მცირე თუ დიდი ბიზნესების ხელშეწყობას საქართველოს ბანკი კვლავ უწყვეტ რეჟიმში განაგრძობს. წლებია, რაც საქართველოს ბანკმა ბიზნესების საქმიანობაზე მორგებული ციფრული პროდუქტი — ბიზნეს მობილბანკი შექმნა, რომელიც მომხმარებელს ინოვაციურ ფუნქციონალებს სთავაზობს და ფინანსური ოპერაციების შესრულებას დღითიდღე ამარტივებს. ახლახან საქართველოს ბანკმა ბიზნესმომხმარებლებს ახალი სერვისი — ბმულით გადახდა შესთავაზა. თუ სოციალური ქსელებით ვაჭრობთ და თქვენი ბიზნესისთვის ვებგვერდი ჯერ არ გაქვთ, ახალი სერვისი საშუალებას გაძლევთ, რომ მომხმარებელს პირდაპირ ბმული გაუგზავნოთ და გადახდის პროცესი გაუმარტივოთ.
კერამიკის სახელოსნო PILANI Ceramics, რომელიც მომხმარებელს ორიგინალურ ხელნაკეთ ჭურჭელსა და ინტერიერის დეკორს სთავაზობს, საქართველოს ბანკის ბიზნესმომხმარებელია და ონლაინ გადახდებსაც ხშირად იყენებს. როგორია სახელოსნოს ისტორია და გამოცდილება, ონლაინ გადახდის რა მეთოდებს იყენებს და რა მოლოდინებია ბმულით გადახდასთან დაკავშირებით — ამ საკითხების შესახებ Pilani Ceramics-ის თანადამფუძნებელი, ირინა გლოველი, გვესაუბრა.
“PILANI Ceramics არის კერამიკის სახელოსნო, რომელიც ორი წლის წინ სამმა მეგობარმა დავაფუძნეთ მას შემდეგ, რაც კერამიკაზე მუშაობის მრავალწლიანი გამოცდილება სხვადასხვა სტუდიაში მივიღეთ. მაშინ ზუსტად ვიცოდით, რომ სწორედ კერამიკა აერთიანებს იმ შემოქმედებით თუ ბიზნეს შესაძლებლობებს, რასაც ჩვენს მომავალ საქმიანობას დავუკავშირებდით. დღეს სახელოსნოში ვქმნით კერამიკის მრავალფეროვან ნაკეთობებს, რომლებიც საკუთარ ისტორიას ჰყვება, შემდგომში კი ამ ისტორიის ნაწილი ჩვენი თითოეული მომხმარებელი ხდება. PILANI Ceramics მომხმარებელს ხელნაკეთ ჭურჭელსა და ინტერიერის დეკორს სთავაზობს. გარდა ამისა, ვთანამშრომლობთ დიზაინერებთან, კორპორატიულ დამკვეთებთან და მათი სურვილით ინსპირირებულ ინტერიერის დეტალებსა თუ სხვა ნაკეთობებზე ვმუშაობთ. ჩვენი ბიზნესის საცალო გაყიდვების დიდი წილი სწორედ რომ ონლაინ გაყიდვებზე მოდის. აქედან გამომდინარე, ონლაინ გადახდების გამოყენება ძალიან ხშირად გვიწევს და ბიზნესის ზრდასთან ერთად მატულობს”, — ამბობს ირინა გლოველი.
გადახდის სხვა მეთოდებისგან განსხვავებით, რომლებიც ანგარიშის ნომრის თუ სხვა დეტალების გაზიარებას მოითხოვს, ბმულით გადახდა დაგიზოგავთ დროს და კომფორტულია როგორც მომხმარებლისთვის, ისე ბიზნესისთვის. მომხმარებლისთვის შექმნილი სასიამოვნო გამოცდილება კი გაყიდვების ზრდაზეც აისახება. გარდა ამისა, როგორც ირინა გლოველი აღნიშნავს, ბმულით გადახდა მომხმარებლის მხრიდან ბიზნესისადმი სანდოობასაც გაზრდის.
“ამ ეტაპზე ვიყენებთ ბიზნეს ანგარიშზე ჩარიცხვის მეთოდს, რომელიც მომხმარებლისთვის საბანკო რეკვიზიტების გაზიარებას გულისხმობს. ხშირ შემთხვევაში, გადმორიცხული თანხა მაშინვე არ ისახება ანგარიშზე და მომხმარებელს უწევს გადახდის დამადასტურებელი დოკუმენტის გადმოგზავნა დამატებით, რაც გარკვეულწილად დისკომფორტია მომხმარებლისთვის და უხერხულობას იწვევს კომუნიკაციაში. ვფიქრობ, ბმულით გადახდის სერვისი მომხმარებელთან კომუნიკაციას ძალიან გაგვიმარტივებს. გარდა იმისა, რომ უშუალოდ გადახდის პროცედურა იქნება მარტივი, ასევე მნიშვნელოვნად გაუმჯობესდება უსაფრთხოება და სანდოობა ჩვენსა და მომხმარებელს შორის. ჩემი აზრით, ბმულით გადახდა არის უსაფრთხო და სანდო გზა ონლაინ გადახდების სისტემაში. ამ მეთოდით საშუალება გვექნება მარტივად, სოც. ქსელებით მიღებული მოთხოვნის შესაბამისად, შევქმნათ საგადახდო ბმული და მომხმარებლისგან მივიღოთ თანხა. ასევე მნიშვნელოვანია, რომ მომხმარებელი თავს დაცულად იგრძნობს, როდესაც ბიზნესი სანდო გადახდის მეთოდს შესთავაზებს”, — აღნიშნა ირინა გლოველმა.
ბმულით გადახდის მოდული გადახდების მენეჯერს უკვე დაემატა. ბმულით გადახდის მოდული საშუალებას გაძლევთ, უკვე დაგენერირებული ბმულის ჭრილში მიღებული ტრანზაქციები შეამოწმოთ და ასევე, ბმულის სტატუსის, სახელისა და თარიღის შესახებ სრული ინფორმაციაც მიიღოთ. ამასთანავე, მხოლოდ ერთ ღილაკზე თითის დაჭერით ახალი ბმულის შექმნაც შეგიძლიათ.
“ვფიქრობ, ბმულით გადახდის გამოყენებით მომხმარებელთან გამარტივდება კომუნიკაცია და აღარ შეიქმნება უხერხულობა, რომელსაც ხშირ შემთხვევაში გადახდის დამადასტურებელი დოკუმენტის მოთხოვნა იწვევს. გარდა ამისა, ბიზნესის მართვის პროცესში ჩვენი ბიზნესი მეტად დაცული იქნება თანხის მიღებისა და აღრიცხვის ნაწილშიც. ონლაინ გაყიდვების ზრდასთან ერთად, მომხმარებლისთვის ისეთი პროდუქტის შეთავაზებაა საჭირო, რომელიც მას შეძენის პროცედურას უმარტივებს და მაქსიმალურად უსაფრთხოა. სწორედ აქედან გამომდინარე, ბმულით გადახდა მომხმარებლისთვის საჭირო კომფორტის შესაქმნელად ძალიან მნიშვნელოვანია”, — ამბობს ირინა გლოველი.
თუ ჯერ არ გაგიაქტიურებიათ ბმულით გადახდის სერვისი, ამას ბიზნეს მენეჯერიდან მარტივად შეძლებთ. გადახდის მეთოდებში უნდა აირჩიოთ ბმულით გადახდა, გაეცნოთ სერვისის უპირატესობებს, ბოლოს კი “გადახდის დამატებას” დააჭიროთ.