როცა რაიმე მიზანი გაქვს დასახული — ვთქვათ, ავტომობილის შეძენა — რა თქმა უნდა, აუცილებლად დაიანგარიშებ, როგორია შენი ყოველთვიური შემოსავალი და ხარჯები, როგორ შეგიძლია არასაჭირო ხარჯების შემცირება და დანაზოგის გაზრდა, რათა მიზანს უფრო მალე მიაღწიო. შეიძლება ითქვას, რომ ამ დროს შენ პირად ბუღალტერიას აწარმოებ.
პირადი ბუღალტერიის მსგავსად, ფინანსური მენეჯმენტი სჭირდება ნებისმიერ კომპანიასაც. მნიშვნელობა არ აქვს, ეს დიდი კორპორაციაა თუ მცირე ან საშუალო ბიზნესი — გამართული ბუღალტერია ყველა შემთხვევაში წარმატების ერთ-ერთი წინაპირობაა. სწორედ ამიტომ, ჩვენს საზოგადოებაში ფინანსური აღრიცხვა ლამის ფულთან ერთად გაჩნდა ჯერ კიდევ უძველეს ხანაში.
თუმცა, თანამედროვე ბუღალტერია ბევრად მეტია, ვიდრე, უბრალოდ, ხარჯების აღრიცხვა.
რატომ სჭირდება ნებისმიერ კომპანიას სწორი ბუღალტერია
ზოგი შეიძლება ფიქრობდეს, რომ ბუღალტერიის მთავარი საქმე კომპანიის და სახელმწიფოს ფინანსური ურთიერთობის მოწესრიგებაა. თუმცა, ამ პოზიციაზე მომუშავე ადამიანი ბიზნესის წარმატებულ საქმიანობაში უფრო დიდ როლს ასრულებს.
უპირველესად, ბუღალტერია კომპანიას — მისი ზომის მიუხედავად — ფინანსების კონტროლში ეხმარება; შემოსავლისა და ხარჯების აღრიცხვა კი საშუალებას გვაძლევს, თვალი მივადევნოთ ფინანსურ ოპერაციებს და მაქსიმალურად შევამციროთ არასაჭირო ხარჯები. ეს, რა თქმა უნდა, მოგების წილსაც გაზრდის.
მეორე მხრივ, ბუღალტერია მომგებიანობის სწორად განსაზღვრაშიც გვეხმარება. უხეში დაანგარიშებით ბევრი მნიშვნელოვანი ფაქტორი შეიძლება გამოგვრჩეს, იქნება ეს ფასნამატი თუ მარჟა. ეს კვლავაც არასწორ დასკვნებამდე მიგვიყვანს.
უკეთესი ფინანსური მენეჯმენტი კი რეალურ შესაძლებლობებს გვიჩვენებს. სწორი ბუღალტერიის შედეგად, ჩვენ შევძლებთ, მონაცემების გაანალიზებით კარგად გააზრებული გადაწყვეტილებები მივიღოთ. ბიუჯეტირება და დაგეგმარება ხომ ასევე ნებისმიერი კომპანიის ნაწილია. ამიტომ, თუკი გვსურს, ჩვენი ბიზნესი სწორად განვითარდეს, ამისთვის გამართული ბუღალტერია აუცილებლად დაგვჭირდება.
დაბოლოს — შეიძლება ერთადერთი არა, მაგრამ ბუღალტერიის მნიშვნელოვანი ნაწილი სახელმწიფო ვალდებულებების მოგვარებაა: კომპანიის მონაცემების შესაბამისობაში მოყვანა საგადასახადო, სააუდიტო და იურიდიულ მოთხოვნებთან.
როგორ შეგიძლია შენი ბიზნესის ბუღალტერია გამართო
რადგან უკვე გავერკვიეთ, რამდენად საპასუხისმგებლო საქმეა ბუღალტერია კომპანიისთვის, ჩნდება კითხვა — როგორ შეგიძლია დანერგო ეს ყველაფერი საკუთარი ბიზნესის საქმიანობაში?
სწორედ ამისთვის, საქართველოს ბანკმა ბუღალტერიის განვითარების პროგრამა შექმნა. პროგრამა 3 ძირითად მიმართულებას აერთიანებს:
- ბუღალტერიის გაციფრულება, რაც მოიცავს შეთავაზებებს სხვადასხვა სოფტსა და პროგრამულ უზრუნველყოფაზე;
- სრული ბუღალტრული სერვისი, რაც გულისხმობს შეთავაზებებს საქართველოს ბანკის პარტნიორი კომპანიებისგან;
- ფინანსური ინფორმაციის სწრაფი მიმოცვლა ბანკსა და მომხმარებელს შორის.
ეს სამი მიმართულება, ფაქტობრივად, სრულად მოიცავს კომპანიის საჭიროებებს ფინანსური მონაცემების აღრიცხვის კუთხით. განსაკუთრებით მნიშვნელოვანია ბუღალტერიის გაციფრულება, რომელიც ნებისმიერი თანამედროვე ბიზნესისთვის პრიორიტეტული უნდა იყოს — მისი საშუალებით ხომ ბევრად ადვილია მონაცემების დამუშავებაც და ანალიზიც.
სრული ბუღალტრული სერვისის მიღება კი, პროგრამის ფარგლებში, წამყვანი კომპანიებისგან, საუკეთესო პირობებით შეგიძლია.
რაც შეეხება ფინანსური ინფორმაციის მიმოცვლას, საქართველოს ბანკი ამ მიმართულებით შენს ბიზნესზე მორგებულ საბანკო პროდუქტებს შემოგთავაზებს. მოთხოვნილი სერვისის მიღება სწრაფად, მართვა კი — მარტივად შეგეძლება. უფრო დეტალური ინფორმაციისთვის ეწვიე ამ ბმულს.