ტექნოლოგიური ინოვაცია აგრობიზნესში — რეგიონს პირველი მაღალი კლასის მოსავლის ამღები ჰყავს

აგრობიზნესში თანამედროვე ტექნოლოგიების როლი წლიდან წლამდე სულ უფრო იზრდება. წარმოების პროცესში ინოვაციური ტექნოლოგიები ზრდის მოსავლის ხარისხსა და რაოდენობას, დანახარჯებს კი ამცირებს. ამ პროცესების კვალდაკვალ, საქართველოს ბანკი სოფლის მეურნეობის განვითარებას და სფეროში თანამედროვე ტექნოლოგიების დანერგვას დიდი ხანია, რაც ხელს უწყობს.

ახლახან საქართველოს ბანკის მხარდაჭერით, ნუშის წარმოების ხელშესაწყობად რეგიონში პირველი მაღალი კლასის მოსავლის ავტომატური ამღები (Harvester) ჩამოიყვანეს. ნუშის წარმოების სამომავლო პერსპექტივის თვალსაზრისით, ქართულ აგრობიზნესში ასეთი ტექნოლოგიის გამოჩენა მნიშვნელოვანი ნაბიჯია როგორც ადგილობრივი, ისე საერთაშორისო ბაზრისთვის.

საქართველოს ბანკის მხარდაჭერით, ნუშის მოსავლის ავტომატური ამღები კომპანია Greenwave-მ ჩამოიყვანა. როგორც Greenwave-ის დამფუძნებელი, დავით ხატიაშვილი გვიყვება, ნუშის მოსავლის ავტომატური ამღებიმუშაობს უწყვეტ რეჟიმში, მათ შორის, კონვეერულ რეჟიმში უწყვეტად მიმდინარეობს ნუშის ხის დაფერთხვა, ამღებში თავმოყრილი ნუშის შეგროვება, ტოტებისგან გასუფთავება, ნუშის მწვანე გარსის პირველადი გაცლა და მოსავლის 1,5 ტონის მოცულობის ავზებში შეგროვება. პროცესის განმავლობაში ამღებს ერთი ოპერატორი და ერთი დამხმარე მუშა ემსახურება. ავზების ნუშისგან დაცლაც ამღების გაუჩერებლად მიმდინარეობს, რაც მოსავლის აღების დროს ამცირებს.

სათანადო ტექნიკური მახასიათებლების მქონე ბაღში ამღებისგამოცდილი ოპერატორი საათში ერთი ჰექტრიდან იღებს მოსავალს, რაც ე.წ. ქოლგა-მკრეფავებთან შედარებით, 4-5-ჯერ ნაკლებ დროს, ტექნიკას და ადამიანურ რესურსს საჭიროებს. საქართველოში ბევრი ბაღი, განსაკუთრებით პატარა, ხელით იკრიფება. დავით ხატიაშვილის თქმით, მაშინ, როდესაც მოსავლის აღების დროს მუშახელისა და ტექნიკის მწვავე დეფიციტი და მაღალი ფასებია, ხოლო უამინდობის და მუშახელის ნაკლებობის გამო ფერმერები მოსავლის აღების გაჭიანურების და მოსავლის დაზიანების რისკის წინაშე დგანან, ავტომატური ამღები მინიმალური დანახარჯით სეზონზე 300-400 ჰექტრიდან მოსავლის აღების საშუალებას იძლევა. ტრადიციულ ტექნოლოგიებთან შედარებით, ამღები მნიშვნელოვნად ამცირებს უამინდობის და მუშახელის ნაკლებობის გამო მოსავლის აღების გაჭიანურებით გამოწვეულ რისკებსა და შესაძლო დანაკარგებს.

საქართველოში ნუშის კულტურის ხელშეწყობა სოფლის განვითარების სააგენტოს პროგრამების ფარგლებში 2017 წლიდან იწყება. ამ დროიდან მოყოლებული საქართველოს ბანკი ინდუსტრიის მხარდამჭერებთან ერთად, აქტიურად იყო ჩართული სპეციფიკური ცოდნისა და გამოცდილების დაგროვების თუ პოტენციური რისკებისა და გამოწვევების იდენტიფიკაციის პროცესებში. საქართველოს ბანკის აგრობიზნესის განვითარების მენეჯერის, ვახტანგ სილაგაძის აზრით, საქართველოს, როგორც მწარმოებელ ქვეყანას, აქვს პოტენციალი ნუშის მწარმოებელთა და ექსპორტიორთა რუკაზე მნიშვნელოვანი ადგილი დაიკავოს. ნუშის მოსავლის ავტომატური ამღების შერჩევა კი შემდეგი კრიტერიუმებით მოხდა:

“აღნიშნული პროექტის დამუშავებისას, ინტენსიურად განვიხილეთ სრული საწარმოო ციკლის მნიშვნელობა და პროექტის წარმატების განმსაზღვრელი ყველა ფაქტორი — ნიადაგის შედგენილობა, გასაშენებელი ჯიშები და საძირეები, ნიადაგის დამუშავების არსებითი ღონისძიებები, საირიგაციო სისტემა და მისი შემადგენელი ნაწილები, წლიდან წლამდე განსახორციელებელი საოპერაციო აქტივობები და მიღებული მოსავლის პოტენციური სარეალიზაციო არხებიც კი. შედეგად, მოსავლის ამღები მექანიზაციის დაფინანსებაც ოპტიმალურად და პერსპექტიულად განისაზღვრა. მით უმეტეს, რომ საუბარი გვაქვს საკმაოდ მასშტაბურ პროექტსა და აქტუალურ ადგილმდებარეობაზე — კახეთი, რომლის წილიც საქართველოში გაშენებული ნუშის ფართობის 60%-მდეა. ე.წ. ჰარვესთინგისა და პოსტ ჰარვესთინგის პროცესები ადგილობრივი ნუშის ბაღებისთვის დღემდე გამოწვევად რჩება. მსგავსი ტექნიკის ინტეგრაცია, ვფიქრობთ, ორ მთავარ შედეგს მოიტანს: 1. ფერმერს შეუმცირებს პროდუქციის თვითღირებულებას, კრეფის ხარჯის შემცირების დამსახურებით და  2. აამაღლებს ცოდნას მოსავლის აღების პროცესთან მიმართებაში”, — აღნიშნა ვახტანგ სილაგაძემ.

საქართველოს ბანკისთვის აგროსექტორის მხარდაჭერა და სოფლის მეურნეობის ხელშეწყობა ერთ-ერთი პრიორიტეტული მიმართულებაა. დიდი ხანია, რაც საქართველოს ბანკი მომხმარებლებს აგრო სესხს სთავაზობს, რომლითაც როგორც სასოფლო-სამეურნეო საქმიანობის დაწყება, ასევე არსებული ბიზნესის განვითარებაა შესაძლებელი. საქართველოს ბანკის მხრიდან აგროსექტორის ხელშეწყობა მხოლოდ ფინანსური მხარდაჭერით არ ამოიწურება და მრავალმხრივ დახმარებას მოიაზრებს.

“საქართველოს ბანკის ინიციირებითა და ორგანიზებით, ინტენსიურად ხორციელდება საგანმანათლებლო ღონისძიებები ინდუსტრიის აქტორებისთვის, საერთაშორისო პრაქტიკის გაზიარება, ასევე მაქსიმალური მხარდაჭერა და მედიაცია საერთაშორისო ცოდნის იმპორტის საქმეში. ხშირია ფასეულობათა ჯაჭვის სხვადასხვა რგოლს შორის მედიაციის საჭიროებაც, რაშიც ჩვენი ჩართულობა ძალიან კრიტიკულია. ამ თვალსაზრისით, ინდუსტრიის გაჯანსაღება და არა მისი მასშტაბში ზრდა არის პროგრესის წინაპირობა. შედეგად, ვფიქრობთ, რომ სწორედ ჩვენი გრძელვადიანი გეგმებითა და მიმდინარე აქტივობების ერთობლიობით, ინვესტორებთან და ფერმერებთან ერთად წარმატებულ აგრობიზნესს ვქმნით”, — ამბობს ვახტანგ სილაგაძე.

თუ სასოფლო-სამეურნეო ტექნიკის შეძენის, მრავალწლიანი კულტურების გაშენების და სხვა მიზნობრიობით აგრო სესხის გააქტიურება გსურს ან პირობები გაინტერესებს, ინფორმაციას აქ ნახავ.