საქართველოს ბანკმა ბიზნესისთვის ახალი პროდუქტი – ბიზნეს ნაკრები შექმნა. ზოგადად, ნებისმიერი ბიზნესი, რომელიც განვითარებაზეა ორიენტირებული, მუდმივად ფიქრობს ბიზნეს პროცესების გამარტივებასა და ხარჯის ოპტიმიზაციაზე. ბიზნეს ნაკრები კი სწორედ ამ მიზანს ემსახურება. მასში ყველა ის აუცილებელი სერვისია თავმოყრილი, რომლებიც ბიზნესებს თითქმის ყოველდღიურად სჭირდებათ და რაც ყველაზე მნიშვნელოვანია, ამ ყველაფრის მართვა ერთ სივრცეში, ციფრულადაა შესაძლებელი.
მაგალითისთვის, 8/10Shop ბიზნესია, რომელიც ქართველი მეწარმეების მიერ შექმნილ მრავალფეროვან პროდუქციას უყრის ერთად თავს და მოხმარებლამდე მიაქვს. ამ საკმაოდ სპეციფიკური ბიზნესისთვის, რომელსაც მუდმივ რეჟიმში უწევს არაერთ პარტნიორთან კომუნიკაცია და ყველა დეტალის აღრიცხვა, ბიზნეს ნაკრების სასტარტო ნაკრები საუკეთესო გამოსავლად იქცევა:
„დარწმუნებული ვარ, სასტარტო ბიზნეს ნაკრების გამოყენების შემდეგ 8/10Shop-ში ბიზნეს ოპერაციები მნიშვნელოვნად გამარტივდება. ყოველთვიურად ვახორციელებ მეწარმეებთან თანხების გადარიცხვას, მომხმარებლებთან შეკვეთების ტრანსპორტირებას, მარაგებისა აღრიცხვასა და კონტროლს. საქართველოს ბანკის სასტარტო ბიზნეს ნაკრების მეშვეობით კი ყველა ზემოთაღნიშნულ პუნქტს უფრო შეღავათიანი ტარიფებით და გამართულად შევასრულებთ“, – ამბობს 8/10Shop-ის დირექტორი, თათა კაპანაძე.
გარდა იმისა, რომ სასტარტო ბიზნეს ნაკრები პროცესების გამარტივების შესაძლებლობას აძლევს მცირე და საშუალო მეწარმეებს, ამავდროულად განსაკუთრებული შეღავათებით სარგებლობაც შეუძლიათ: მაგალითად, სოციალური მედიის მართვის ორთვიანი უფასო მომსახურება, ბუღალტრულ მომსახურებასა და ა.შ. თავისი საქმიანობისთვის საჭირო და საინტერესო შეთავაზებებზე თათა კაპანაძე უფრო ვრცლად საუბრობს:
„განსაკუთრებით მინდა აღვნიშნო OneWay-ის სპეციალური ფასდაკლება საკურიერო მომსახურებაზე, რომელიც სასტარტო ბიზნესნაკრების მეშვეობით გვაქვს. ასევე, საწყობის მენეჯმენტის სისტემა, რაც საშუალებას გვაძლევს, რომ ყოველთვის შევძლოთ მარაგების სწორი აღრიცხვა და კონტროლი.
აუცილებლად გამოვიყენებ ბუღალტრულ 3-თვიანი უფასო მომსახურებას, რაც უფრო ნათელ ხედვას მოგვცემს, სად ვართ ამ მიმართულებით და რის გაუმჯობესებაა საჭირო სწორი აღრიცხვიანობისთვის“.
8/10Shop ერთ-ერთი პირველია, რომელიც საქართველოს ბანკის ბიზნეს ნაკრების, კონკრეტულად კი სასტარტო ნაკრების მომხმარებელი გახდა. თათა კაპანაძის თქმით, ნაკრების ამოქმედება შესაძლებლობას მისცემს კომპანიას, რომ რუტინული პროცესები შეუმსუბუქდეს და ბიზნესის განვითარებისთვის მეტი დრო და რესურსი გამოუთავისუფლდეს:
„ჩემთვის, როგორც მცირე ბიზნესების მფლობელისთვის, ძალიან ხელსაყრელი იქნება საქართველოს ბანკის სასტარტო ნაკრებით სარგებლობა. ეს მომცემს შესაძლებლობას, უფრო მასშტაბური ხედვით სწორად ვმართო საკუთარი ბიზნესი ბევრი სხვადასხვა მიმართულებით.
მოკლედ რომ შევაჯამო, ძალიან სასარგებლოა საქართველოს ბანკის ბიზნეს ნაკრებით სარგებლობა და ყველა დამწყებ ბიზნესის მფლობელს ვურჩევდი მათ გამოყენებას“, – ამბობს თათა კაპანაძე.
სასტარტოსთან ერთად საქართველოს ბანკმა კიდევ რამდენიმე ტიპის ბიზნეს ნაკრები შექმნა – S, M და L ნაკრები. ბიზნესს საშუალება აქვს, აირჩიოს ის კონკრეტული ნაკრები, რომელიც ყველაზე კარგად პასუხობს მის საჭიროებებს. თუ რას მოიცავს თითოეული მათგანი, დეტალურად შეგიძლიათ ნახოთ აქ.
რაც მთავარია, ბიზნეს ნაკრების გააქტიურება ბიზნეს მობილბანკიდან და ბიზნეს ინტერნეტბანკიდან უმარტივესადაა შესაძლებელი: პირობებს დეტალურად გაეცნობით და იქვე უსწრაფესად გაიაქტიურებთ შესაფერის ნაკრებს. სურვილის შემთხვევაში კი ნებისმიერ დროს განაახლებთ და სხვა ტიპის ნაკრებს შეიძენთ.