გავლენიანმა ბრიტანულმა გამოცემა Global Finance-მა ცენტრალური და აღმოსავლეთი ევროპის მასშტაბით მომხმარებლებისთვისა და კორპორაციებისთვის 2023 წლის საუკეთესო ციფრული ბანკები გამოავლინა, რომელთა შორისაც საქართველოს ბანკი გამარჯვებული 20 კატეგორიაში გახდა.
საქართველოს ბანკს ფინანსურ სამყაროში ცნობილ ამ მნიშვნელოვან დაჯილდოებაზე აქამდეც არაერთხელ მოუპოვებია აღიარება და ამჯერადაც სხვადასხვა კატეგორიაში დასახელდა საუკეთესოდ როგორც ქვეყნის ფარგლებში, ისე რეგიონულად – ცენტრალურ და აღმოსავლეთ ევროპაში. მათ შორის აღსანიშნავია, რომ Global Finance-მა საქართველოს ბანკის მობილბანკი და ბიზნეს მობილბანკი აღიარა საუკეთესოდ და ამასთანავე რეგიონში ყველაზე ინოვაციურ და ტრანსფორმაციულ ბანკადაც დაასახელა.
ყველა კატეგორია, რომელშიც საქართველოს ბანკმა 2023 წელს ცენტრალური და აღმოსავლეთ ევროპის მასშტაბით Global Finance-ის დაჯილდოებაზე გაიმარჯვა, შეგიძლიათ იხილოთ ქვემოთ.
საქართველოში:
- საუკეთესო ციფრული ბანკი მომხმარებლებისთვის;
- საუკეთესო მობილბანკი;
- საუკეთესო ბიზნეს მობილბანკი;
- საუკეთესო ინოვაცია და ტრანსფორმაცია მომხმარებლებისთვის;
- საუკეთესო ბიზნეს ინოვაცია და ტრანსფორმაცია;
- საუკეთესო ბანკი მცირე და საშუალო ბიზნესისთვის;
- საუკეთესო ციფრული პროდუქტების შეთავაზებები მომხმარებლებისთვის;
- საუკეთესო ბანკი მომხმარებლებისთვის გადახდებისა და ციფრული ტრანზაქციების მიმართულებით;
- საუკეთესო ბანკი UX დიზაინის მიმართულებით;
- საუკეთესო ბანკო სამომხმარებლო დაკრედიტების მიმართულებით;
- საუკეთესო ბანკი ვაჭრობის დაფინანსების სერვისებისთვის;
- საუკეთესო ღია ბანკიგის API სერვისები.
ცენტრალურ და აღმოსავლეთ ევროპაში:
- საუკეთესო მობილბანკი;
- საუკეთესო ბიზნეს მობილბანკი;
- საუკეთესო ინოვაცია და ტრანსფორმაცია მომხმარებლებისთვის;
- საუკეთესო ბიზნეს ინოვაცია და ტრანსფორმაცია;
- საუკეთესო ბანკი სამომხმარებლო დაკრედიტების მიმართულებით;
- საუკეთესო ბანკი ვაჭრობის დაფინანსებაში;
- საუკეთესო ბანკი მომხმარებლებისთვის გადახდებისა და ციფრული ტრანზაქციების მიმართულებით;
- საუკეთესო ციფრული პროდუქტების შეთავაზებები მომხმარებლებისთვის.
როგორც Global Finance-ის მიერ გავრცელებულ ინფორმაციაშია აღნიშნული, გამარჯვებულები შეირჩნენ იმის მიხედვით, თუ რამდენად ძლიერი ციფრული სტრატეგია აქვს ბანკს მომხმარებლების მოსაზიდად და შესაბამისი სერვისების გასაწევად, შეთავაზებების რამდენად მრავალფეროვანი არჩევანი აქვს, როგორია ვებგვერდებისა და მობილური აპლიკაციების დიზაინი და რამდენად ეფექტიანია მათი ფუნქციონალები. სწორედ ამ კრიტერიუმების გათვალისწინებით დაასახელა ავტორიტეტული წევრებით დაკომპლექტებულმა საერთაშორისო ჟიურიმ ზემოთ ჩამოთვლილ 20 კატეგორიაში საქართველოს ბანკი საუკეთესოდ.
აღსანიშნავია, რომ Global Finance 1987 წელს დაფუძნებული საერთაშორისო გამოცემაა, რომელსაც 160-ზე მეტ ქვეყანაში ჰყავს მკითხველები. ყოველწლიურად Global Finance მთელი მსოფლიოდან საუკეთესო ფინანსურ კორპორაციებს გამოარჩევს და აჯილდოებს, რაც უკვე ათწლეულებია, ფინანსურ სამყაროში მაღალი ხარისხისა და სანდოობის სტანდარტად იქცა. ამ სტანდარტით საუკეთესო შედეგები საქართველოს ბანკს არაერთხელ უჩვენებია, გამონაკლისი კი არც 2023 წელია.