მოულოდნელი სიურპრიზებისთვის — როგორ უნდა შექმნათ თქვენი ბიზნესის სასაჩუქრე ბარათი

მნიშვნელობა არ აქვს, მცირე ან საშუალო ბიზნესი გაქვთ თუ დიდ ქსელს უძღვებით — ახალი წლის მოახლოებასთან ერთად, ყველა კომპანიისთვის პრიორიტეტული ხდება მომხმარებლის სიურპრიზებით განებივრება. მომხმარებლები კი, თავის მხრივ, საჩუქრების ძიებაში არიან და მათ ყურადღებასაც ადვილად მიიპყრობთ, თუკი სადღესასწაულო პერიოდში დახმარებას შესთავაზებთ. როგორ?

საქართველოს ბანკის მობილბანკში სულ ცოტა ხნის წინ ციფრული სასაჩუქრე ბარათები დაემატა. ეს განსაკუთრებული შეთავაზება მომხმარებელს აძლევს საშუალებას, მოულოდნელი სიურპრიზი გაუკეთოს ახლობელ ადამიანს ან საკუთარ თავს. მისით სარგებლობა ძალიან მარტივია, შეძენა კი სულ რამდენიმე წამშიც შეიძლება. რაც მთავარია, ზუსტად ასეთივე ადვილი და სწრაფია სასაჩუქრე ბარათის შექმნაც.

რა არის ციფრული სასაჩუქრე ბარათი

ციფრული სასაჩუქრე ბარათი შინაარსობრივად იგივეა, რაც ფიზიკური სასაჩუქრე ბარათი. ეს ერთგვარი ვაუჩერია, რომელზეც წინასწარ არის განსაზღვრული რაოდენობის თანხა ჩარიცხული, მომხმარებელს კი მისი გამოყენებით შეუძლია შეიძინოს თქვენი პროდუქტი ან სერვისი. სასაჩუქრე ბარათის გამოყენება შესაძლებელია როგორც ცალკეულ მაღაზიაში, ასევე მთლიანად ქსელში. ამასთან, განაღდება შეიძლება ერთ ან რამდენიმე შენაძენზე.

რატომ ციფრული სასაჩუქრე ბარათი? პირველ რიგში, იმიტომ, რომ საქართველოს ბანკის მობილბანკში 1,3 მილიონზე მეტ მომხმარებელს აჩვენებთ თქვენი ბიზნესის შეთავაზებას. სასაჩუქრე ბარათის მობილბანკიდან შეძენა საკუთარი თავისთვის ან სხვისთვის ისეთი მარტივი და მოსახერხებელია, რომ ამ სიახლემ უკვე მიიქცია ბევრი მომხმარებლის ყურადღება. თანაც, ციფრული ვაუჩერი მხოლოდ წინასაახალწლო სამზადისში როდია პრაქტიკული — დაბადების დღეებისა და სხვა მნიშვნელოვანი თარიღების წყალობით, სასაჩუქრე ბარათები მთელი წლის განმავლობაში აქტუალური იქნება მოულოდნელი სიურპრიზებისთვის.

რაც მთავარია, სასაჩუქრე ბარათის თანხა მაშინვე დაგერიცხებათ, როგორც კი მას მომხმარებელი შეიძენს. წინასწარ განსაზღვრული ვადის გასვლის შემდეგ კი ბარათზე დარჩენილი აუთვისებელი თანხა თქვენთან რჩება.

როგორ უნდა შექმნათ ციფრული სასაჩუქრე ბარათი

ციფრული სასაჩუქრე ბარათის შესაქმნელად, პირველ ყოვლისა, აუცილებელია შევიდეთ ბიზნეს მენეჯერში  – ბიზნესის მფლობელებისთვის შექმნილი ეს ახალი პლატფორმა აერთიანებს ყველა იმ მიმართულებასა და სერვისს, რომელიც ბიზნესის სამართავადაა საჭირო. ბიზნეს მენეჯერში შესვლა შეგიძლიათ მომხმარებლის იმ სახელითა და პაროლით, რომელსაც იყენებთ ბიზნეს ინტერნეტბანკსა და ბიზნეს მობილბანკში. სწორედ აქ დაგხვდებათ სიახლეც — მთავარ გვერდზევე გექნებათ შესაძლებლობა მთავარ მენიუში აირჩიოთ ციფრული სასაჩუქრე ბარათი და დაიწყოთ მისი შექმნა, იმ შემთხვევაში თუ უკვე გაქვთ ჩვენი გადახდის ფიზიკური მეთოდი – ტერმინალი, თუ არ გაქვთ ამ პლატფორმიდანვე შეგიძლიათ მოითხოვოთ.

ბარათის შესაქმნელად დაგჭირდებათ, ატვირთოთ თქვენი ბიზნესის ლოგო, მიუთითოთ ანგარიშის ნომერი, სადაც გსურთ გაყიდული ვაუჩერების თანხა ჩაგერიცხოთ და ასევე განსაზღვროთ ლიმიტი — სასაჩუქრე ბარათის მოცულობა. თუ ფიქსირებულ თანხას აირჩევთ, თავად გადაწყვეტთ, რა იქნება ბარათის ლიმიტი, ხოლო თუ მაქსიმალურ თანხას მიუთითებთ, ლიმიტად ავტომატურად განისაზღვება 50 ათასი ლარი.

ამ ყველაფერთან ერთად, აუცილებელია, სასაჩუქრე ბარათის გამოყენების ვადაც მიუთითოთ — კონკრეტული თარიღი, ან შეძენიდან გარკვეული პერიოდი. ამასთან, ამ გვერდიდანვე შეძლებთ გააქტიუროთ ნაწილ-ნაწილ გადახდის ფუნქციაც, რომელიც მომხმარებელს საშუალებას მისცემს, ბარათის ღირებულება გადაანაწილოს ოთხ თვეზე.

მას შემდეგ, რაც ბარათის შექმნას დაასრულებთ, ბიზნეს მენეჯერიდანვე შეძლებთ ანალიტიკას მიადევნოთ თვალი: გაიგოთ, რამდენი და რა მოცულობის ვაუჩერები გაიყიდა, რამდენს შეადგენს ჯამური რეალიზაცია, რომელია ყველაზე პოპულარული სასაჩუქრე ბარათი და სხვა.

აღსანიშნავია ისიც, რომ მთავარი გვერდიდან სასაჩუქრე ბარათის რედაქტირებაც შეგიძლიათ — ვაუჩერის პირობების ცვლილება. ამასთან, თუ მომხმარებელს ბარათი ჯერ არ გაუნაღდებია (სრულად ან ნაწილობრივ), მისი გაყიდვიდან 14 დღის ვადაში შეგიძლიათ გააუქმოთ და მომხმარებელს თანხა დაუბრუნოთ. თუმცა, გაუქმებას ვერ შეძლებთ, თუკი ბარათი მესამე პირისთვისაა შეძენილი.

ასე რომ, ახლა ყველაფერი თქვენზეა დამოკიდებული; ახალ წლამდე ძალიან ცოტა დრო რჩება, ამიტომ, ჯობს იჩქაროთ — ეწვიეთ ბიზნეს მენეჯერს , შექმენით სასაჩუქრე ბარათი და გაუკეთეთ მოულოდნელი სიურპრიზი თქვენს მომხმარებელს!

არ გაჩერდე, გააგრძელე კითხვა