როგორ უნდა აიღო სესხი, თუ თვითდასაქმებული ხარ

თვითდასაქმებული მოქალაქეებისთვის სესხის აღება საქართველოს ბანკში მარტივად და სწრაფადაა შესაძლებელი. მნიშვნელობა არ აქვს, რა ფორმით იღებთ შემოსავალს – ხელზე, ჩარიცხვით თუ პირადი გადმორიცხვით, თვითდასაქმებული ხართ თუ მეურნეობას ფლობთ, ნებისმიერ შემთხვევაში, შეგიძლიათ მიმართოთ საქართველოს ბანკს, მოითხოვოთ საკრედიტო შესაძლებლობების განსაზღვრა და საბანკო სერვისებით უპრობლემოდ ისარგებლოთ.

იპოთეკური სესხი, განვადება, სამომხმარებლო სესხი, უზრუნველყოფილი სესხი, ნაწილ-ნაწილ და საკრედიტო ბარათი – ეს იმ პროდუქტების ჩამონათვალია, რომელთან წვდომას საქართველოს ბანკი თვითდასაქმებულ მოქალაქეებს აძლევს.

თვითდასაქმებულებთან მიმართებით საქართველოს ბანკის პოზიციის შესახებ BOG-ის საცალო ბიზნესის საბანკო მომსახურების დეპარტამენტის დირექტორს, ირაკლი კუტივაძეს გავესაუბრეთ, რომელიც გვიხსნის, თუ რატომ არის ეს მიმართულება ბანკისთვის პრიორიტეტული და რა შესაძლებლობები აქვთ იმ პირებს, რომლებიც შემოსავლებს არაფორმალური გზებით იღებენ.

„საქართველოს ბანკი ყოველთვის ორიენტირებულია მომხმარებლის საჭიროებების დადგენაზე, რათა შევძლოთ მათთვის სასურველ დროს, საჭირო სერვისებისა და პროდუქტების შეთავაზება. ფიზიკური პირებისთვის ბანკში ხელმისაწვდომია ყველა ტიპის საკრედიტო თუ არასაკრედიტო პროდუქტი, არ აქვს მნიშვნელობა რა ფორმით იღებენ შემოსავალს: იქნება ეს ხელფასი, იჯარა, გზავნილი თუ თვითდასაქმებით გამომუშავებული ანაზღაურება.

მოგეხსენებათ, საქართველოში უამრავი ფიზიკური პირი არის დასაქმებული არაფორმალურ სექტორში, რომლებიც შემოსავალს იღებენ თვითდასაქმებით. აქ მოიაზრებიან ისეთი ფიზიკური პირები, რომლებიც ეწევიან პროფესიულ საქმიანობას (მაგ: სტილისტი, ტაქსისტი, რეპეტიტორი, ხელოსანი და ა.შ.), ასევე მცირე სამეწარმეო საქმიანობას ან საოჯახო აგრო მეურნეობას. ამ სფეროში დასაქმებულ ადამიანებს, ოფიციალურად დასაქმებული ფიზიკური პირებისგან განსხვავებით, ნაკლებად აქვთ ინფორმაცია მათთვის ხელმისაწვდომი პროდუქტების, სერვისებისა და საკრედიტო პოტენციალის შესახებ.

მათ აქვთ შესაძლებლობა ისარგებლონ საქართველოს ბანკში არსებული ყველა სერვისითა და პროდუქტით, რომელიც განკუთვნილია ფიზიკური პირებისთვის. მაგალითად: ისარგებლონ განვადებით, იპოთეკური სესხით, საკრედიტო ბარათით. გამოიყენონ საქართველოს ბანკის ინტერნეტ და მობილბანკი ტრანზაქციების შესასრულებლად და პროდუქტების აქტივაციისთვის. ჩვენთვის პრიორიტეტია, რომ თვითდასაქმებულ ფიზიკურ პირებს ჰქონდეთ ინფორმაცია თავიანთი საკრედიტო შესაძლებლობების შესახებ და მათთვის სასურველ დროს ისარგებლონ საქართველოს ბანკში არსებული ყველა სერვისითა და პროდუქტით.“ – განაცხადა ირაკლი კუტივაძემ.

თვითდასაქმებულთათვის საკრედიტო სერვისებით სარგებლობა საკმაოდ მარტივია. ამისათვის საჭიროა, რომ ფიზიკურმა პირმა შეავსოს განაცხადი, გაიგოს თავისი საკრედიტო შესაძლებლობა და მოითხოვოს სასურველი საკრედიტო პროდუქტი. განაცხადის შევსება შესაძლებელია საქართველოს ბანკის ნებისმიერ სერვის ცენტრში, ონლაინ პლატფორმის მეშვეობით ან საკრედიტო ექსპერტის დახმარებით, უშუალოდ მომხმარებლის საქმიანობის ადგილზე. მომხმარებლის საკრედიტო შესაძლებლობები დამოკიდებულია საქმიანობის ტიპზე და შემოსავლის მოცულობაზე.

აღსანიშნავია, რომ თვითდასაქმებულ პირებს შესაძლებლობა აქვთ, დამტკიცებული საკრედიტო შესაძლებლობის ფარგლებში, ისარგებლონ ერთი ან მეტი საკრედიტო პროდუქტით. მაგალითად, აიღონ იპოთეკური სესხი და პარალელურად გაიაქტიურონ განვადება.

ირაკლი კუტივაძის განმარტებით, საქართველოს ბანკის მიზანია, თვითდასაქმებულ ფიზიკურ პირებს ჰქონდეთ ინფორმაცია თავიანთი საკრედიტო პოტენციალის შესახებ, წინასწარ დაიმტკიცონ საკრედიტო შესაძლებლობა და სასურველ დროს შეძლონ მათი გამოყენება ნებისმიერი დანიშნულებით.

არ გაჩერდე, გააგრძელე კითხვა