როგორ დაგეხმარებათ Google Workspace ბიზნესპროცესების მართვაში

საქართველოს ბანკი ბიზნესების ხელშეწყობას კვლავ აქტიურად განაგრძობს. სამუშაო პროცესის გაუმჯობესებისა და ბიზნესის უფრო ეფექტურად მართვისთვის, საქართველოს ბანკმა და Mastercard-მა ბიზნეს მომხმარებლებს სპეციალური შეთავაზებები მოუმზადეს. შეთავაზებების ფარგლებში, Mastercard-ის ბიზნეს ბარათის მფლობელებს საერთაშორისოდ ცნობილი ტექნოლოგიური პლატფორმების გამოყენება, როგორებიცაა Microsoft 365, Hotjar, Harvard Business Review და სხვა, სპეციალური შეღავათებით (ფასდაკლება, ქეშბექი, უფასო წვდომა) შეეძლებათ.

საქართველოს ბანკისა და Mastercard-ის შეთავაზება Google Workspace-ზეც ვრცელდება, რომელიც დღეს ბიზნესის მართვის პროცესში ერთ-ერთი ყველაზე კომფორტული და პოპულარული ციფრული პლატფორმაა. რა უპირატესობები აქვს Google Workspace-ს და როგორ შეძლებენ ბიზნესების მის გამოყენებას, Arena Games-ის წარმომადგენელი და 500 Georgia-ს მონაწილე, მარიამ გიორგობიანი, გვესაუბრა.

“Google Workspace არის ბიზნესისთვის საჭირო აპლიკაციების სრული ეკოსისტემა, რომელიც მოიცავს Gmail, Drive, Docs, Sheets, Slides, Meet და Calendar, რაც გუნდურ მუშაობას შეუფერხებელს ხდის. ყველა ეს აპლიკაცია ხელს უწყობს კომუნიკაციას, დოკუმენტების შექმნას, შენახვას და თანამშრომლობას რეალურ დროში. Google Workspace-ით მომხმარებლებს შეუძლიათ, შეუფერხებლად იმუშაონ ერთად მათი მდებარეობის მიუხედავად, რაც ხელს უწყობს პროდუქტიულობასა და ეფექტურობას. Google Workspace თანამშრომლობისთვის იდეალური ინსტრუმენტია.

ბიზნესებს შეუძლიათ, Google Workspace მრავალი გზით გამოიყენონ, რათა გაამარტივონ თავიანთი ოპერაციები და გუნდებს შორის თანამშრომლობა გააძლიერონ. ჩვენნაირი სტარტაპებისთვის Google Workspace არის სამაშველო საშუალება. ის აუმჯობესებს კომუნიკაციას Gmail და Meet-ის საშუალებით, იძლევა რეალურ დროში თანამშრომლობას დოკუმენტებსა და ელექტრონულ ცხრილებზე და გვიადვილებს ონლაინ შეხვედრების ჩანიშვნას Calendar-ით. გარდა ამისა, Drive ჩვენი ფაილების წვდომას ნებისმიერი ადგილიდან უზრუნველყოფს”, — ამბობს მარიამ გიორგობიანი.

გამომდინარე Google Workspace-ის სერვისებიდან, პლატფორმით სარგებლობა ყოველდღიური სამუშაო პროცესის მართვას როგორც დიდ, ისე მცირე ბიზნესებს საგრძნობლად გაუმარტივებს. როგორც მარიამ გიორგობიანი აღნიშნავს, მისი სტარტაპი Google Workspace-ს გაშვების დღიდან იყენებს, რაც უკეთესი შედეგების მიღწევაში ეხმარება.

“ჩვენ ვიყენებთ Google Workspace-ს ჩვენი გაშვების პირველივე დღეებიდან. მისი სიმარტივე, საიმედოობა და რეალურ დროში თანამშრომლობის შესაძლებლობები Google Workspace-ს შეუცვლელს ხდის. გარდა ამისა, როგორც Cloud-ზე დაფუძნებული გადაწყვეტა, ის იდეალურად ემთხვევა ჩვენს მოქნილ მუშაობის სტილს, რაც საშუალებას გვაძლევს, ეფექტურად ვითანამშრომლოთ, სადაც არ უნდა ვიყოთ. მთლიანობაში, Google Workspace გახდა შეუცვლელი ინსტრუმენტი ჩემს პროფესიულ ცხოვრებაში, რომელიც მეხმარება ვიყო ორგანიზებული, ეფექტური, ვითანამშრომლო კოლეგებთან და მუშაობისას უკეთეს შედეგებს მივაღწიო”, — აღნიშნა მარიამ გიორგობიანმა.

თუ ბიზნესის მართვის პროცესში Google Workspace-ს უკვე იყენებთ ან სარგებლობა ახლა გადაწყვიტეთ, საქართველოს ბანკის Mastercard-ის ბიზნეს ბარათით გადახდისას Workspace-ის საწყისი ყოველთვიური ტარიფი 4.99 დოლარი იქნება, რაც დაახლოებით 17%-იან ფასდაკლებას გულისხმობს. საქართველოს ბანკისა და Mastercard-ის შეთავაზების ფარგლებში, ტექნოლოგიური პლატფორმების სრულ სიას აქ ნახავთ.

შეგახსენებთ, რომ ბიზნეს შეთავაზებებით სარგებლობისთვის Mastercard-ის ბიზნეს ბარათის ფლობა აუცილებელია. თუ ჯერ არ გაქვთ Mastercard-ის ბიზნეს ბარათი, მისი შეკვეთა ბიზნეს ინტერნეტბანკსა და ბიზნეს მობილბანკში ახლავე შეგიძლიათ. ხოლო თუ ჯერ საქართველოს ბანკის ბიზნეს მომხმარებელი არ ხართ, გახსენით ანგარიში ონლაინ მარტივად და პროცესში შეუკვეთეთ Mastercard ბიზნეს ბარათი.

არ გაჩერდე, გააგრძელე კითხვა