ბიზნესკურსი — რატომ უნდა გაიარო ციფრული მარკეტინგის მასტერკლასი

21-ე საუკუნემ და თანამედროვე ტექნოლოგიების განვითარებამ მარკეტინგის სფეროს სახე რადიკალურად უცვალა. თუკი წინათ მხოლოდ დიდ კომპანიებს ჰქონდათ შესაძლებლობა, წარმატებული მარკეტინგული კამპანია ეწარმოებინათ, ინტერნეტმა უკვე მცირე და საშუალო ბიზნესების მფლობელებს მისცა საშუალება, იპოვონ თავიანთი მომხმარებელი მინიმალური დანახარჯებით.

ციფრული მარკეტინგი შედარებით ახალი ცნებაა, რომელმაც ბაზარზე ფეხი სულ რამდენიმე წლის წინ მოიკიდა. ის კომპანიებიც კი, რომლებიც თავდაპირველად სკეტპიკურად უყურებდნენ სოციალური მედიის როლს სარეკლამო საქმეში, მალევე დარწმუნდნენ, რომ მარკეტინგის მომავალი სწორედ ინტერნეტსივრცეშია. მთავარია, ციფრული მარკეტინგის ხელსაწყოებს ფლობდე და დარწმუნებული იყავი, რომ მიზანს აუცილებლად მიაღწევ.

სწორედ ამიტომ, საქართველოს ბანკის საგანმანათლებლო პლატფორმა ბიზნესკურსი გთავაზობს მასტერკლასს ციფრული მარკეტინგის მიმართულებით.

ციფრული მარკეტინგის მასტერკლასს გამოცდილი მარკეტერი, ტატიანა ბაშელეიშვილი, უძღვება. ეს მოკლე სასწავლო კურსი უმეტესად დამწყები ბიზნესებისთვის და მათთვისაა განკუთვნილი, ვისაც აქამდე ინტერნეტ რეკლამირებასთან შეხება არ ჰქონია.

ამდენად, მასტერკლასი არის, როგორც იტყვიან, „101“ — საბაზისო ცოდნისა და უნარების შეძენის საშუალება. კურსი სამ ძირითად საკითხზე კონცენტრირდება: ბიზნესმენეჯერის მართვა, ბიზნეს ექაუნთის შექმნა და აუდიტორიების ტიპები და სარეკლამო მაჩვენებლები.

ამ ყველაფრის შესწავლის შემდეგ, შენ დაეუფლები ციფრული მარკეტინგის ისეთ პრაქტიკულ უნარებს, როგორებიცაა სეგმენტირებული აუდიტორიების შექმნა, სარეკლამო ანგარიშების მართვა და სოციალური მედიის განსხვავებული კომპონენტების სამართავად გუნდების დანიშვნა.

შედეგად, მასტერკლასის გავლა დაგეხმარება, უფრო ეფექტურად დაგეგმო სარეკლამო კამპანია, რესურსების მინიმალური დანახარჯით მიიღო მაქსიმალური შედეგი და მისწვდე მომხმარებელთა აქტიურ სეგმენტს.

როგორც თავშივე აღვნიშნეთ, თანამედროვე ტექნოლოგიები ნებისმიერი ზომის ბიზნესს მომგებიანი და ხელსაყრელი რეკლამირების საშუალებას აძლევენ. მიზეზი მარტივია — ციფრულ სამყაროში მარკეტინგული კამპანია მით უფრო წარმატებულია, რაც უფრო სწორად, შესაბამისი არხებისა და ხელსაწყოების გამოყენებით, არის დაგეგმილი. ამდენად, შესაძლოა, შენი ბიზნესის შემოსავალი მაინცდამაინც დიდი არ იყოს, მაგრამ თუკი გეცოდინება, როგორ „დააბანდო“ თუნდაც მცირე თანხა სწორად, სასურველ შედეგს მიიღებ.

ამასთან, იმასაც გეტყვით, რომ თანამედროვე მომხმარებელთა უმეტესობა — 70 პროცენტი — სასურველ პროდუქტსა თუ სერვისზე ინფორმაციას, პირველ რიგში, ინტერნეტში ეძებს. ამაზე მიუთითებს გუგლის სტატისტიკაც — ეს საძიებო სისტემა ყოველდღიურად 3,5 მილიარდ მოთხოვნას ამუშავებს. სწორედ ამის გათვალისწინებით, მარკეტერების 61 პროცენტი საძიებო სისტემის ოპტიმიზაციას (SEO) სტრატეგიის ერთ-ერთ მთავარ პრიორიტეტად მიიჩნევს.

საქართველოს ბანკის შექმნილი პლატფორმა ბიზნესკურსი სხვადასხვა თემატიკის ათობით უფასო სასწავლო კურსსა და მასტერკლასს უყრის თავს. მისი საშუალებით  შეიძენ თანამედროვე ბიზნესის სამართავად საჭირო ცოდნასა და უნარებს. ბიზნესკურსი დაგეხმარება, დაგეგმო და განახორციელო ყველა ნაბიჯი ბიზნესის იდეიდან გამართულ მარკეტინგამდე. პლატფორმა მოიცავს სამეწარმეო საქმიანობის თითქმის ყველა ასპექტს: გაყიდვებს, მომსახურების მენეჯმენტს, ბუღალტერიას, რეკლამირებას, ადამიანური რესურების მართვას და სხვა. საგულდაგულოდ შედგენილ სასწავლო კურსებს კი სხვადასხვა სფეროს წამყვანი სპეციალისტები უძღვებიან.

ბიზნესკურსის შესახებ მეტის გაგებასა და პლატფორმაზე რეგისტრაციას ვებგვერდზე შეძლებ.