Altera Audit საკონსულტაციო და აუდიტორული კომპანია Loialte-ს პროგრამული უზრუნველყოფაა, რომელიც ბიზნესის საგადასახადო რისკებს ავტომატურ რეჟიმში და უმოკლეს დროში აიდენტიფიცრებს. Altera Audit-ით სარგებლობა საქართველოს ბანკის VISA ბიზნეს ბარათის მფლობელ კომპანიებს 70%-იანი სუბსიდირებით შეუძლიათ.
რას გულისხმობს აღნიშნული პროგრამული უზრუნველყოფა და რა უპირატესობებით გამოირჩევა ის? ამ და სხვა კითხვებზე Loialte-დან ლაშა კოხრეიძეს, საქართველოს ბანკიდან კი რუსუდან ბარათაშვილს გავესაუბრეთ:
– პირველ რიგში, დეტალურად მოგვიყევით, რა ტიპის შეთავაზებაა Altera?
ლაშა: Altera Audit-ი არის საქართველოში პირველი პროგრამული უზრუნველყოფა, რომელიც ავტომატურად აფასებს მომხმარებლის მიერ შევსებულ საგადასახადო ინფორმაციას, ადგენს გადაცდომების ალბათობას, აფასებს მის არსებითობას და შედეგებზე დაყრდნობით გასცემს შესაბამის საგადასახდო რჩევებს.
აღნიშნული პროგრამა მომხმარებელს აწვდის ყველა დაფიქსირებული რისკის აღმოფხვრისათვის შესაბამის საგადასახადო რეკომენდაციებს, თუმცა აღნიშნული არ უნდა გაიგივდეს სრულყოფილ აუდიტორულ დასკვნასთან.
მაგალითისთვის, „სალაროში ნაღდი ფულის შესახებ“ მეთოდური მითითების მიხედვით, საგადასახადო ორგანოს მიერ იბეგრება სალაროში ნაღდი ფულის არაგონივრული ნაშთი. ALTERA AUDIT-ი გააანალიზებს, თუ რამდენად სარისკოა ბიზნესის ბუღალტრულ ჩანაწერებში დაფიქსირებული ნაღდი ფულის ნაშთი და შესაბამისად გასცემს რეკომენდაციას სალაროს ინვენტარიზაციის ჩატარებასა ან ბუღალტრული ჩანაწერების კორექტირებაზე.
– საიდან გაჩნდა იდეა, მსგავსი შეთავაზება გაეკეთებინა ბანკს მომხმარებლებისთვის?
რუსუდანი: საქართველოს ბანკისთვის მნიშვნელოვანია თავისი ბიზნეს მომხმარებლების ფინანსური მოწესრიგებულობა. მოწესრიგებული ფინანსები კომპანიაში ნიშნავს, რომ ჩვენ, როგორც ბანკს, საშუალება გვექნება, აღნიშნული კომპანია მარტივად და სწრაფად დავაფინანსოთ. შესაბამისად, კომპანიას ექნება რესურსი ზრდისა და განვითარებისთვის.
ალტერა აუდიტი საგადასახადო რისკების შემფასებელი პროგრამაა, რომელიც ადგენს რამდენად რისკიანია კომპანია საგადასახადო კუთხით. ამის შემდეგ ის აგენერირებს რეკომენდაციებს კომპანიისთვის, თუ რას უნდა მიაქციოს მან ყურადღება, ოპერაციების რა კომპონენტი მოაწესრიგოს და დახვეწოს, იმისათვის, რომ შეამციროს საგადასახადო რისკები.
აქციის ფარგლებში, რომელსაც ვიზასთან ერთად ვაკეთებთ, პირველ 100 ბიზნეს მომხმარებელს 70%-ით დავუსუბსიდირებთ პროგრამის მომსახურებას, რაც დაეხმარებათ მათ, პრევენცია გაუკეთონ საგადასახადო რისკებს.
– თქვენი აზრით, რატომაა მნიშვნელოვანი ამ ტიპის შეთავაზება მათთვის?
ლაშა: ჩვენი ბიზნეს მომახმარებლების დიდ ნაწილს არ აქვს მოწესრიგებული ბუღალტერია და ფინანსები, რაც ჩვენთვის დიდი ტკივილია. ბუღალტერიის მოწესრიგებას მრავალმხრივი სარგებელი აქვს – მფლობელს და მენეჯერს ესმის რა მდგომარეობაა დღეს თავის კომპანიაში, გრძელვადიან გადაწყვეტილებას მონაცემებზე დაყრდნობით იღებს, კომპანია მარტივად იღებს დაფინანსებას, აზღვევს საგადასახადო რისკებს. ალტერა აუდიტი, ვფიქრობთ მარტივად აჩვენებს კომპანიას, საიდან დაიწყოს ფინანსების მოწესრიგება.
– რა სარგებელს მოუტანს ეს შეთავაზება მომხმარებლებს?
რუსუდანი: ვფიქრობთ, ეს პროდუქტი გაზრდის ჩვენი ბიზნეს მომხმარებლების ცნობიერებას მოწესრიგებული ფინანსების აუცილობლობის შესახებ და ასევე, დაანახებს მათ რა ცვლილებები სჭირდებათ რომ გაატარონ ფინანსების მოსაწესრიგებლად.
– როგორ ფიქრობთ, როგორი იქნება ჩართულობა?
ლაშა: მოლოდინი გვაქვს, რომ პროგრამით დაინტერესება და მოხმარება იქნება მაღალი ინტენსივობის, ვინაიდან, პროდუქტის პოტენციური მომხმარებელია ყველა გადასახადის გადამხდელი, დაწყებული მეოთხე კატეგორისს ინდ-მეწარმიდან, დამთავრებული პირველი კატეგორიის საწარმოთი. პროგრამა გამოადგება როგორც ბუღალტრებს (გადააკონტროლონ საკუთარი ნამუშევარი), ასევე, დირექტორებს, ან სხვა დაინტერესებულ პირებს, რომელთა ინტერესია, დაადგინონ კომპანიის საგადასახადო რისკიანობა.
შეთავაზებით სარგებლობისთვის ეწვიეთ ბმულს და შეავსეთ განაცხადი