Phuber პირველი ქართული მოდის პლატფორმაა, რომელიც უკვე 5 წელია, უამრავ ადამიანს აძლევს შესაძლებლობას, გაყიდონ და იყიდონ სასურველი ტანსაცმელი თუ აქსესუარები. ამ დროის განმავლობაში მიღებული გამოცდილების, დიდი შრომისა და დასახული მიზნებისკენ მუდმივად სწრაფვით, Phubber დღეს საქართველოს გარდა 3 ქვეყანაშია წარმოდგენილი და კვლავ არ ჩერდება.
როგორი იყო Phubber-ის გზა წარმატებამდე, ამის შესახებ ონლაინ პლატფორმის თანადამფუძნებელი, ანანო დოლაბერიძე, ვრცლად გვესაუბრა.
Phubber-ის შექმნის იდეა და პირველი ნაბიჯები
Phubber-ის იდეის გაჩენა დაკავშირებულია მსგავს პლატფორმებთან, რომლებიც საზღვარგარეთ 12-15 წელია, უკვე არსებობს. ერთ-ერთი პირველი ინსპირაცია Depop იყო, ჩვენს იდეაზე მუშაობა კი 2018 წელს დავიწყეთ. პირადად მე Phubber-მდე 10-12 წელი მოდის ინდუსტრიაში ვმოღვაწეობდი, მსგავს პლატფორმებზე მქონდა ინფორმაციები და სულ რაღაცნაირად მინდოდა და მეგონა, რომ საქართველოსთვის ძალიან კარგი პროდუქტი იქნებოდა. სწორედ Depop-ის ინსპირაციით გადავწყვიტეთ, რომ ამ პროდუქტისთვის საქართველოს ბაზარიც მზად იქნებოდა და ასე დავიწყეთ იდეაზე მუშაობა.
პირველი ნაბიჯები იყო რთული, რადგან 2018-ში E-commerce penetration 1%-ზე დაბალი იყო და ეს E-commerce-ის შექმნისას დიდ რისკს ნიშნავდა, პანდემიის შემდეგ კი ჩვენს ქვეყანაში ეს მიმართულება უფრო განვითარდა. თავიდანვე მობაილ აპლიკაცია გავაკეთეთ, რომელიც ერთ-ერთი პირველი ქართული Mobile app იყო, თუ არ ჩავთვლით ბანკებს და ყოველდღიურ საჭიროებებზე მორგებულ ქართულ აპლიკაციებს. ტექნიკურად ამ ყველაფრის შესრულება ძალიან დიდი გამოწვევა იყო, რადგან როცა სტარტაპს იწყებ, იმხელა ფინანსები და ინვესტიციები არ გაქვს, რომ ყველაფერი იდეალურად გააკეთო. თავიდან ერთი დეველოპერი გვყავდა, რომელიც დღეს ჩვენი CTO-ა, გუნდში კი 4-5 ადამიანი ვიყავით და ფაქტობრივად, თავიდან ბოლომდე ყველაფერი ნულიდან დავწერეთ.
გზა სტარტაპიდან წარმატებულ ბიზნესამდე
განვითარების გზა ძალიან რთული იყო და გამოწვევებიც თან ახლდა. ზოგადად, როცა ჩვენს ქვეყანაში სტარტაპს აკეთებ, სადაც სტარტაპ ეკოსისტემაც შენს სტარტაპთან ერთად ვითარდება, რა თქმა უნდა, ეს უკვე გამოწვევაა. ამის მიზეზი კი ისაა, რომ ქვეყანა არ არის მზად, რათა სტარტაპის მომდევნო განვითარებისთვის ყველა რესურსი არსებობდეს, იქნება ეს საინვესტიციო ფონდები თუ სხვა. ასევე, Phubber-ის გაშვებიდან 1 წელში პანდემია დაიწყო. მოგეხსენებათ, პანდემიის დროს ძალიან ბევრ ბიზნესს გაუჭირდა გადარჩენა და როცა სტარტაპი ხარ, ეს ყველაფერი კიდევ უფრო რთულია. თუმცა მიხარია, რომ პანდემია იყო გამოწვევის შესაძლებლობად ქცევის საშუალება, რადგან E-commerce-ზე მოთხოვნა სწორედ ამ პერიოდში გაიზარდა. დიდმა კომპანიებმა E-commerce-ის გაკეთება მაშინ დაიწყეს, როცა ჩვენ უკვე გვქონდა და შესაბამისად, ყველაზე დიდი ზრდა სწორედ პანდემიის დროს დაფიქსირდა.
უნდა აღინიშნოს განვითარების ის ეტაპი, როცა გაფართოება უკრაინაში დავიწყეთ. ამაზე 8-9 თვე ვმუშაობდით, რათა აპლიკაცია და ტექნოლოგია წაგვერთმევა ისე, რომ შესძლებოდა რამდენიმე ქვეყნის გადახდების მიღება, საოპერაციო ნაწილში მართვა, მომსახურება თუ სხვა. როგორც კი 2021 წლის ბოლოს გავედით უკრაინაში და ვემზადებოდით ოფიციალური გაშვებისთვის, დაიწყო ომი, რომელიც ვფიქრობ, რომ ერთ-ერთი ყველაზე რთული პერიოდი აღმოჩნდა ჩვენი სტარტაპის ისტორიაში. ასევე, 2023 წელიც რთული იყო, რადგან ომიდან გამომდინარე, ძალიან დიდი ეკონომიკური კრიზისი დაიწყო მთელ მსოფლიოში და გავლენა ამანაც იქონია. თუმცა ვფიქრობ, რომ როცა სტარტაპი ხარ და იცი, რა მიზნისკენ მიდიხარ, არ უნდა დანებდე და ჩვენც არ გავჩერდით. დღეს უკვე წარმოდგენილები ვართ უკრაინაში, სომხეთში, აზერბაიჯანში და 2024 წლის ბოლომდე ყაზახეთსა და უზბეკეთში გაფართოებას ვგეგმავთ.
Phubber დღეს
Phubber მომხმარებელს სთავაზობს იშოპონგოს ერთი კლიკით, შეიძინოს ნივთები საქართველოში, სომხეთსა და აზერბაიჯანში, შენაძენი მიიღოს ძალიან სწრაფად და იყოს დარწმუნებული, რომ ნივთის მდგომარეობა შეესაბამება იმას, რაც აპლიკაციაშია მოცემული. სრულად სერვისსა და მომსახურებას Phubber უზრუნველყოფს. ეს კი იმას ნიშნავს, რომ ნებისმიერი გაყიდული ნივთი მოდის ჩვენთან, თუ მაგალითად, სომხეთში შეიძინეთ, მაშინ მიდის სომხეთის ოფისში და იქაც ჩვენი ლოკალური თიმები უზრუნველყოფენ ამ ნივთის ავთენტიფიკაციას, შეფუთვასა და ხარისხის კონტროლს, რის შემდეგაც ნივთი უკვე მყიდველთან იგზავნება. ამიტომ ვფიქრობ, რომ Phubber დღეს საქართველოში და არა მხოლოდ აქ ერთ-ერთი ყველაზე კომფორტული და მარტივი პლატფორმაა იმისთვის, რომ უნიკალური ნივთები აღმოაჩინოთ. Phubber-ზე დღევანდელი მონაცემებით, 170000-ზე მეტი ნივთია ატვირთული და მოდის კატეგორიაში დაახლოებით 60-70% არის მაღალი კატეგორიის პრემიუმ და ლაქშერი ბრენდები. სამომავლოდ, კვლავ გაფართოება გვსურს და ჩვენი მიზანია, რეგიონული მოთამაშე გავხდეთ, რაც უახლოესი 1-2 წლის გეგმაა. შემდეგ კი გეზი თურქეთისკენ და აღმოსავლეთ ევროპის ქვეყნებისკენ გვაქვს მიმართული.
500 Georgia-ში მონაწილეობის გამოცდილება
500 Georgia-ში 2020 წელს მივიღეთ მონაწილეობა და ვფიქრობ, რომ ჩვენთვის ერთ-ერთი ყველაზე მნიშვნელოვანი გამოცდილება იყო. Phubber-მდე სტარტაპის კეთების გამოცდილება, რა თქმა უნდა, არ გვქონდა. ასე რომ, ძალიან ბევრი რაღაც ვისწავლეთ და ძალიან ბევრი ღირებული ინფორმაცია წამოვიღეთ, რომელიც იმ მომენტში ჩვენი განვითარებისთვის და სწორი გზით წასვლისთვის ძალიან მნიშვნელოვანი იყო. 500 Global აქსელერაციის პროგრამაში ბევრი სხვადასხვა მიმართულებაა, ეს არის მარკეტინგი, ანალიტიკა, ტექნოლოგიური მიმართულებით ბრენდინგი თუ სხვა და რეალურად, ყველა მიმართულება ჩვენთვის ღირებული და საინტერესო იყო.
მომავალ სტარტაპერებს ვურჩევდი, რომ მაქსიმალურად გამოიყენონ ის დრო, რაც აქვთ. დღევანდელი დღით იცხოვრონ და ნუ დაელოდებიან ხვალინდელ და ზეგინდელ დღეს, რომ რაღაც განსაკუთრებული მოხდება. ჩვენ იმდენად არასტაბილურ გარემოში ვცხოვრობთ, თუნდაც გეოგრაფიული სიტუაციიდან გამომდინარე, ძალიან მნიშვნელოვანია დარწმუნებული იყო იმაში, რომ წინა დღეს შენი მაქსიმუმი გააკეთე, რადგან არ იცი, ხვალ რა იქნება. ამიტომ, ყველანაირი შესაძლებლობის მაქსიმალურად გამოყენება ძალიან მნიშვნელოვანია. ასევე, უნდა სჯეროდეთ იმის, რომ თუ მიზანი გაქვს, არ აქვს მნიშვნელობა სად ხარ და როგორ ხარ, ძალიან დიდი შრომისა და გამოწვევების ხარჯზე ყველაფერი მიღწევა.
2020 წლიდან საქართველოს ბანკთან და საქართველოს ინოვაციების და ტექნოლოგიების სააგენტოსთან (GITA) თანამშრომლობით, 500 Global აქსელერაციის პროგრამას — 500 Georgia-ს —საქართველოში წელიწადში ორჯერ ახორციელებს. 500 Global-ის 12-კვირიანი ინტენსიური პროგრამა, რომელიც თეორიულ და პრაქტიკულ ცოდნაზე თანაბრადაა ორიენტირებული, სტარტაპებს ლოკალურ და საერთაშორისო ბაზარზე ადგილის დამკვიდრებაში ხელს უწყობს. მსოფლიო დონის ექსპერტების მენტორობით კი, პროგრამის მონაწილეებს ისეთი გამოცდილების შეძენის შესაძლებლობა აქვთ, რომელიც ქართულ სტარტაპებს გავლენიან ბიზნესებად ქცევაში ეხმარება.
500 Georgia-ის მონაწილე სტარტაპები რომ დიდ და წარმატებულ ბიზნესებად ხშირად იქცევიან, ამაში უკვე Phubber-ის მაგალითიც დაგარწმუნებდათ. უნიკალური კონცეფციის ონლაინ შოპინგის პლატფორმა Phubber 500 Georgia-ის პირველი ნაკადის მონაწილე სტარტაპია, რომელიც 5 ფინალისტს შორის მოხვდა.