წარმატებული ბიზნესის შექმნას სჭირდება როგორც ზოგადი განათლების ქონა, ასევე სფეროს სპეციფიკური ცოდნა და იმ უახლესი ინფორმაციის ფლობა, რომელიც თქვენს საქმიანობას უკავშირდება.
სირთულეების მიუხედავად, საქართველოს ბანკის და Mastercard-ის ბიზნეს ბარათის მფლობელებს აქვთ საშუალება, წამყვანი საგანმანათლებლო პლატფორმებით სპეციალური პირობებით ისარგებლონ და ბიზნესის განვითარებისთვის საჭირო ცოდნა-განათლება საერთაშორისო ექსპერტების და პროფესიონალების მხრიდან მიიღონ. ამ ბლოგში იმ სერვისების შესახებ მოგიყვებით, რომელთა დახმარებით საჭირო ცოდნის მიღებას და ბიზნესის განვითარებას შეძლებთ:
Harvard Business Review
თანამედროვე ბიზნესსამყაროში მომხმარებლის ქცევა, კომპანიების სტრატეგიები და ტენდენციები სწრაფად იცვლება. თუ მეწარმეს სურს, რომ მისი ბიზნესი მოვლენებს არ ჩამორჩეს და გარემოსთან დროულად ადაპტირდეს, ამისათვის მსოფლიოში არსებული ტენდენციების ადრეულ ეტაპზე განსაზღვრა და სამოქმედო გეგმის შედგენაა საჭირო. სწორედ ამისთვის შეიქმნა Harvard Business Review, რომელსაც ჰარვარდის უნივერსიტეტის ბიზნესის სკოლა აქვეყნებს და ის მეწარმეების, სტარტაპერებისა და მენეჯერების ინფორმირებას ისახავს მიზნად.
HBR-ში შეხვდებით: უახლეს კვლევებს, მომხმარებლის ქცევის ანალიზს, საბაზრო ტენდენციებს, ბიზნესის მართვასა და მენეჯმენტთან დაკავშირებით სასარგებლო სტატიებს, თანამშრომლების ეფექტიანობის გაზრდაზე ორიენტირებულ რჩევებს და ყოვლისმომცველ მაკროეკონომიკურ თუ სექტორულ ანალიზს.
HBR-ის პლატფორმაზე გამოქვეყნებულ სტატიებსა და კვლევებს საერთაშორისოდ ცნობილი ექსპერტები, პროფესორები, მეცნიერები, მეწარმეები, ბიზნესმენები, აღმასრულებლები, ინვესტორები და მენეჯერები ამზადებენ, რომელთაც საკითხთან დაკავშირებით გამორჩეული ცოდნა და გამოცდილება აქვთ. ასევე უნდა აღინიშნოს, რომ HBR-ს უმკაცრესი სარედაქციო პოლიტიკა გამოარჩევს და აქ გამოქვეყნებული ყოველი მასალა გადამოწმებული, დამტკიცებული და სანდოა.
საქართველოს ბანკისა და Mastercard-ის ბიზნეს მომხმარებლებს საშუალება აქვთ, Harvard Business Review-ს გამოწერის სერვისზე 15%-მდე ფასდაკლება მიიღონ.
edX
წარმატებულ მეწარმეს, თეორიულ ცოდნასთან ერთად, პრაქტიკული უნარებიც სჭირდება, რომლის მიღების ერთ-ერთი საუკეთესო წყარო edX-ია – პლატფორმა, რომელიც ათასობით სასწავლო კურსს აერთიანებს.
edX-ის ბიბლიოთეკა მსოფლიოს წამყვანი უნივერსიტეტების და სფეროს ექსპერტების მიერ მომზადებულ კურსებს მოიცავს, რომელთა დახმარებით შესაძლებელია როგორც ბიზნესმოდელის დახვეწა, ასევე თქვენი ბრენდის გაუმჯობესება, პროდუქტის ოპტიმიზაცია და ეფექტიანი მარკეტინგული კამპანიის განხორციელება. ამ უკანასკნელთან მიმართებით edX-ის პლატფორმა განსაკუთრებით სასარგებლოა, რადგან ის დაგეხმარებათ როგორც ფოტო, აუდიო და ვიდეომასალის, ასევე ეფექტიანი ტექსტის, პოსტის თუ სთორის მომზადებაში.
edX-ის დახმარებით შესაძლებელია როგორც კომპიუტერული მეცნიერებების, ასევე ეკონომიკის, ფინანსების, ბუღალტერიის, ფოტოგრაფიის თუ მარკეტინგის საფუძვლების დაუფლება, რაც, საბოლოო ჯამში, პიროვნულ განვითარებასა და თქვენი ბიზნესის გაუმჯობესებაში დაგეხმარებათ.
გარდა ამისა, კურსის გავლის შემდეგ, შეგიძლიათ, სპეციალური გამოცდა გაიაროთ და კურსთან დაკავშირებით edX-ის სერტიფიკატი მიიღოთ, რომელსაც CV-სა თუ LinkedIn-ის პროფილში წარმოადგენთ, როგორც თქვენი კომპეტენციის დამადასტურებელ დოკუმენტს.
საქართველოს ბანკის და Mastercard-ის ბიზნეს ბარათით გადახდის შემთხვევაში, edX-ის პლატფორმაზე 15%-იან ფასდაკლებას მიიღებთ.
British Council English for Work
დღეისათვის ინგლისური ენის კარგად ცოდნა ნებისმიერი ადამიანისთვის აუცილებელია, თუმცა მეწარმეებისა თუ სტარტაპერებისთვის ამას კრიტიკული მნიშვნელობა აქვს. თამამად შეიძლება ითქვას, რომ ინგლისური ენა მსოფლიოსთან დაკავშირების და მისგან იმ საჭირო ცოდნის, გამოცდილებისა თუ რესურსების მიღების საშუალებას იძლევა, რომელიც ბიზნესს განვითარებისთვის სჭირდება.
სწორედ ამიტომ, ბრიტანეთის საბჭომ ინგლისური ენის პროფესიული კურსი შექმნა, რომელიც ფორმალური ინგლისურის სწავლაში და იმ უნარების დახვეწაში დაგეხმარებათ, რომელიც საერთაშორისო ორგანიზაციებთან, კომპანიებთან, უცხოელ პარტნიორებთან თუ ინვესტორებთან სასაუბროდ დაგჭირდებათ.
Mastercard-ის ბიზნეს ბარათის მფლობელებს English for Work-ის კურსზე 10%-იანი ფასდაკლების მიღება შეუძლიათ.
ცხადია, საქართველოს ბანკის და Mastercard-ის მომხმარებლები მხოლოდ ამ 3 შეთავაზებას არ მიიღებენ, რეალური სია გაცილებით უფრო ვრცელია და ის მუდამ იზრდება, ამიტომ თვალი აქტიურად უნდა ადევნოთ საქართველოს ბანკის ბიზნეს შეთავაზებების სივრცეში ტექნოლოგიური პლატფორმების კატეგორიას.
აქვე გაითვალისწინეთ, რომ ამ შეთავაზებებით სარგებლობას მხოლოდ Mastercard-ის ბიზნეს ბარათის მფლობელები შეძლებენ. თუ ბარათი ჯერ არ გაქვთ, მისი შეკვეთა საქართველოს ბანკის ბიზნეს ინტერნეტბანკსა და ბიზნეს მობილბანკშია შესაძლებელი. და თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში ონლაინ მარტივად და პროცესში შეუკვეთეთ ბიზნეს Mastercard ბარათი.