როგორ განავითარა Urban Hotels-მა ბიზნესი საქართველოს ბანკის ბიზნეს სესხების საშუალებით

ყველამ როდი იცის, რომ სხვადასხვა ბიზნესის მიერ დაწყებული ყოველი ახალი პროექტი, იქნება ეს მშენებლობა, წარმოების ხაზი თუ სხვა ტიპის განსახორციელებელი სამუშაო, დაკავშირებულია ბიზნეს სესხთან – ნებისმიერი მასშტაბის წამოწყება ხშირად სწორედ სრულად ან ნაწილობრივ სესხითაა დაფინანსებული. არსებობს არასწორი წარმოდგენაც, რომ ბიზნეს სესხებს მხოლოდ სტარტაპები ან შედარებით მცირე ზომის ბიზნესები მოიხმარენ, ხოლო დანარჩენები საკუთარი კაპიტალით ოპერირებენ. არადა ეს ასე სულაც არაა: ბიზნეს სესხები მნიშვნელოვანია როგორც მცირე, ისე საშუალო და მსხვილი ბიზნესის განვითარებისა და გაფართოებისთვის.

საქართველოს ბანკი სწორედ ბიზნესის საჭიროებებზე და მოთხოვნებზე მაქსიმალურად მორგებულ ბიზნეს სესხებს სთავაზობს საკუთარ მომხმარებლებს. შედეგად, არაერთმა ბიზნესმა ბიზნეს სესხის დახმარებით შეძლო საქმიანობის გაძლიერება და წარმატების ახალ საფეხურზე ასვლა. მათ შორის არის ქართული სასტუმროების ქსელი Urban Hotels, რომელიც უკვე წლებია, საქართველოს ბანკთან თანამშრომლობს.

Urban Hotels 2012 წელს დაარსდა და დღეისთვის უკვე თბილისის მასშტაბით აერთიანებს 7 სასტუმროს. ყველა მათგანი არის სრულიად განსხვავებულია დიზაინის, ინტერიერისა და მდებარეობის მიხედვით. მათ შორის არის ისეთი სასტუმროები, როგორებიცაა Urban Park Hotels 53 ნომრით, Urban Boutique Hotel 28 ნომრით, Old Meidan Tbilisi By Urban Hotels 31 ნომრით და ა.შ.

საქართველოს ბანკის მხარდაჭერით, 2023 წლის აპრილში Urban Hotels-მა ახალი სასტუმრო Urban Apartments 17 Executive Suits-ის გახსნა. სასტუმრო მდებარეობს ვერაზე, კერესელიძის 17 ნომერში. შენობა არის სრულიად ახალი და მასში 11 სრულყოფილი აპარტამენტია განთავსებული. ასევე, საქართველოს ბანკის მხარდაჭერით გაიხსნა Urban Apartments 23, რომელიც ბელინსკის 23 ნომერში მდებარეობს.

„2022-2023 წლები ჩვენთვის ძალიან წარმატებული იყო, მოვემსახურეთ ძალიან დიდი რაოდენობის სტუმარს. რა თქმა უნდა, საქართველოს ბანკის მხარდაჭერით, აპრილში გახსნილმა სრულიად ახალმა სასტუმრომ Urban Apartments 17 Executive Suits-მა და Urban Apartments 23-მა ამაში თავიანთი წვლილი შეიტანეს. საქართველოს ბანკთან ჩვენ მრავალწლიანი ნაყოფიერი თანამშრომლობა გვაკავშირებს და სამომავლოდაც გვსურს, მათთან ერთად საკმაოდ ამბიციური გეგმების განხორციელება“, – ამბობს Urban Hotels-ის ქსელის დამფუძნებელი, ზაზა ტყეშელაშვილი.

ამჟამად Urban Hotels-ის ქსელში 264 ადამიანია დასაქმებული და კომპანიას ზრდის საკმაოდ ამბიციური გეგმები აქვს. მათ შორის არის ანანურში 200-ნომრიანი სასტუმრო კომპლექსის მშენებლობა, რომელიც მოიცავს ტენისის კორტებს, სააქტო დარბაზს, აუზს და ა.შ.

ადგილობრივი ბიზნესისთვის მნიშვნელოვანი საბანკო სერვისების, მათ შორის ბიზნეს სესხების საუკეთესო პირობებით შეთავაზება საქართველოს ბანკის პრიორიტეტად რჩება. საბანკო სერვისები ნებისმიერი კომპანიის ზრდისა და განვითარების განუყოფელი ნაწილია და საქართველოს ბანკი მომავალშიც გააგრძელებს ბიზნესის მხარდაჭერას.

აიღეთ სესხი გამარტივებული პროცედურით, თქვენს ბიზნესსა თუ შესაძლებლობებზე მორგებული პირობებით

არ გაჩერდე, გააგრძელე კითხვა