რუმორის წარმატების ისტორია — როგორ ეხმარება საქართველოს ბანკის ონლაინ ხელმისაწვდომი ბიზნეს სესხი სტარტაპებს განვითარებაში

წარმატებული ბიზნესის დასაწყებად ან უკვე არსებულის განსავითარებლად კრეატიულ იდეებთან და შრომასთან ერთად, ფინანსებიც დიდ როლს თამაშობს. ხშირად სტარტაპები საკუთარი ბიზნესის განვითარებისგან თავს იმიტომ იკავებენ, რომ საწყის ეტაპზე საკმარისი თანხა არ აქვთ. სწორედ მათ, ვისაც ბიზნესის განვითარებისთვის ან ინოვაციური პროდუქტის დასანერგად თანხა სჭირდებათ, საქართველოს ბანკი ბიზნეს სესხს სთავაზობს.

თუ უკვე ბიზნესის მფლობელი ხარ ან ამას უახლოეს მომავალში გეგმავ, საქართველოს ბიზნეს სესხით შეგიძლია ისარგებლო, რომელიც შენზე მაქსიმალურად მორგებულ პირობებს შემოგთავაზებს. არ იფიქრო, რომ სესხის დამტკიცებისა და დადასტურების პროცესი დიდხანს იწელება, რადგან განაცხადის შევსება საქართველოს ბანკის ციფრული არხებიდანაც ნებისმიერ დროს შეგიძლია. თუ სესხის აღებას ბიზნეს მობილბანკით ან ბიზნეს ინტერნეტბანკით გადაწყვეტ, საქართველოს ბანკი განაცხადის შევსებიდან მალევე თავად დაგიკავშირდება.

საქართველოს ბანკის ბიზნეს სესხით უკვე არაერთ ბიზნესს უსარგებლია, რომელთა შორის ცნობილი ატელიე რუმორია. ამ ბლოგში სწორედ რუმორის ისტორიას გიამბობთ, რომელმაც ბიზნეს სესხის დახმარებით განვითარება და დიდი წარმატების მიღწევაც შეძლო. იმის შესახებ, თუ როგორ შეიქმნა რუმორი, როგორი იყო პირველი ნაბიჯები და რა როლი ითამაშა საქართველოს ბანკის ბიზნეს სესხმა ამ ყველაფერში, მაკუნა გოგიბედაშვილი და ნიკა კომახიძე ვრცლად გვესაუბრა.

დღეს რუმორი ერთ-ერთი წარმატებული და ცნობილი ატელიეა, რომელიც განსხვავებული სტილის სამოსს ქმნის. გვიამბეთ, როგორ გაჩნდა რუმორის შექმნის იდეა?

მაკუნა: საკუთარი საწარმოს შექმნის სურვილი სტუდენტობის პერიოდში გამიჩნდა. ბიზნეს სკოლის დასრულების შემდეგ გამოცდილება სხვადასხვა ქართულ კომპანიაში მივიღე, რომლებიც პრემიუმ-კლასის პროდუქტებს თავადვე აწარმოებდნენ. მაგისტრატურის პირველი კურსზე გავიცანი ნიკა, დავმეგობრდით და აღმოვაჩინეთ, რომ საერთო მიზნები და ინტერესები გვამოძრავებდა: ნიკას ტანსაცმლის სხვადასხვა საერთაშორისო ბრენდებთან მუშაობის დიდი გამოცდილება ჰქონდა, მე — ბიზნესში დაგროვილი გამოცდილება , ორივეს კი — ტანსაცმლის წარმოების დიდი სურვილი. საერთო მიზნის განსახორციელებლად პირველი ნაბიჯების გადადგმა ასე დავიწყეთ.

ახალი ბიზნესის წამოწყებისას ფინანსური მხარეც ყოველთვის მნიშვნელოვანია. როგორც ვიცით, თავიდან საქართველოს ბანკის ბიზნეს სესხით ისარგებლეთ. უფრო ვრცლად რომ მოგიყვეთ ამ გადაწყვეტილებისა და გამოცდილების შესახებ

ნიკა: ჩვენს სტარტაპს გარკვეული ფინანსური სტატისტიკა, ცოდნა, გამოცდილება და საჭირო კონტაქტები უკვე დაგროვებული ჰქონდა, როდესაც საქართველოს ბანკთან დავიწყეთ ურთიერთობა. გაგვიმართლა, რომ ჩვენი მიმართულებით გამოცდილი ბანკირი შეგვხვდა, რომელმაც მარტივად ამოიცნო ჩვენი პოტენციალი და ის ენთუზიაზმი, რასაც საქმეში ვდებდით. თავდაპირველად მანქანა-დანადგარების შესაძენად ქონებით უზრუნველყოფილი ბიზნეს სესხი გავაკეთეთ. სტარტაპისთვის მნიშვნელოვანი იყო გადახდის მოქნილი გრაფიკი და დაბალი საპროცენტო განაკვეთი, რაშიც საქართველოს ბანკმა ხელი შეგვიწყო და იმ დროისთვის იდეალური პირობები შემოგვთავაზეს. ასე დაიწყო რუმორისა და საქართველოს ბანკის პარტნიორობა ხარისხიანი ქართული საწარმოს შესაქმნელად.

როგორ დაგეხმარათ ეს საწყისი თანხა ბიზნესის განვითარებაში?

მაკუნა: შევიძინეთ მანქანა-დანადგარები, ვიქირავეთ შენობა საწარმოსთვის და თანამშრომლების მოძიება დავიწყეთ. ერთი თვე დაგვჭირდა იმ ადამიანების შემოსაკრებად, ვინც დღეს რუმორელის სტატუსს ატარებს. გუნდის წევრები მაღალი კვალიფიკაციისა და საერთო ღირებულებების მიხედვით შევარჩიეთ, რათა შეგვექმნა ისეთი გარემო, რომელშიც მუშაობა ყველასთვის სასიამოვნოა. წარმოების პროცესების სტანდარტიზაციის შემდეგ აქტიურად გავაგრძელეთ რუმორის კოლექციების განახლება და კორპორატიული შეთავაზებებისთვის ინდუსტრიული ნედლეულისა და მომწოდებლების მოძიება. ამ მიმართულებით პირველი დამკვეთი გასტრონომ ჯგუფი იყო. ჩვენი პირველი ერთობლივი პროექტია რესტორანი თამარა, რომლისთვისაც კორპორატიული სტილი სრულად შეიქმნა. მათთვის შექმნილ დიზაინში ყველა დეტალი ზედმიწევნით გავითვალისწინეთ, იქნებოდა ეს ტექსტილის ხარისხი და ბუნებრიობა, თუ თანამშრომელთა სამუშაო აღწერილობა და ბრენდბუქის ფერები. დათქმული დროში სამუშაო ტანისამოსი, სუფრები და ხელსახოცები შევკერეთ. ნაყოფიერი თანამშრომლობის შედეგია ის, რომ მათი ყველა რესტორნისთვის, მაღაზიისა თუ სასაჩუქრე ნაკრებებისთვის აქსესუარებს ჩვენ ვკერავთ, რაც ძალიან გვეამაყება.

 ნიკა: გასტრონომ ჯგუფის გარდა ვთანამშრომლობთ ისეთ კომპანიებთან, რომლებისთვისაც ქართული წარმოების განვითარების ხელშეწყობა მნიშვნელოვანია. მადარტი, ლიდერფუდი, სუშის რესტორანი რამეკაი — ეს ჩვენი მეგობარი კომპანიების მცირე ჩამონათვალია. ასევე, დასუფთავების სამსახურისთვის სამუშაო ტანისამოსის განახლების პროექტზე ვიმუშავეთ. გვიხარია, რომ ჩვენი საქმე სიამოვნებას გვანიჭებს და საინტერესო ადამიანებთან გვაკავშირებს. ჩვენ მიერ განხორციელებული საამაყო პროექტები საქართველოს ბანკის დროული ჩართულობის გარეშე მომავლისთვის გადაიდებოდა.

როგორც ვიცით, შემდეგ ეტაპზე ონლაინ სესხითაც ისარგებლეთ. როგორ შეაფასებდით ამ მხრივ ბანკთან ურთიერთობას, რამდენად მოსახერხებელია ციფრული არხები სესხის ასაღებად და შემდგომ თანხის ასათვისებლად?

მაკუნა: საქართველოს ბანკის ციფრული არხები მარტივი გამოსაყენებელია, მუდმივად იხვეწება და მეტი მოქნილობისთვის ახალ-ახალ პროდუქტებს გვთავაზობს. არაერთხელ თავად ვიყავი ფოკუს-ჯგუფის წევრი ბიზნეს ბანკის გაუმჯობესების პროცესში. სესხისთვის ონლაინ განაცხადის შევსება დროის დაზოგვისთვის მშვენიერი მიგნებაა. სესხის აღება ონლაინ ჩვენთვის ძალიან მოსახერხებელი აღმოჩნდა, მით უფრო, თუ ქალაქში გადაადგილების სირთულესა და საცობებში გატარებულ დროს გავითვალისწინებთ.

 ნიკა: თანხის ათვისების მხრივ, საქართველოს ბანკის ციფრული არხები სწრაფი და მოსახერხებელია. საერთაშორისო, ბანკთაშორისი თუ ლოკალური გადარიცხვები სრულად შეიცავს საჭირო ველებს, რაც ბუღალტრული მიზნებისათვის ინფორმაციის დახარისხებასა თუ იდენტიფიცირებას ამარტივებს.

როგორ ფიქრობთ, რამდენად მოსახერხებელია დამწყების ბიზნესებისთვის საქართველოს ბანკის ბიზნეს სესხის აღება?

მაკუნა: საქართველოს ბანკთან პარტნიორობა ჩვენთვის ძლიერი აქტივია. მუდმივად ვგრძნობთ მხარდაჭერას და ე.წ. ფინანსურ ზურგს, რომელიც ჩვენს საქმიანობას შეუფერხებელს და განვითარებაზე ორიენტირებულს ხდის.

ნიკა: ჩვენ ბანკთან პარტნიორობას ბიზნესის შექმნისა და განვითარებისთვის აუცილებლობად მივიჩნევთ. ეს მიდგომა კომპანიისათვის სწორი მიზნების დასახვასა და რეალიზებაში ძალიან დაგვეხმარა.

დაბოლოს, რა სიახლეებს უნდა ველოდოთ რუმორისგან მომავალში?

მაკუნა: უახლოეს მომავალში რუმორის კოლექციებს სხვადასხვა ონლაინ პლატფორმაზე იხილავთ. სამომავლოდ, ჩვენი მთავარი მიზანი რუმორის ნაწარმის ექსპორტია. ბიზნესისა თუ პატრიოტული სულისკვეთების გამო, ჩვენთვის ძალიან მნიშვნელოვანია საქართველოს სახელის საზღვრებს გარეთ გატანა. ტანსაცმლის ასოციაციის წევრები უკვე ვართ. GAFA-მ ხელი შეგვიწყო და EBRD-თან ერთად განვახორციელეთ ბრენდინგის პროექტი. ამან რუმორის მარკეტინგული სტრატეგია და აქსესუარები კიდევ უფრო დახვეწა. შემდგომი ნაბიჯი ხარისხის სტანდარტის სერტიფიკატით გამყარებაა, რაც მიგვაახლოებს ჩვენს მიზანთან — მსოფლიოს გავაცნოთ საქართველოში წარმოებული გემოვნებიანი და ხარისხიანი ნაწარმი.

ნიკა: საწარმოო რესურსის გაზრდა და სტაბილურობა ჩვენს გეგმაში მუდმივად არის. ჩვენი გეგმების განსახორციელებლად ნაბიჯ-ნაბიჯ მივიწევთ წინ.

თუ გსურთ, თავადაც აითვისოთ თანხა თქვენი საჭიროებებისთვის და არ შეაყოვნოთ თქვენი ბიზნესის ზრდა, ამას ნებისმიერი ადგილიდან ბიზნეს მობილბანკით და ბიზნეს ინტერნეტბანკით შეძლებთ.

საქართველოს ბანკის სხვა ბიზნესპრუდუქტებსა და სერვისებზე დამატებითი ინფორმაცია შეგიძლიათ გაიგოთ აქ, ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში სულ მარტივად ონლაინ.

არ გაჩერდე, გააგრძელე კითხვა