისტრირების მიმართულებაზე, მესამე კურსზე, სწავლობს:
,,კიდევ ერთხელ დავრწმუნდი, რომ შესაძლებლობები უსაზღვროა, მთავარია, გამოვიყენოთ და არასდროს არ შევწყვიტოთ განვითარება, აბიტურიენტებსა და სტუდენტებს ზუსტად ამას ვურჩევ, ეცადეთ ყველა შანსი გამოიყენოთ, მიუხედავად იმისა, გაქვთ თუ არა გამარჯვების იმედი”
მარიკა გულბიანი ინგლისური ფილოლოგიის მესამეკურსელია, პროფესიის არჩევისას ბევრი არ უფიქრია, რადგან ინგლისური ენა ბავშვობიდან განსაკუთრებით უყვარდა და აინტერესებდა:
,,სტიპენდიის მოპოვება ჩემთვის ამაღელვებელი იყო. ძალიან გამიხარდა და გარკვეულწილად პასუხისმგებლობაც ვიგრძენი, რადგან ამდენ კანდიდატს შორის მე ამარჩიეს. სხვებს ვურჩევდი, რომ თუ რამე არ გამოსდით, საკუთარი თავის გაკრიტიკების ნაცვლად, გაუმჯობესებაზე და განვითარებაზე იმუშაონ”
ლუკა ქლიბაძე გაუს სამართლის ფაკულტეტის, მესამე კურსის, სტუდენტია, მომავალშიც აპირებს, რომ უფრო საფუძვლიანად შეისწავლოს პროფესია:
სტიპენდიას არა მხოლოდ ფინანსურად, არამედ მოტივაციისთვისაც დიდი მნიშვნელობა აქვს, გიჩნდება განცდა, რომ შენი შრომა ფასდება და გინდება, უფრო მეტი გააკეთო. სტუდენტებს ვურჩევ, რომ აუცილებლად სცადონ ბედი, სტიპენდიის მოპოვების ან ვერ მოპოვების შემთხვევაში იძენთ გამოცდილებას, რომელიც გეხმარებათ მომავალში უფრო მარტივად და დაძლიოთ კონკურენცია”
თუ გსურს, რომ შემოუერთდე საქართველოს ბანკის სტიპენდიატებს, აუცილებლად გაეცანი დეტალურ ინფორმაციას ბმულზე, სადაც სხვა საერთაშორისო პროექტებსაც იპოვი. თვალი ადევნე სიახლეებს და გამოიყენე უსაზღვრო საგანმანათლებლო შესაძლებლობები.